HAMPAS SA LANGAW, LATAY SA KALABAW
NAGWAKAS na ang aktuwal na
telenobelang Pinoy.
Tinapos na ni Presiding judge Juan Ponce Enrile ang impeachment trial sa makabagbag damdaming
huling araw ng deliberasyon.
Nag-sorry si Chief Justice Renato Corona bago nagkusa ang
depensa na hindi na lang mag-direct examination na sinagot naman ng prosekusyon
sa pag-alis naman ng cross examination na siyang nagpabilis sa pagtatapos ng
pagdinig.
Gayunman, sa gitna ng deliberasyon, sorpresang isinumite ni Corona ang unconditional
waiver sa pagbubukas ng kanyang dollar account kung saan mula sa pagtatanong ni
Sen. Alan Peter Cayetano ay inamin niyang mayroon itong $2.4 milyon, malayo sa
akusasyon ni Ombudsman Conchita Carpio Morales na $12 milyon batay sa AMLC financial report.
Ibinunyag ni Corona
na may personal na galit sa kanya si Morales nang uriratin ni Sen. Jinggoy
Estrada na agad na sinagot ng ombudsman sa isang lightning press conference
kasabay ng impeachment hearing kahapon.
Umagaw din ng eksena ang makabagbag damdaming rekonsilyasyon
ng Pamilya Basa at Pamilya Corona sa loob mismo ng impeachment hall kung saan
malinaw na nagkaayos na dating magkakaaway na magkamag-anak.
Kapwa masaya ang depensa at prosekusyon at maging ang
taumbayan sa pagtatapos ng impeachment trial.
Itinakda ang huling desisyon sa Lunes o Martes kung
saan—hahatulan ang Punong Mahistrado nang GUILTO o ABSUELTO.
Pero anuman ang desisyon,
maaaring lumatay din ito kay
Pangulong Aquino o kay dating Pangulong Arroyo.
Kumbaga, ang hampas sa LANGAW ay LATAY sa KALABAW o SUGAT sa KABAYO!!!
(EDITORIAL NI KA AMBO, Bulgar
newspaper, May 26,2012 issue, UNEDITED. CC. bistado.blogspot.com/
@bistadoniambo on twitter/ bistadokamao@yahoo.com/
09297740745).
0 Comments:
Post a Comment
<< Home