SUPREME COURT: DAPAT LANG MAWARAT
HANGGANG ngayon kinukulit tayo ng mga texters kung ano talaga ang
MOTIBO ng pagsasampa ng kaso laban kay Chief Justice Renato Corona.
Pero, ito ay binanggit mismo ni Corona sa kanyang madamdaming
testimonya kung saan ITINURO niya mismo si PNOY bilang utak at mastermind ng kutsabahan
sa pagpapatalsik sa kanya sa Korte Suprema.
Tandisang ibinunyag ni Corona
ang motibo ay ang kaso ng HACIENDA LUISITA na “pag-aari” ng Pamilya Cojuangco-
Aquino.
Ibinunyag ni Corona
na nagtanim ng galit si PNOY sapagkat hindi pinaboran ng Korte Suprema manatili
ito sa Pamilya Cojuangco bagkus ay iniutos na IPAMAHAGI sa mga lehitimong
magsasaka.
------$$$--
PERO isa tayo sa naniniwala na hindi lang iyan ang motibo bagkus ay may
MATINDI pang motibo ang Malacanang kung bakit nais WASAKIN nito ang buong Korte
Suprema.
Sa totoo lang, alam ba ninyo na may NAKABINBING kaso sa Korte
Suprema kung saan IPINABABALEWALA ang resulta ng buong 2010 presidential at
senatorial elections kabilang ang resulta ng mga local elections.
Opo, ginamit na argumento
dito ay LABAG sa batas umano ang ginamit
na proseso at “kaduda-duda” ang PCOS machine dahil walang DIGITAL SIGNATURE ang
mga resulta at hindi rin gumamit ng tinatawag na “ultra violet ballot scanner”
tulad sa itinatadhana ng Election computerization act.
-----$$$---
SA petisyong inihain ni dating kongresista Homobono Adaza sa Korte
Suprema, hiniling nito na ideklarang NULL AND VOID ang resulta ng 2010
elections—kung saan sakaling paboran ng mayorya ng mga MAHISTRADO—ay masisibak
sa puwesto si Pangulong Aquino at si Bise Presidente Jojo Binay.
Hiniling na rin ng grupong Tanggulang Demokrasya (Tandem) sa Korte Suprema na aksiyunan agad ang petisyon
ni Adaza
dahil sa pangambang kinokontrol ng mga PEKENG “ELECTED” LEADERS ang gobyerno.
-----$$$--
NAIS din malaman ng TANDEM kung may katotohanan ang natanggap
nilang impormasyon na “nagkaloob ng P15 milyon tongpats ang isang “alyas Ronnie” at “alyas Ricky”
upang imanipula ng TECHNICAL EXPERT ang resulta gamit ang SOPISTIKADONG computer
programs.
Ibinunyag ng isang computer group
ang nag-EKPERIMENTO at sumubok na bigyan ng
MALAKING BOTO si dating presidential candidate Manny Villar gamit ang PCOS sa
isang siyudad sa Quezon, pero hindi ito binasa ng COMPUTER bagkus ay paulit-ulit na nasa THIRD PLACE ito palagi sa mga resulta
kahit maraming boto ang inilagay sa kanyang pangalan.
Sana’y maaksiyunan agad ito ng Korte Suprema upang mawala ang
agam-agam ng lahat.
May itinatanong ang mga texter: Sakaling matanggal si Pangulong
Aquino at Bise Presidente Jojo Binay, sino ba ang uupo sa Malacanang?
Hindi ba’t si Senate
President Juan Ponce Enrile na No.3 leader ng ating bansa?
Huhhh, maselan ito.
(BISTADO NI KA AMBO, Bulgar Newspaper, May 27, 2012 issue.
UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745).
0 Comments:
Post a Comment
<< Home