Thursday, February 16, 2012

NO CONSTITUTIONAL CRISIS, ONLY IDENTITY CRISIS

AYAW tantanan ni PNOY si CJ Renato Corona.
Naniniwala raw ang Malacanang na “GENUINE” ang dokumento sa bank accounts” na sinabing PEKE mismo ng manager ng bangko.
Anubayannn???

----$$$---
NANG aminin ni JPE na BODY OF JURORS ang impeachment body, marami ang BIGLANG nakaunawa ng pagkakaiba ng responsibilidad ng KORTE SUPREMA na binubuo ng mga mahistrado at impeachment “court” na binubuo ng mga SENADOR.
Iyan ang paulit-ulit na binabanggit ng KOLUM na ito, kailangang TANGGAPIN ng mga senador na wala silang “legal expertise” pero may SAPAT silang TALINO at kakayahan na HUMUSGA—batay sa “nakalatag na ebidensiya”.
Ibig sabihin, itinoka ng Konstitusyon sa SENADO na magdesisyon at duminig ng “impeachment cases” batay sa DOKUMENTO at EBIDENSIYA, pero hindi sa “interpretasyon sa proseso o teknikalidad”.
Sa ganyan paggamit ng katagang “JURORS” imbes na “JUDGES”—naglaho ang CONFLICT o ang mismong CONSTITUTIONAL CRISIS na ikinatatakot ng lahat.

----$$$--
SA totoo lang, nag-ugat ang GUSOT na “angkinin”, “ipagyabang” at “pumostura” ang mga SENADOR na tipong MAHISTRADO at JUDGES—pero ang katotohan sila ay TIPIKAL NA JURORS.
Ayaw nilang magpatawag na “JURORS” kasi’y may konotasyon ito na “mas mababa” kaysa sa gusto nilang “termino” o titulo na “JUDGE-SENATOR.
Inaakala nila na ang mga SENADOR -JUDGES—ay kapantay at ka-CONFLICT ang mga MAHISTRADO.
Magkaiba po ang kanilang trabaho, magkaiba ang responsibilidad at magkaiba ang obligasyon---batay mismo sa ITINATADHANA ng Konstitusyon.

-----$$$--
PARA madaling maunawaan, gamitin nating HALIMBAWA ang ARMED FORCES OF THE PHILIPPINES (AFP) na binubuo ng mga SUNDALO at ang Philippine National Police (PNP) na binubuo naman ng mga pulis.
Sa biglang tingin o sa pananaw ng ORDINARYONG TAO—pareho lang ang responsibilidad, trabaho o obligasyon ng SUNDALO at PULIS, pero sa totoo at sa aktuwal—MAGKAIBANG MAGKAIBA po ang kanilang “papel” sa gobyerno.
Nagkakapareho lang sila sa dalawang ASPEKTO:
Una, pareho silang MAY ARMAS o kapwa ARMADO.
Ikalawa, pareho silang ginagamit na TAGAPAYAPA o tagapagtanggol ng ORDINARYONG MAMAMAYAN.
Nagkakaiba sila sa KLASE o SUSTANSIYA ng kanilang trabaho na lingid sa kaalaman ng ordinaryong mamamayan.
Ang AFP o ang mga SUNDALO—ay nakatoka lamang sa “pagtatanggol sa SOBERANIYA ng bansa—o taga-DEPENSA laban sa EXTERNAL ENEMIES o mga dayuhan.
Pino-PROTEKSIYUNAN din ng AFP o mga SUNDALO ang ordinaryong MAMAMAYAN—laban sa KALABAN ng Republika o katunggali ng ESTADO—tulad sa mga REBELDE—gaya ng CPP-NPA-NDF, MILF, MNLF at mga sundalo ng ibang bansa na pumapasok sa ating teritoryo.
Sa kabilang panig, ang PNP o mga pulis—ay nakatoka sa pagpapanatili ng KATAHIMIKAN at KAAYUSAN sa loob ng teritoryo o PEACE and ORDER bukod pa sa paglaban sa lahat ng klase ng KRIMINALIDAD.
Gayunman, may mga espesyal na okasyong , NAGTUTULUNGAN ang mga ito sa kanya-kanyang nakatokang trabaho.
Ibig sabihin, ang KRIMEN ay nakatoka sa pulis, pero ang pagkontra sa NPA at MILF ay nakatoka sa AFP o sundalo.

----$$$--
GANYAN din sa MAHISTRADO, nakatoka sila sa INTERPRESTASYON ng batas, pero ang mga JUROR—ay nakatoka sa paga-analisa ng EBIDENSIYA sa gitna ng pagdinig upang mahatulan ang nagkasala.
Mas mataas ang konotasyon ng MAHISTRADO O JUSTICES o JUDGES sapagkat may konotasyon ito bilang EKSPERTO kaya’t gusto-gusto ng mga senador na matawag silang JUDGES.
Sa kabilang panig, hanggang ngayon, gustong-gusto ng mga POLICE OFFICERS na matawag na HENERAL, COLONEL, MAJOR, CAPTAIN, LIEUTENANT at SARGEANT—kahit inalis na ito sa kanilang uniporme.
Opo, ang mga PULIS—ay hindi na pinagagamit ng ganyang RANGGO na eksklusibo na lamang sa mga SUNDALO o AFP.
Sa ngayon, nakatoka lamang sa PNP o mga pulis ang ranggo na CHIEF SUPERINTENDENT, SR. SUPERINTENDENT, SUPERINTENDENT, CHIEF INSPECTOR, INSPECTOR, SPO4, SPO3 , SPO2, SPO1, etc.

Yung mga CHIEF INSPECTOR sa pulis, mas gusto na tawagin silang MAJOR—at ang inspector ay gustong matawag na CAPTAIN.
Yung mga chief superintendent sa PNP ay tuwang-tuwa na matawag na HENERAL bagaman ang RANGGONG iyun ay para lamang sa mga opisyales ng AFP.

-----$$$--
YAN ang dahilan kung bakit nagugulo ang impeachment proceedings, gusto ng mga senador na matawag na JUDGES imbes na JURORS.
Gusto nila na mag-INTERPRET ng batas, imbes na magsuri lamang ng EBIDENSIYA na inihahain.
Mas gusto nila ang Impeachment Court na binubuo ng mga “judges-senators” , imbes na simpleng IMPEACHMENT BODY na binubuo ng mga JUROR-SENATOR.
Kapag tinanggap nila ang mga naturang angkop na TERMINO---walang conflict, walang constitutional crisis.
Kumbaga sa PSYCHIATRIC CASE, mayroon lamang na IDENTITY CRISIS—pero walang constititutional crisis.
Pag nakilala nila ang SARILI nila, doon lamang sila MAKAKALAYA at makakalmante ang lahat.
(BISTADO column, Bulgar newspaper, Feb. 17, 2012 issue, unedited. Cc: bistado.blogspot.com/ editorsdiary.blogspot.com/ bistadokamao@yahoo.com./ 09297740745).

0 Comments:

Post a Comment

<< Home