Thursday, February 16, 2012

SUICIDE CRAZE: MURDER ME, PLEASE

MARAMI ang nahihiwagahan sa isang ulat mula sa internet kaugnay ng pagsu-SUICIDE ng dalawang Paring Katoliko na nagkaroon ng sexually transmited diseases dahil sa hindi ligtas na sex sa bansang Columbia.
Pero ang kakaiba sa kaso ng suicide ng dalawang pari ay ang pagha-HIRED ng assassins upang sila ay barilin at patayin kung saan umani ng malalim na pagsusuri at kalituhan sa ordinaryong mamamayan.
Ibig lamang sabihin sa ulat ay nais palabasin ng dalawang pari na sila ay PINATAY ng asesino at hindi sila nag-suicide upang takasan ang MALAKING KAHIHIYAN na maipapamana nila hindi lamang sa kanilang mga naulila kung maging sa Simbahang Katoliko at mismo sa personal nilang reputasyon.
Sa madaling salita, desidido ang dalawang pari na mag-suicide dahil hindi lang sila dumaranas ng sakit na STDs bagkus ay guilty pa sila sa imoralidad.
Sinasabing una nilang binalak na magpapakamatay sa pamamagitan ng pagtalon sa isang matarik na bangin pero hindi nila ginagawa dahil hindi kayang tiisin ang sakit at pinsala na dulot nito.
Pero, nakaisip sila ng ideya kung paano nila TATAPUSIN ang kanilang buhay.
Kumontak sila ng professional hired killers gamit ang cellphone at binayaran nila agad ang mga hoodlums mula sa isang bisinidad sa Columbia—kung saan ang TARGET na babarilin ay ang sarili nilang PAGKATAO sa espesipikong petsa.
Bago ang takdang asasinasyon, nag-withdraw muna sila sa kanilang bank accounts at inayos ang ilang transaksiyon.
Matapos ang “matagumpay na suicide” , nabisto ang PAKANA nang mabuklat at madiskubre sa kanilang cellphone ang pagtawag at transaksiyon ng mga BIKTIMA sa mismong asesino na naaaresto at umamin sa pagkakasala.
Ang aral: Una, maging ang pari ay nagpapatiwakal kaya’t lalong dumarami ang kasong pagpapakamatay hindi lamang sa buong daigdig kundi maging sa Pilipinas na may IISANG LAYUNIN: TAKASAN ang kahihiyan, takasan ang hirap na nararamdaman ng katawan, isip at kaluluwa.
Ikalawa, walang lihim na hindi NABIBISTO.
Ikatlo, ang MODERNONG TEKNOLOHIYA ay may espesyal na tulong upang maresolba ang MISTERYOSONG KRIMEN sa ating paligid.
(EDITORIAL, Bulgar newspaper, Feb. 17, 2012 issue, unedited. Cc: bistado.blogspot.com/ editorsdiary.blogspot.com/ bistadokamao@yahoo.com./ 09297740745).

0 Comments:

Post a Comment

<< Home