RAYMART-TULFO BOUT: OFFENSE AGAINST MEDIA
NAPAPANAHON ang opisyal ng
pahayag ng bagong halal na pangulo ng National Press Club of the Philippines
(NPC) na si Benny Antiporda kaugnay ng pambubugbog ng dabarkads ng actor na si
Raymart Santiago sa 65-anyos na lifetime member ng NPC na si Ramon Tulfo.
Kinondena ni Antiporda ang
marahas na aksiyon ni Santiago
at mga kabarkada nito sa pananakit kay
Tulfo kung saan nakuhanan ito ng video klip ng isang concerned citizen.
Naniniwala ang bagong NPC
president na walang karapatan ang grupo ni Santiago na ilagay sa kanilang KAMAY
ANG BATAS sakali mang minasama nila ang pagkuha ng litrato sa aksiyon ng aktres
na si Claudine Barreto na dinadakdak ang ground crew sa NAIA Terminal 3 noong Linggo.
Nilinaw ni Antiporda na ang
aksiyon ni Tulfo na irekord ang eksenang kanyang kinunan ng litrato ay
lehitimong aktibidad ng isang mamamahayag kaya’t maihahanay ang kaso bilang
isang PANG-AABUSO laban sa media.
Binigyaan-diin din ang
pagiging inutil ng airport authorities at mga security personnel na maawat at
mapigilan ang ganoong klase ng pananakit kung saan sila mismo ang may
responsibilidad.
Hindi lang nilabag ng
mag-asawang artista ang moralidad, binalewala nila ang regulasyon ng airport,
nilabag ang karapatang pantao ni Tulfo at yinurakan ang kalayaan sa pamamahayag.
Nakakadismaya naman ang
pahayag ng Malacanang na hindi sila makikiaalam sa isyu na nagpapatunay ng
kawalan ng malasakit ni Pangulong Aquino sa kaligtasan ng mga mamamahayag sa
kanyang administrasyon.
Kasabay ng insidente sa NAIA
Terminal 3 noong Linggo, inihalal ang bagong pamunuan sa NPC na pinamunuan ni
Antiporda kasama sina Vice President
Marlon Purificacion; Secretary Louie Logarta; Treasure Jerry Yap; Auditor
Rolly Gonzalo; at ang mga bagong directors na sina Mina Navarro, William
Depasupil, Alvin Murcia, Ronniel de Guzman, Arlie Calalo, Paul Gutierrez, Joel
Egco, Tina Maralit, Nats Taboy at Boying Abazola.
Anu’t anuman, isang malaking
paghamon sa bagong pamunuan ng NPC na ituloy ang pakikipaglaban sa malayang
pamamamahayag at magkusang proteksiyunan ang mga miyembro na ISINASAISANTABI
lamang ng pamahalaan.
(EDITORIAL NI KA AMBO, Bulgar newspaper,
May 08, 2012 issue. Cc: bistado.blogspot.com/ @bistadoniambo on twitter/ bistadokamao@yahoo.com/
09297740745)
0 Comments:
Post a Comment
<< Home