Thursday, April 26, 2012

CHINA SEA WAR IN THE OFFING



KUNG dati-rati ay MARAMI ang nagsasabi na MALABONG magkaroon ng komprontasyon sa Scarborough Shoal, iba na ngayon ang PAGTAYA.
Marami na ang naniniwala na anumang oras ay maaaring maging GRABE ang sitwasyon.
Bakit?
Sapagkat alinman sa China at Pilipinas ay WALANG PAHIWATIG ng pag-atras o PAGSUKO.
Imbes na humupa, lalong TUMITINDI ang girian.

----$$$---
SUMASALI na rin ang mga international media.
Direkta nilang kinokober ang pagpasok ng CHINA sa teritoryo ng Pilipinas.
Malinaw na ang posisyon ng Kamara ng mga Representante
Pabor sila na lumantad at tuwirang humingi ng SAKLOLO sa US.
Malinaw na hindi ito magpapahupa.
Malinaw na MAGPAPALALA ito ng sitwasyon.

-----$$$---
ANG China, imbes na magpahupa ng sitwasyon ay nagpapagrabe rin.
Nagdagdag ng vessels at patuloy ang BATIKOS sa administrasyon ni PNoy.
Inaantay na lang ang aktuwal na PUTUKAN ng baril—at biglang SASALI sa AWAY ang Kano.
Sa madaling salita, imbes na MARESOLBA ang krisis sa ekonomiya, walang duda, magiging GRABE ito hanggang sa nalalabing termino ni PNoy.
Kapag kasi MUHI, GALIT,. HINAGPIS at paghihiganti ang NAKATANIM sa puso ng isang LIDER—magbubunga rin ito ng GALIT at GULO sa kabuuan ng bansa.
Kailangan ay unawa, pagmamahal at pag-ibig ang nasa puso n glider ng bansa, imbes na PAGHIHIGANTI at POOT.
Ang pag-ibig ay magbubunga ng PAG-IBIG.
Ang poot at muhi ay AANI rin ng sumpa  at HINAGPIS.

-----$$$--
IKINAGAGALIT ng China ang pagrereklamo ng Pilipinas sa International Court.
Paano mareresolba yan kung ang buong bansa ay suportado ang naturang AKSIYON?
Walang puwang ang negosasyon sa dalawang bansa.
Imbes na magkausap at magkasundo, nagpapalitan ng PATUTSADAHAN.
Kumbaga, parehong walang DIPLOMASYA.

----$$$--
ANG kasunod nito ay ECONOMIC EMBARGO laban sa Pilipinas.
Matitigil ang economic deal ng dalawang bansa.
Sino ang agrabiyado?
Sige, kayo na lang ang sumagot.
(BISTADO NI KA AMBO, Bulgar newspaper, April 27, 2012 issue. Cc: bistado.blogspot.com/ bistadokamao@yahoo.com/ 09297740745). 

0 Comments:

Post a Comment

<< Home