PUNONG TAGAHATOL, HAHATULAN
HINDI nauubusan ang
magagandang eksena ang Pinoy.
Nangako si Chief Justice
Renato Corona na dadalo na sa
impeachment trial para humarap sa cross examination, kahit may sakit kuno
ngayon araw na ito.
Maganda ang drama,
pampelikulang pampelikula.
Tipong bida na lalaban kahit
naghihingalo.
Excited naman ang mga
huhusga kasi’y sa kauna-unahang
pagkakataon ay aktuwal silang HAHATOL sa pinakamataas na MANGHAHATOL.
Buwenas naman ang mga
estudyante ng batas kasi’y saksi sila sa aktuwal na jurisprudence na mahalagang
aspekto ng kanilang karanasan at kaalaman.
Makabagbag damdamin ang
eksena, kasi’y sangkot din ang “family feud” kung saan nanonood ang mga kaaway
sa isang agawan sa lupa ng magkakamag-anak.
Masusubok din nang todo ang
husay, talino at karanasan ng isang may edad nang opisyal ng gobyerno na si
Presiding judge na si Senate president Juan Ponce Enrile na lumitaw na higit na
magaling kaysa sa sinumang huwes at abogado sa bansa.
Sa pagtestigo ni Corona pabor sa kanyang
sarili, tiyak na hindi lang isang pulutong ng mga abogado at accountants ang
nasa kanyang likuran bagkus isang bungkos din ng mga ekspertong doktor at
siruhano.
Wala nang gaganda pa sa
kapana-panabik na eksena ngayon sa Senado.
Daig nito ang laban ni
Jessica Sanchez kay Philip Phillips sa American Idol kung saan ang KANO ang nagwagi,
siyempre!
Sa larangan ng hudikatura,
magwagi rin kaya ang PUNONG MAHISTRADO sa larangan kanyang minaster at
pinagkadalubhasaan?
Siyempre rin kaya o imposible?
(EDITORIAL NI KA AMBO, Bulgar newspaper, May 25, 2012
issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745).
0 Comments:
Post a Comment
<< Home