A FLOTILLA OF BANCAS HEADED FOR SCARBOROUGH SHOAL
MALAKI ang tama ni Magdalo
leader at Philippine Marine Captain
Nicanor Faeldon na lumusob sa Scarborough
Shoal at magtayo ng bandila ng Pilipinas.
Pero pinigil siya mismo ni
PNoy.
At nagpapigil naman siya!!
Ang aksiyon ni Faeldon ay
siyang pinakatama at pinakaangkop na gawin ng mga kilalang nag-rebeldeng
sundalo laban sa mga nakaraang administrasyon.
Ipakita nila ang pagiging
makabayan, hindi sa pagpapabagsak sa Republika ng Pilipinas bagkus ay laban sa
mga nagtatangkang manakop n gating teritoryo.
Sa puntong diplomatiko, tama
rin ang ginawa ni PNoy na pigilin ang grupo ni Faeldon dahil maaaring gumawak ang
kaguluhan.
Pero, hindi dapat tumigil si
Faeldon at iba pang kasamahan niya sa Magdalo na magpunta o maghayag ng
PAGNANASANG pumalaot sa Scarborough
Shoal—sapagkat isa itong PAGPAPADAMA ng PAGMAMAHAL sa Inang Bayan.
Hindi dapat tumigil si
Faeldon na mag-organisa ng mga PATRIOTIKONG PINOY na nakahandang sumama sa
kanya patungo sa Scarborough Shoal.
Mas mainam ay magpundar sila
ng kanya-kanyang bangkang de motor na tatagal sa biyahe nang balikan upang
IPADAMA sa China may MILYONG PINOY na handang MAGPAPAKAMATAY para lang
ipagtanggol ang PANATAG SHOAL.
Kapag nakahikayat si Faeldon
ng 100,000 ABLED-BODIED na MANDARAGAT na handang ibuwis ang buhay sa Panatag
Shoal—iyan ang tunay na MAGPAPAATRAS sa nandudurong Tsino.
Higit na epektibo ang 100,000
MANDARAGAT na maglalayag sa Scarborough Shoal kompara sa BARKO-DE-GIYERANG
bibilhin sa Kano ,
pero pagtatawanan lang ng Tsino.
Pero ang 100,000 kokopya sa
tapang ni Faeldon na mananatili sa Scarborough Shoal, hindi puwedeng PAGTAWANAN
ng mga Tsekwa.
Malaki ang tama ni Faeldon—DOON tayo magsagawa mismo ng PEOPLE’S POWER sa mga nakausling bato sa Scarborough Shoal,
wala nang iba pa!
Nandun ang isyu, nandun ang
labanan, nandun ang TAGUMPAY!
(EDITORIAL NI KA AMBO, Bulgar newspaper, May 19, 2012
issue. UNEDITED. CC. bistado.blogspot.com/ @bistadoniambo on twitter/ bistadokamao@yahoo.com/ 09297740745)
0 Comments:
Post a Comment
<< Home