Sunday, June 16, 2013

ANG KANYANG AMA, ANG AKING AMA, ANG ATING AMA


KAHAPON, nagpahatid ako sa taxi mula sa Pasay City hanggang dating riles sa Longos, Balagtas ,Bulacan.
May dala kasi akong isang tipak na litson na itinabi ng misis mula sa ipinalitson kong alagang baboy nang magdiwang kami ng ika-10 anibersaryo ng kasal noong Independence Day.
Na-frozen ang litson , para ipatikim sa mismong tagapag-alaga ng baboy sa aming bukid sa Longos.
Walang kasingsarap ang litson mula sa sariwang baboy na kakapatay pa lamang.
Higit na masarap ito kaysa sa kinomersiyal na litson sa mga kilalang puwesto sa MetroManila na karaniwang iniinit lang kaya’t naglalaho ang linamnam.
Nang makarating kami sa dating squatter area na dati ring Home Along Da Riles sa Longos, nagulat ang drayber nang hubarin ko ang aking sapatos at medyas.
“O, bakit ka nagpa-paa?,” tanong nang nasorpresang tsuper.
“Lubog ang bukid dahil sa sunod-sunod na ulan, hindi puwedeng magsapatos at hindi rin pwedeng magtsinelas pagpunta ko sa gitna ng bukid,” sagot ko sa tsuper habang itinutupi ko ang dulo ng aking pantalon hanggang sa umabot sa bandang tuhod.
Hindi ko na inantay ang bukas ng bibig ng tsuper sa kanyang kasunod na tanong at sinagot ko agad ang kanyang nasa isip.
“Tama ka, lulusong ako sa bukid kahit umaapaw sa tubig, enjoy sa bukid hindi ba?,” nakangiti kong paalam.
Nasopresa ang mga tagapag-alaga ko sa bukid—nakatikim ng malinamnam na litson—at nagging bahagi ng aming anibersaryo sa kasal.

------$$$--
NANG magbalik ako sa taxi, nagulat ako, kasi’y nakalilis na rin ang dulong pantaloon ng tsuper at nakapormang lulusong din sa bukid.
“Susundan sana kita ser, nainggit ako sa saya mo at dati rin akong nagbubukid bago napadpad sa Maynila,” salubong sa akin ng tsuper na hindi na rin inantay na mag-urirat pa ako.
Habang nakasakay at pabalik na sa NLEX papunta sa trabaho, diretso kami sa kuwentuhan tungkol sa bukid.
IIsa ang laman Ng aming kuwentuhan—ang kanyang AMA, at ang aking AMA na nagturo sa amin sa gawaing bukid o pagtatrabaho sa bukirin—umulan man o umaraw.
“Ang Tatang ko, ang nagturo sa aming pitong lalaking magkakapatid sa lahat ng trabaho sa bukid. Mula sa pagtatanim, pagbunot ng punla, pagbubungkal, paggapas, paglugas, pagsipok, paggiik, pagpapatubig, pagbomba ng insecticide at pagdaramo sa pilapil,” pagbabalik tanaw ko nang malakas at buhay pa aking ama.
Nagtatrabaho ang aking ama sa Makati bilang foreman mechanic pero sa pag-uwi niya sa gabi—ay nangingisda siya gamit ang kalburo bilang ilaw kung saan napupuno niya ang “kaya” ng dalag, hito, at palaka na siyang ibinibiyaw sa palayok na may tubig ng aking ina—upang may maulam kami NANG LIBRE sa buong isang linggo.
Libre kami sa ulam, libre rin sa bigas kaya’t ang minimum na suweldo na P4 kada araw ay nagkasya at nakapagpaaral sa aming 10 magkakapatid sa kolehiyo.
Magsasaka sa umaga ang aking ama na si Kapitan Sucing ; obrero sa hapon; at mangingisda sa gabi. Sa maniwala kayo o sa hindi, sobra pa rin ang kanyang oras, kasi’y kasabay niyan—nagwagi pa siya bilang barangay captain sa aming barangay kasabay ni dating Pangulong Marcos.
“Ganyan din ang aking AMA, masipag din siya, siya rin ang nagturo sa aming sa pagtatrabaho sa bukid nang kami ay bata pa,” wika ng driver na siyang nagmamaneho ng naipundar din niyang sasakyan.

-----$$$--
ILAN nab a ang anak mo sir,” lipat topic ng drayber.
“Isa lang, pero pinaghahandaan ko ang kanyang pag-aaral, maaga pa lang ay nakaayos na ang kanyang pampa-enroll sa iskul, gumagawa na ako ng paraan sa matrikula bago pa matapos ang klase,” kuwento ko ulit.
“Ang lahat ng ginagawa ko ay hindi para sa akin, ang lahat ng ito ay para sa aking anak. Sa totoo lang, kahit nag-aaral siya sa Makati at nakatira sa Pasay, hindi niya alam na siya ay isang MAGSASAKA. Kailangang matutuhan at maunawaan niya ang buhay ng isang magsasaka na laging nakatapak sa lupa ang mga paa—iyan ang lihim na ipamamana ko sa kanya—ang MAGPAKUMBABA,” ratsada ko sa tsuper
Mula sa pagpapakumbaba, ang lahat ng bagay ay ITATAAS--- tulad ng buhay ng Dakilang Kristo na repleksiyon ng wagas na pag-ibig ng DAKILANG AMA!!!
HAPPY FATHER’S DAY po sa ating lahat.
(BISTADO NI KA AMBO column, Bulgar newspaper, June 16, 2013/ bistado.blogspot.com)

1 Comments:

Blogger Blogger said...

This is how my colleague Wesley Virgin's autobiography begins in this shocking and controversial VIDEO.

Wesley was in the army-and shortly after leaving-he found hidden, "MIND CONTROL" secrets that the CIA and others used to get whatever they want.

These are the EXACT same SECRETS lots of famous people (especially those who "come out of nothing") and top business people used to become wealthy and successful.

You probably know that you only use 10% of your brain.

Really, that's because most of your BRAINPOWER is UNTAPPED.

Maybe this thought has even taken place IN YOUR own brain... as it did in my good friend Wesley Virgin's brain seven years back, while driving an unregistered, beat-up garbage bucket of a vehicle without a license and with $3.20 in his pocket.

"I'm so frustrated with living check to check! When will I finally succeed?"

You've been a part of those those thoughts, ain't it right?

Your very own success story is waiting to happen. All you need is to believe in YOURSELF.

Watch Wesley Virgin's Video Now!

Tue Feb 25, 04:13:00 PM  

Post a Comment

<< Home