PATINTERO SA SHOAL: JAPAN KASALI NA
TATLONG warships ng Japan
ang dumaong sa Subic Bay .
Ito ay matapos manatili dito ng ilang araw ang isang sopistikadong
war submarine ng United
States .
Kasabay ito ng ulat na
patuloy na dumarami ang barko- de-giyera ng China sa Scarborough Shoal kung
saan iniulat na maaaring umabot ito sa mahigit 100 kabilang ang mga bangkang
pangisda ng mga Tsino.
Sa aktuwal, makikita natin na may nagaganap nang girian ang
Pilipinas at China
bagaman ang maniobrahan ay hindi sa bisinidad ng Panatag Shoal
Tumitindi ito dahil nakatakdang bumisita sa United States si
Pangulong Aquino at maging si Bise Presidente Jojo Binay.
Kahit itanggi, hindi
mapapasubalian na kakampi ng Pilipinas ang US
at Japan
dahil parehong nangako ang dalawang bansa na aasiste upang mapalakas ang
Philippine Navy.
Inamin ng Japan
na interesado sila sa nagaganap sa West Philippine sea sapagkat maraming barko
nila ang nagdaraan sa naturang lugar.
Nais naman ng China
na makontrol din ang naturang karagatan hindi lamang dahil sa likas na
kayamanan dagat at mina ng langis kundi nais nilang MAKONTROL ang isang
mahalagagang DALUYAN SA KARAGATAN o pangdagat na lansangan ng mga barko.
Sa madaling salita, mahalagang aspekto ng gulo o sigalot ay ang punto-de-bistang
pang ekonomiya ng China , US,
Japan
at Pilipinas.
Dahil dito, hindi pa
maaayos ang sigalot at mahihirapang makasumpong ng solusyon hinggil dito.
(EDITORIAL NI KA AMBO, Bulgar Newspaper, May 27,
2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745).
0 Comments:
Post a Comment
<< Home