Wednesday, February 15, 2012

IT'S OFFICIAL: BODY OF JURORS, NOT BODY OF JUDGES

TAMA si Sen. Miriam Defensor Santiago, masyadong stressful ang impeachment proceedings.
Kasi’y siya ay aktuwal na pinepeste ng ALTA-PRESYON.
Pero, regular siyang nagpapa-CHECKUP.
Mabuti naman, kasi’y baka mawalan ng kaparner si JOKER.
He, he, he.

-----$$$---
DAHIL din sa masyadong stress sa impeachment trial, alam ba ninyong NAPANGANAK nang wala sa oras ang isang BUNTIS na testigo?
Opo, nanganak na po kahapon ,Miyerkoles ang manager ng BPI Ayala branch.
Hindi na siya nakadalo sa hearing kahapon gayung PINABABALIK pa siya.
Hindi sinabi sa ulat kung ANO ang ipa-PANGALAN sa kanyang BABY.
Pero tatlo ang pinagpipilian---BABY CORONA, CUTE ENRILE O SWEETY PIE MIRIAM.
Ha! Ha! Ha!

----$$$--
LIHIM tayong natuwa nang banggitin at aminin ni Senate President Juan Ponce Enrile na ang “tinatagurian nilang impeachment court”—ay isang BODY OF JURORS.
Kayo ang saksi na ang KOLUM na ito lamang ang nagpupumilit na “hindi angkop” ang terminong Impeachment Court, hindi rin angkop ang terminong JUDGES, bagkus sila ay mga SIMPLENG JURORS.
Ginamit ni Enrile ang terminong JURORS—upang ihiwalay niya ang “judges” sa “juror” na mahalagang ASPEKTO upang mawala at mabura ang CONFLICT at maunawaan ng LAHAT—ang ginagampanan nilang papel.
Ang kolum din ito ang unang nagbansag bilang IMPEACHMENT BODY—ang grupo ng mga senador na NAATASAN ng Konstitusyon lumitis sa mga presidente, bise presidente at iba pang constitutional officers.
Binanggit din natin na ang mas angkop na bansagang IMPEACHMENT BODY ang mga senador imbes na impeachment court.
Hindi angkop ang terminong “JUDGES”—sapagkat kapos ng “EXPERTISE” ang mga senador—pero may sapat silang KATINUAN o TALINO na humatol batay sa EBIDENSIYA o FACTS—kahit hindi sila abogado gaya sa tipikal na mga JUROR sa ibang bansa.
Ngayon, opisyal nang binanggit ni ENRILE na ang mga senador ay BODY OF JURORS—lumilinaw ngayon—ang isang ISSUE—magkaiba ang TRABAHO ng “justices” sa Korte Suprema at JURORS sa impeachment.
Sa paggamit ng ANGKOP na TERMINO—nawawala ang CONFLICT ng dalawang INSTITUSYON.
Ibig sabihin, kapag ang mga SENADOR ay JURORS, walang conflict ito sa JUSTICES o MAHISTRADO—sapagkat ang depinisyon ng dalawang “grupo” ay MAGKAIBANG MAGKAIBA.

-----$$$--
GINAMIT ni Enrile ang terminong BODY OF JURORS— habang ipinapaliwanag niya na INIRERESPETO nila ang TRO na inilabas ng Korte Suprema na ang IBIG SABIHIN---kapag ang proseso, teknikalidad at INTERPRETASYON ng batas ay nakataya—IISA lang ang may HURISDIKSIYON ditto—ito ay ang KORTE SUPREMA na binubuo ng mga eksperto sa batas na mga MAHISTRADO.
Pero, kapag ang diskusyon, argumento o paglilitis o TRIAL OF FACTS—batay sa EBIDENSIYA na nakuha at nasuri—TANGING ang BODY OF JURORS lamang ang may WAGAS na karapatan ditto.
Yan ang sinasabi ni Enrile na hindi niya ISUSUKO—ang PAGDINIG at PAGLILITIS sa mga EBIDENSIYA.
Napakalinaw.
Luminaw lamang iyan nang TANGGAPIN ni Enrile ang ARGUMENTO ng kolum na ito: JURORS ang mga senador at hindi judges, hindi rin mahistrado!!!

------$$$--
SANA’Y mauuwaan ito ng 10 SENADOR na ginamit ang EMOSYON imbes na ISIP o UTAK.
Isaliksik ninyo kung ano ang KAHULUGAN ng JURORS at ano ang kahulugan ng JUDGES o JUSTICES.
Kapag nasaliksik ninyo yan—mawawala ang CONFLICT---at irerespeto ninyo ang tunay na KATAAS-TAASANG HUKUMAN.
At irerespeto din kayo ng mga MAHISTRADO bilang mga JURORS.
Itinalaga ng Konstitusyon ang mga SENADOR bilang JURORS at hindi kailanman bilang JUSTICES o JUDGES—tulad ng inaakala nila.
At ang KOLUM na ito lamang ang mapagpakumbabang KAPIRASONG DILA ng APOY sa karagatan ng KADILIMAN sa BATAS.
Maraming salamat po.
(BISTADO column, Bulgar newspaper, Feb. 16, 2012 issue, unedited. Cc: bistado.blogspot.com/ editorsdiary.blogspot.com/ bistadokamao@yahoo.com/ 09297740745)

0 Comments:

Post a Comment

<< Home