BANK RUN NAMUMURO

ISANG  negatibong epekto ng impeachment  trial na hindi binabanggit ng administrasyong Aquino ay ang posibilidad ng  BANK RUN o ang pag-uunahan na i-withdraw ang mga pera sa bangko.

Ang mga magwi-withdraw ay ang mga MAYAYAMAN na kritiko o identified ng Aquino government .

Layunin nito na mailigtas sa HINDI makatarungang pagbusisi o pagkalap ng mga confidential financial data gamit ang Anti- Money Laundering Council (AMLC) kakutsaba mismo ang Ombudsman o iba pang government iinvestigating agencies.

Magkakaroon ng LIHIM na takot ang mga MULTI-MILYONARYO na matulad sila sa sinapit ni  dating Chief Justice Renato Corona na ibinisto ang BANK ACCOUNT kahit WALANG KASO sa korte at walang court order.

Maaaring magbigay ng MALING HUDYAT din ito sa PRIBADONG NEGOSYANTE na  matatakot nang IPAGKATIWALA  ang salapi sa mga bangko na HOPELESS laban sa pagbusisi ng GOBYERNO..

Lalabas ngayon na ang GOBYERNO---ay may ABSOLUTE POWER na buksan ang bank account hindi lamang ng public officer bagkus maging ng PRIBADONG SEKTOR.

Ang bank  run ay hindi agad mararamdaman pero ito ay maaring magpa-GROGE sa financial community ng bansa.

Sana’y maagapan ito ng mga kinauukulan.

(EDITORIAL  NI KA AMBO column, Bulgar newspaper,  May 31, 2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745)