KANGAROO:D' TRIAL OF MANG RENATO

TAMPULAN ng kantiyaw ang PROSEKUSYON sa impeachment trial.
Niloloko kasi nila ang KATINUAN ng mga senador at taumbayan.
Noong una, sinabi ni Rep. Rey Umali na iniabot sa kanya ng isang “babaeng DUWENDE” o small lady ang envelop na naglalaman ng Xerox copy ng BANK ACCOUNTS.
Noong Huwebes, inamin naman ni Rep. Bolet BANAL na NAPULOT niya sa TARANGRAHAN o GATE ng kanyang bakuran sa St. Ignacious ang ENVELOP na may katulad ding ENTRADA.
Nakapagtatakang, NAGPAPALOKO ang mga senador sa “KUWENTONG PANTASYA”.
Pareho kasing UN-IDENTIFIED “person” ang binanggit nina UMALI at BANAL.
Pareho ring PANTASYA ang ikinatwiran , pero TINANGGAP ng impeachment body.
Tandisang PANGGOGOYO na ito.
Hindi na kailangan diyan ang DEBATE.

-----$$$---
KAPAG pinalampas yan ng IMPEACHMENT BODY, lilitaw na “WALANG KAKAYAHAN” o MANGMANG ang mga ito sa “proseso ng pagdinig” at PANLOLOKO sa ebidensiya.
Isang malaking KATATAWANAN ito.
Mas matino pa ang KANGAROO COURT ng CPP-NPA-NDF kaysa impeachmwent body, kasi’y kapag NILOKO mo ang “kangaroo court”—tiyak na BABARILIN ka agad.
Pero , ang impeachment body, ilang BESES nang “pinaglalaruan” ng mga prosekyutor at abogado—-ay WALA pa ring aksiyon at kastigo.

----$$$--
ISA pang maaaring ihalintulad ditto ay ang dula na “Ang Paglilitis ni Mang Serapio” na isang kuwento na iniakda ni Paul Dumol.
Nahahalintulad ang kuwentong ito sa impeachment trial sapagkat hinatulan si Mang Serapio gamit ang mga ESPEKULASYON at HINUHA imbes na batay sa matibay na ebidensiya.
Sa impeachment body , niloloko na ang proseso pero “ini-entertain” pa nito ang isang DINAYA at “nilokong ebidensiya at testimonya katulad na katulad sa eksena sa "Ang Paglilitis ni Mang Serapio".
Ano ang resulta sa “nilokong ebidensiya” kapag ito ay ginamit sa deliberasyon, hindi ba’t magbubunga rin ito ng “NILOKONG DESISYON”?
Nasaan ngayon ang katinuan ng Impeachment Body?
Hindi ba mas MAY LOHIKA ang Kangaroo Court na lumilitis sa mga MAGNANAKAW ng kalabaw?
Tunghayan ninyo ang dula: “Ang Paglilitis ni Mang Serapio”—sapagkat KAPUPULUTAN ito ng ARAL.
Walang ipinag-iba ito sa impeachment trial ni CJ Corona—dahil imbes na
”BAUL” ang ayaw pabuksan ni “Mang Serapio”, BANK ACCOUNTS naman ang ayaw ipagalaw sa prosekusyon.
Ang PARUSA kay Mang Serapio ay PAGBULAG o PAGDUKIT ng MATA, pero ang PARUSA sa impeachment trial—ay nararanasan na ng mamamayang Pinoy: PAGBULAG SA KATOTOHANAN!!.
(BISTADO Column, Bulgar newspaper, Feb. 18, 2012 issue, unedited. Cc: bistado.blogspot.com/ editosdiary.blogspot.com/ bistadokamao@yahoo.com/ 09297740745)