GAB, NHC: MOST UNPATRIOTIC

NASA Pilipinas na si IBF light flyweight champion Johnriel Casimero.
Bakit kaya hindi siya pinagkaguluhan o pinag-agawan nina Manila Mayor Fred Lim at dating DENR Sec. Lito Atienza?
Hindi rin siya kinumbida o binigyan ng pagkakataon na makapag-courtesy call kay PNoy.
Hindi man lang siya ipinagtanggol ng Malacanang laban sa pambubugbog ng mga miron ng boxing sa Argentina.
Ang masakit, kitang-kita ditto ang KAMANGMANGAN at pagiging INUTIL ng Games and Amusement Board (GAB) na siyang may responsibilidad at obligasyon sa isang lehitimong PROFESSIONAL ATHLETE tulad ni Casimero.
Tameme ang GAB, tameme ang Malacanang, tameme ang matataas na sports officials ng bansa.
Sa totoo lang, balewala lang kay Casimero ang sakit ng katawan na dinanas mula sa mga BARUMBADONG Argentinian, kasi’y para sa kanya, hindi siya dapat gumanti ng mga SUNTOK sa mga walang modong amateurs dahil siya ay isang PROFESSIONAL.
Malaki ang tama ni Casimero.
Pero, alam ban g Malacanang at mismong National Historical Commission na NAWALA at possibleng WINARAT ang watawat ng Pilipinas sa ibabaw ng lona?
Ibig sabihin, kung ang NHC ay nababahala sa hindi tamang TONO o HIMIG ng Lupang Hinirang, bakit hindi sila nabahala sa PAGKAWALA at posibleng pagwarat ng bandila ng Pilipinas?
Huwag na nating intindihin si Casimero dahil talagang NAPATAWAD na niya ang mga bastos na mga kalaban, pero PAANO naman ang dignidad n gating bansa?
Paano ang kasagraduhan n gating PAMBANSANG WATAWAT?
Nasaan ang patriotismo ng mga opisyal ng ating gobyerno?
Nasaan?
(EDITORIAL, Bulgar newspaper, Feb. 18, 2012 issue, unedited. Cc: bistado.blogspot.com/ editosdiary.blogspot.com/ bistadokamao@yahoo.com/ 09297740745)