IGGY'S GHOST:TORN BETWEEN 2 GIRLS

AYAW pa ring patahimikin ang kaluluwa ng yumaong si Rep. Iggy Arroyo ng mga “multo” na ginagawa niya nang siya ay nabubuhay pa.
Hindi pa rin naiuuwi sa Pilipinas ang kanyang bangkay sapagkat pinag-aagawan ito ng dalawang “babae” sa kanyang buhay—isang nakahiwalay niya at isang kasama niya sa London nang malagutan siya ng hininga.
Sa pinakahuling ulat, naglabas ng dokumento si Grace Ibuna na ‘last will and testament” umano ng kongresista na nagbibilin na siya ang AAKO sa paglilibing at sa kanya rin ipinamamana ang lahat-lahat ng ARI-ARIAN ng yumao.
Nangangamoy ngayon ang isang mahabang kaso sa “agawan ng mana”.
Diskaril din na mabigyan ng desente at maayos na burol ang labi ng nagpakilalang “Jose Pidal” .
Sa panahon na naiipit sa eskandalo ang nakatatandang kapatid na si dating First Gentleman Mike Arroyo ay inako nito ang LAGDANG “Jose Pidal”.
Sinasabing naka-pangalan kay Iggy ang MALAKING BULTO ng kayamanan .
Layunin nito na maiwas sa kaso ng plunder ang kanyang kontrobersiyal na kapatid .
Pero sa kanyang PAGYAO—pinag-aagawan ngayon ito ng kanyang mga “HEREDERA”.
Tiyak na sasapaw ito sa naunang aktuwal na TELENOBELANG IMPEACHMENT TRIAL.
Anu’t anuman, hindi nauubusan ng PANOORIN at libangan ang 90 milyong Pinoy na nagsisilbing PAMPAMANHID sa kumakalam na SIKMURA.
(EDITORIAL, Bulgar Newspaper, Feb. 15, 2012 issue, unedited. Cc: bistado.blogspot.com/ editorsdiary.blogspot.com/ bistadokamao@yahoo.com/ 09297740745)