Thursday, April 26, 2012

HINDI SI PACQUAIO:BUMBAY ANG HABULIN NG BIR




WALO sa 10 Pinoy ay walang naiipon sa bangko.
Parang kulang ang detalye ng naturang ulat.
Dapat ay kasunod nito ay SIYAM sa 10 Pinoy ay may UTANG SA BUMBAY.
Paano daw makakaipon kung ang suweldo ay kapos sa pambayad utang?
Marami sa mga empleado ng gobyerno at pribadong kompanya ay nakaprenda ang ATM sa loan sharks.
Ibig sabihin, imbes ang obrero ang mag-withdraw ng suweldo tuwing kinsenas at katapusan ay ang LOAN SHARKS ang may hawak ng ATM at PASSWORD.
Malungkot at napakapait na katotohanan ito.
Ang mga taga-India ay dumadayo sa Pilipinas hindi upang magtrabaho, kundi upang magpautang ng FIVE SIX.
Ang mga Bumbay ang pinakamalaking “mafia” sa Pilipinas na hindi hinahabol ng Bureau of Internal Revenue (BIR), Bureau of Immigration (BI), Department of Trade and Industry (DTI), local government units (LGUs), National Bureau of Investigation (NBI).
Kung ang 8-Division boxing world champion at LIVING HERO na si Manny Pacquiao ay kinakasuhan, sinisiraan sa media at ginigipit, bakit walang ulat na HINAHABOL ng BIR ang libo-libong BUMBAY na nagrerekida sa kalye araw-araw sa buong bansa?
Kung sinusuma ng BIR sa multi-bilyong piso ang makokobra sa kanilang mga TAX CASES laban sa mga professionals at negosyante, madaling sumahin na higit pa sa multi-bilyong piso ang makokobrang TAXES kung hahantingin nila ang mga BUMBAY na nagpapautang ng Five Six.
Bakit pinalalaya ng gobyerno ang BUMBAY na nagnenegosyo sa “Five-Six” , hindi kinakasuhan at hindi pinagbabayad ng buwis?
Ang kinikita ng mga professional ay lehitimong kita mula sa pagsisinop at upang mabawi ang ginastos sa edukasyon may dambuhalang MATRIKULA, pero ang BUMBAY ay hindi mga Filipino at inuuwi ang KITA sa India—at hindi napapakinabangan ng gobyerno ng Pilipinas.
Gaano kaya ang TONGPATS ng Bumbay sa ating pamahalaan?
Sino ang TUMATABO sa illegal na gawaing ito na lantaran at naging tradisyon sa Pilipinas: MANGUTANG NANG MANGUTANG—hanggang may Bumbay!!!
(EDITORIAL, Bulgar newspaper, April 27, 2012 issue. Cc: bistado.blogspot.com/ bistadokamao@yahoo.com/ 09297740745). 

0 Comments:

Post a Comment

<< Home