Sunday, February 12, 2012

THE PRIESTS: SINNERS OR SAINTS?

INAMIN ni Msgr. Luis Antonio Tagle, arsobispo ng Maynila na isang malaking problema pa rin sa loob ng Simbahang Katoliko ang kahiya-hiyang kaso laban sa mga pari.
Kabilang ditto ang lihim na pagkaroon ng anak ng mga pari at pagkakaroon ng lihim na asawa , pagiging bakla at pakikipag-sex sa mga paslit .
Sinabi Tagle sa ginanap na 4-day Catholic symposium sa Rome, Italy na dinaluhan ng 110 dioceses at 30 religious orders na ang pananahimik o hindi pagrereklamo sa takot na mapahiya sa publiko ay siyangv dahilan kung bakit hindi mabisto o matukoy kung gaano KARAMI ang bilang ng mga pari na nasasangkot sa kabulastugan, kasalanan at krimen.
Layunin ng kumperensiya na makabuo ng patakaran at regulasyon ang Simbahang Katoliko kung paano mapaparusahan, mapigilan at makastigo ang mga pari sangkot sa mga katiwalian.
Itinakda ng Vatican ang buwan ng Mayo na deadline sa pagsusumite ng mungkahing regulasyon.
Nagsimulang mapahiya ang Simbahang Katoliko nang unang mabunyag ang kalokohan ng mga pari sa Ireland noong 1990’s; nasundan ng eskandalo sa United States noong 2002; at sa Europe noong 2010 pero ang mga kaso sa kontinente ng Asia ay hindi nabubunyag bunga ng tradisyon at kultura na maaring ikapahiya ng pamilya ng mga biktima kapag lumantad at ibinisto ang-aabuso ng kaparian.
Hiniling ni Tagle sa mga ordinaryong Katoliko na hindi dapat matakot at baguhin ang tradisyon na nahihiya na ilantad ang pang-aabuso ng kaparian, bagkus ay maglakas loob na isumbong sa awtoridad ang mga PAGLABAG upang makakuha ng malinaw na datos at maresolba ang problema.
Naniniwala ang Simbahan na ang lulutas at pipigil sa eskandalong ito ay ang pagiging bukas-sa-publiko, walang inililihim at paglalantad ng KATOTOHANAN.
Sana’y makaabot sa mga ordinaryong miyembro ng Simbahan ang panawagang ito upang mabunyag ang paglabag ng mga pari at mapigil ang walang katapusang pang-aabuso SUOT ang abito.
(EDITORIAL, , Bulgar newspaper, Feb. 13, 2012 issue, unedited. Cc: bistado.blogspot.com/ editorsdiary.blogspot.com/ bistadokamao@yahoo.com)

0 Comments:

Post a Comment

<< Home