3 consecutive draw si Wesley So, Netherlands chess

NAUWI lamang sa ika-3 sunod na draw ang laban ni Filipino sensantion grandmaster (GM) Wesley Barbasa So kontra kay Israeli GM Boris Gelfand sa 21moves ng Petroff defense sa patuloy na hostilidad ng NH Chess Tournament binansagang the Experience team and the Rising Star sa NH Grand Hotel Kransnapolsky sa Amsterdam, Netherlands nitong Sabado.

Matapos ang round 3, nakalikom ang the Rising Star ng kabuuang 9.5 puntos kontra sa koponan ng the Experience team ito'y matapos ding manalo sina GM Hikaru Nakamura(USA), GM Fabio Caruana (Italy) at GM David Howell (UK) kontra kina GM GM Peter Heine Nielsen (Denmark), GM Peter Svidler (Russia) at GM Loek Van Wely (Netherlands), ayon sa pagkakasunod. Nauwi naman din sa draw ang laban nina GM Anish Giri (Netherlands) at GM Ljubomir Ljubojevic (Serbia).MB