A PAUPERDOM OF PNOY OR A KINGDOM FOR THE BRAVE?
TINITINGALA ngayon ang
Pilipinas sa buong mundo.
Kasi’y maikukumpara sa tapang ng living hero na si 8-division world
boxing champion Manny Pacquiao an gating mga sundalo na nakikipaggirian sa
gitna ng Scarborough Shoal at hindi
NATATAKOT sa superpower na China.
Pero ang kadakilaang ito ay
binura at kinulapulan ng MABAHONG PUTIK nang umastang nagmamakaawa ang Administrasyong
Aquino sa paanan ng White House kung saan buong KAPAL-NG-MUKHANG nakiusap na
bigyan sila ng tulong upang makabuo ng malakas na maritime forces—kahit sa
MINIMUM level lamang.
Anong lakas o puwersa mayroon
ang MINIMUM capacity kontra sa bruskong puwersa ng China ?
Bakit kinakailangang
magmistulang pulubi at hampas-lupa ang Pilipinas sa MATA ng mga aristokratong
at mapanlait na Kano ?
Ang hinahangaan sa PINOY ay
ang tapang tulad ng tapang ni Pacquiao nang talunin at pahalikin sa lona ang
mga super-boxer na sina Marco Antonio Barrera, Erik Morales, Oscar dela Hoya,
Antonio Margarito at Miguel Cortto.
Pero ang ginawa ng Foreign at
Defense secretaries ng bansa na pakikiusap ng suportang military sa US ay hindi
lamang pagsapaw sa RESPONSIBILIDAD ng Senado bagkus ay isang pang-iinsulto sa
katinuan ng ordinaryong mamamayan.
Ipinahamak nina Foreign
Secretary Alberto de Rosario at Defense Secretary Voltaire Gazmin ang DIGNIDAD
ng pagiging isang Filipino.
Ang tanong: Hindi ba’t
pag-amin ng kahinaan ng Republika ang paghingi ng tulong sa US gayong
walang giyerang nagaganap?
Hindi ba maaaring IPAGTANGGOL
ang isang bansa ng kanyang mamamayan nang hindi umaaktong pulubi at hampas-lupa
sa mata ng daigdig?
Masarap lamang ang KALAYAAN,
SOBERANIYA at DEMOKRASYA kapag ito ay NATAMO sa sarili nating kakayahan at
tapang?
Masasagot bay an ng
Malacanang at mga sundalo?
Ang SOBERANIYA na natamo mula
sa pag-ayuda ng ibang bansa ay isang PALSIPIKADONG soberaniya, bagkus ito ay isang aktuwal na KOLONYA ng
makakapangyarihang bansa.
(EDITORIAL KA AMBO, Bulgar newspaper,
May 02, 2012 issue, UNEDITED. Cc: bistado.blogspot.com/ @bistadoniambo on
twitter/ bistadokamao@yahoo.com/
o9297740745) .
0 Comments:
Post a Comment
<< Home