CHINA VS PHILIPPINES: A GLOBAL CONCERN
NAGLABAS na ng
advisory ang Chinese government sa lahat ng kanilang embahada sa buong daigdig
na maging MAINGAT at huwag makialam, manood at manatili sa kani-kanilang
tirahan ang mga Chinese citizen na sa iba’t ibang bansa sakaling magkaroon ng
malawakang protesta ang mga Filipino sa
iba’t ibang embahada ng China.
Kumpirmasyon ito
na ang isyu sa agawan ng China
at Pilipinas sa Scarborough Shoal ay naging pandaigdig na o isa nang global
concern.
Ang China at
Pilipinas ay parehong may milyon-milyong mamamayan na nananatili , naninirahan
at nagtatrabaho sa iba’t ibang bansa sa daigdig.
Pero nilinaw ng
mga lider ng protesta na hindi na kailangan ang gayong babala mula sa awtoridad
ng China
dahil walang masamang aksiyon na isasagawa ang mga Pilipino at wala ring pagsunog ng bandila ng naturang bansa.
Nauna rito,
nagbabala ang China
na nakahanda sila sa anumang komprontasyon sa naturang sigalot dahil naniwalang
pag-aari nila ang naturang teritoryo.
Nagaganap ito sa
gitna ng pagkumpirma ng United
States na nakahanda silang igalang ang
mutual defence treaty at nakahanda silang saklolohan ang Maynila sakaling
magkaroon ng komprontasyong military.
Sa kabila ng
garantiya ng White House, marami pa ring kritiko ang hindi naniniwalaang
aasiste sa porma ng military ang US
kontra sa China dahil higit
na malaki ang FINANCIAL INTEREST ng US
sa China
kompara sa Pilipinas.
Anu’t anuman,
imbes na humupa, habang nagtatagal gumagrabe ang away ng Pilipinas at China .
(EDITORIAL NI KA AMBO column, Bulgar newspaper, May 11,
2012 issue, UNEDITED. Cc: bistado.blogspot.com/ @bistadoniambo on twitter/ bistadokamao@yahoo.com/ 09297740745).
0 Comments:
Post a Comment
<< Home