AFP: A USELESS UNIFORM
MAITUTURING na isang sumpa
ang aktuwal na pag-takeover ng China sa Scarborough Shoal.
Ano ang magagawa ng maliit
na barko ng Philippine Coast Guards sa mga sopistikadong mahigit apat na Chinese vessels?
Wala.
Magmumukhang kaawa-awa
lang ang mga Pinoy.
Walang maitutulong ang US
at maging ang ASEAN.
Nagpatiuna na ng pagsuko
si PNoy at nabahag na ang kanyang buntot.
Matagal nang inaangkin ng
China ang naturang mga isla na regular na pinangingisdaan ng mga taga-Masinloc,
Zambales pero hindi sila NANGANGAHAS na palayasin ang mga mangingisdang Pinoy.
Ngayon lamang sila
NAGSISIGAW na “MAGSILAYAS kayo sa aming teritoryo” .
Hindi lamang insulto ito sa
ordinaryong mamamayang Filipino bagkus ay isang SAMPAL sa Pangulo ng Republika .
Paghahamon ito sa mga SUNDALONG nanumpa sa Konstitusyon na
IPAKIKIPAGLABAN at poproteksiyunan ang PATRIMONY, SOVEREIGNTY at TERRITORY ng
bansa.
Direktang ininsulto,
kinutya, inismol at binastos ditto ang COMMANDER-IN-CHIEF at Pangulo n gating Republika.
Hindi kailanman ito naranasan
nina dating Pangulong Manuel Roxas mula nang maging Republika ang Pilipinas.
Hindi nakaranas ng
ganitong klase ng kahihiyan sina Pangulong
Elpidio Quirino, Pangulong
Carlos P. Garcia, Pangulong Diosdado
Macapagal, Pangulong Ferdinand E. Marcos, Pangulong Cory Aquino, Pangulong
Fidel Ramos, Pangulong Joseph Estrada at maging ang nakakalabosong si Pangulong
Gloria Arroyo.
Ang nakakaranas lamang ng
pang-iinsulto ng China ay si PNoy!!!
Dahil ditto, walang
dahilan ang pananatili ng coast guard sa Scarborough Shoal dahil ang isyung
sibilyan ay napalitan na ng ISYUNG MILITAR.
Nasaan ang mga sundalong
mas DAPAT ay nagbabantay sa teritoryo at soberaniya ng bansa.
Nasaan ang YAGBOLS ng Commander-in-chief?
Nasaan ang matatapang na
heneral na nakapatay at humahanting sa kapwa Pilipinong sesesyonistang MUSLIM at rebeldeng NPA?
Bakit ang mga sundalo ng
AFP at mga heneral ay TAMEME sa pambubrusko ng China?
Nasaan ang pinag-aralan
ninyo sa Philippine Military Academy (PMA) kung saan ginastusan kayo ng salapi
ng Inang Bayan?
Kayo ba ay nag-aral sa PMA upang proteksiyunan ang mga ILLEGAL LOGGERS, para asistehan ang mga ISMAGLERS at DRUG LORDS, para tulungan ang mga big time mining companies; at para maging protectors ng JUETENG at iba pang sugal?
Kayo ba ay nag-aral sa PMA upang proteksiyunan ang mga ILLEGAL LOGGERS, para asistehan ang mga ISMAGLERS at DRUG LORDS, para tulungan ang mga big time mining companies; at para maging protectors ng JUETENG at iba pang sugal?
Ngayon natin kailangan ang
mga TUNAY NA SUNDALO, wala nang iba pang araw!
Lantaran nang dinudusta
ang ating Inang Bayan, pangise-ngise at nakatunganga pa rin kayo!!!
Magsipag-hubad na kayo ng
UNIPORME—kung hindi rin lang ninyo gagamitin sa PAGTATANGGOL sa ating Republika
na siyang itinatadhana n gating Konstitusyon at esensiya ng inyong propesyon!!!
(EDITORIAL,
Bulgar Newspaper, April 23, 2012 issue. UNEDITED. Cc: bistado.blogspot.com/ bistadokamao@yahoo.com/ 09297740745)
0 Comments:
Post a Comment
<< Home