Monday, December 17, 2012

RH BILL: PNOY'S BIOLOGICAL WEAPON



IBINALIK ni Senate President Juan Ponce Enrile ang X’ Mas gift ni Sen. Pia Cayetano.
Baka naman ang gusto ni Manong Johnny ay “CASH”.

----$$$---
INAMIN ni Enrile na “may bilang” ang pro-RH bill sa Senado.
Siyempre, alangan naman puro “LETRA”.

----$$$---
INAKUSAHAN ng isang arsobispo si PNoy na magma-MASAKER ng milyong kabataan kapag nilagdaan ang RH bill sa Malacanang.
Kung mataas na kalibre ng baril ang ginamit ng isang KILLER BAGETS sa Connecticut, ano ang ARMAS ang puwedeng gamitin ni PNoy?
Sabi ng arsobispo, simpleng TINTA ng ballpen.
Huhh, ano yung BIOLOGICAL WEAPON?

-----$$$---
LUSOT na rin sa Senado ang FREEDOM OF INFORMATION bill.
Matutuwa ang mga MISIS ng mga senador.
Puwede silang makakuha ng IMPORMASYON kung ilan ang KABIT ni mister.

----$$$---
IPATUTUPAD na naman ang OIL PRICE ROLLBACK bago mag-Pasko.
Para maibalik ang mataas na presyo sa NEW Year.

----$$$--
NAGDEKLARA ng giyera si Nanay Dionesia laban sa mga PROTESTANT PASTOR.
Pwes, ineendorso ko siya sa Vatican City na  maging kauna-unahang SANTANG BISAYA.

-----$$$--
BUMOTO nang kontra sa RH bill si Congressman Manny Pacquiao.
Kasi’y kung ipinatupad agad ang RH bill sa Unang Republika, walang isisilang na  8-Division world champion na kumukobra ng ISANG BILYONG PISO kahit natulog sa laban.

-----$$$---
AKTUWAL nang magreretiro sa araw na ito si dating PNP Chief Nicanor Bartolome.
Isang hindi naman malilimutang araw ang petsang ito kay NEW PNP Director General Alan Purisima.
Congrats po sir, and Merry X’Mas po.

-----$$$---
NAKAKATUWA ang expose ng jueteng sa Pangasinan.
Yung ini-expose ay yung dating “jueteng czar” sa buong bansa.
Pero yung kasalukuyang JUETENG czar ay SAFE!
Anu bang pangga-GAGO yan sa katinuan ng madla?
(BISTADO NI KA AMBO, Bulgar newspaper, Dec. 18, 2012 issue. UNEDITED. CC: bistado.blogspot.com/ bistadoniambo on twitter/ bistadokamao@yahoo.com/ 09173525272)
----30—

US MASSACRE :A SOCIAL CANCER CASE


KARUMAL-DUMAL ang sinapit ng mga paslit sa kamay ng isang huramentadong 20-anyos sa Connecticut, USA.
Marami ang hindi nakakaunawa sa naturang insidente.
Unang pinagbabaril at napatay ng gunman ang sariling ina.
Pinakamababang dalawang bala ang ibinaon naman ng suspek sa 28 biktima.
Ano ang ibig sabihin nito?
Repleksiyon ito kung anong klase ang “setup of mind” o “kultura” ng Kabataang Kano.
Para maunawaan ang insidente, dapat ay bigyan muna ng paglilinaw kung anong klaseng “social upbringing o kulturang sosyal mayroon sa United States.
Sa US, ang mga kabataang 18 anyos pataas ay hindi itinuturing na DEPENDENT sa magulang.
Ang prinsipyo ng mga batas sa US (na kinopya ng Pilipinas) ay hindi na dapat umaasa sa magulang ang mga “18 years old pataas”—may trabaho man ito o wala.
Sa America na pinapangarap na marating ng milyong Pinoy, kung hindi obligasyon ng magulang na saklolohan ang mga anak na nasa hustong edad, hindi rin naman obligasyon ng anak na suportahan ang magulang sa anumang pangangailangan kahit sa panahon ng pagtanda.
Dahil diyan, maraming magulang ang namamatay sa katandaan  sa mga charity institution nang HINDI MAN LAMANG dinadalaw ng kanilang mga anak.
Sa US, ang sinumang magulang na magtustos sa pangangailangan ng mga apo, manugang at anak na may mga pamilya ay pinagtatawanan dahil labag ito sa MORALIDAD.
Ang moral sa US society—ay ang PAGKAITAN ng tulong ang anak na mahigit nang 18-anyos.
Walang pakialamanan ang magulang at anak na hindi na menor-de-edad kaya’t maraming kababaihan at kalalakihan ang napapariwara at nakakapag-asawa nang tatlo o higit pang beses nang lehitimo dahil sa diborsiyo.
Ito ring ang dahilan kung bakit legal ang ABORTION—sapagkat nakakaabala ang PAGBUBUNTIS ng mga kabataang babae sa kanilang hanapbuhay na kanilang prayoridad at MORAL na desisyon dahil hindi sila sinasaklolohan ng kanilang mga magulang.
Opo, bagsak ang moral ng mga kabataang Kano.
Maging ang mga menor-edad na binugbog ng kanilang mga magulang ay nauuwi sa demandahan.
Tama, nagtatakbo sa pulisya ang mga wala pang 18-anyos kapag sinaktan at pinagbantaan ng kanilang mga magulang kaya’t SOBRANG sama ang kanilang asal sa panahon ng adolescent.
Sa ganitong pananaw, sinong kabataan ang nais mamuhay sa lipunang Kano?
Hindi kaya, tiniyak ng gunman sa Connecticut na matitigok ang mga biktimang paslit---para hindi na sila “makapamuhay” pa sa isang bulok na lipunan?
Hindi kaya ayaw ng gunman na maranasan ng mga pito at walong anyos na American kids ang “kanyang naranasan” kaya’t pinagbabaril  at pinatay?
Mahirap sagutin  ito.
Sana’y wala itong katotohanan.
Sana!
(EDITORIAL  NI KA AMBO, Bulgar newspaper, Dec. 18, 2012 issue. UNEDITED. CC: bistado.blogspot.com/ bistadoniambo on twitter/ bistadokamao@yahoo.com/ 09173525272)

Tuesday, December 11, 2012

PROFESSIONAL BOXING IS ALL ABOUT THE MONEY

MARAMI ang nag-text at natuwa sa ginawa nating paglilinaw kaugnay ng pagkatalo ni Manny Pacquiao.

Ayaw kasi nilang MARINIG na “totoong natalo” si Pacquiao.
Batay sa ating paliwanag kahapon, “HINDI TOTOONG TALO” si Pacqoiao—at yan ang kanilang IKINATUWA.
Ikinatuwa nila, dahil MATAAS PA RIN ang pagkilala nila sa KAKAYAHAN (boxing skill) ni Pacquiao.
Idinidikit kasi natin ang “PAGKATALO” ni Pacquiao—hindi sa kawalan o kahinaan  o pagkalaos  ng SKILL, kundi dahil sa isang “BEHAVIOR” o “ATTITUDE” o “PROFESSIONAL DECISION”  na ipapaliwanag natin sa ibaba.
Nais nating linawin na hindi tayo kritiko ni Pacquiao, bagkus ang kolum na ito ay HUMANGA sa kanyang “pag-LEVEL-UP” ng kanyang boxing skills.
Wala kayong naririnig sa mga sports analyst na UMANGAT ang boxing skill ni Pacman, maliban sa kolum na ito.

-----$$$--
PERO, marami pa rin ang hindi nakakaunawa sa ating paliwanag.
Hindi nila nauunawaan ang pangyayari—kasi’y itinuturing nila na ang “BOXING SA LAS VEGAS” ay isang totohanan o isang seryosong SPORTS EVENTS tulad ng Olympic Games.
Kapag ang boxing sa Las Vegas ay itinuturing nating tulad sa Olympic Games—tiyak na magkakamali tayo ng paga-analisa.
At delikadong ma-MISINTERPRET natin at kamuhian si Pacquiao batay sa ating paga-analisa na “hindi totoong pagkatalo” ang kanyang sinapit sa kamay ni Marquez.
Pero, kapag sinabi nating ang boxing sa Las Vegas ay isang totohanang PROFESSIONAL BOXING na hindi nalalayo sa PROFESSIONAL WRESTLING—ay madali nating mauunawaan ang “sinapit ni Pacquiao” o naging “DESISYON” ni Pacquiao sa naturang laban.

-----$$$--
ANO ba ang PROFESSIONAL BOXING at PROFESSIONAL WRESTLING?
Dati-rati ang professional wrestling ay kinikilala ring lehitimong sports events sa America.
Malalaki ang PROFESSIONAL FEE sa pro-wrestling at kung hindi tayo nagkakamali, may pagkakataon na isina-SANCTION o kinikilala ito ng Nevada Athletic Commission.
Pero, sa bandang huli, nang matuklasang “ensayado o scripted ang mga eksena”, ipinagbawal na ang paggamit ng “World Wrestling Federation (WWF) sa titulo nito, bagkus ay  isiningit ang “E” kapalit ng “F” kaya’t naging World Wrestling Entertainment (WWE) na ang ibig sabihin—ay ano?
Hindi lehitimong sports ang PROFESSIONAL WRESTLING.
Pero, tumatanggap pa rin sila ng dambuhalang PROFESSIONAL FEE.

-----$$$--
ANG professional boxing sa America ay isang INDUSTRIYA sa Las Vegas., Nevada.
Hindi nila puwedeng ideklara ito na “entertainment” tulad sa WWE bagkus ay kailangang maituring pa rin isang PROFESSIONAL SPORTS upang maingatan ang “gambling-sports” sa Gambling Capital of the world.
Kapag sinabing “PROPESSIONAL”—iisa lang ang ibig sabihin nito, PERA-PERA lang.
Kumbaga, KUWARTA ang No.1 priority dito.
Kung saan TATABO  ang promoter, boxer at US authorties—yung ang PRAYORIDAD.
Kung gayon, ang PANALO o TALO—bilang resulta ng BOXING SA LAS VEGAS—ay segundarya lamang.
Sa puntong iyan, dapat nating maunawaan si Pacquiao.
Hindi  mahalaga ang MANALO o MATALO, ang mahalaga ay MAGKAMAL NG SALAPI.
Pangit pakinggan, pero yan ang KATOTOHANAN na dapat nating maunawaan at LUNUKIN.
Ayon mismong kay Pacquiao: “Bahagi ng boxing ang matalo”.
Iaayos lang natin nang bahagya at mas-angkop na ipinahihiwatig ng kanyang “SUB-CONCIOUS”—“Ang PAGKATALO ay bahagi ng PROFESSIONAL BOXING”.
Itutuloy natin ang diskusyon dyan sa susunod na araw.
(BISTADO ni Ka Ambo, Bulgar newspaper, Dec. 12, 2012 issue, UNEDITED, CC: bistado.blogspot.com/ bistadoniambo on twitter/ bistadokamao@yahoo.com/ 09173525272). 

OVER POPULATION: THE REAL KEY TO PROGRESS



LUMABAS ang isang ulat kaugnay ng pagsasaliksik na ang malaking populasyon ng Pilipinas ang siya mismong hagdan at pundasyon ng ating bansa sa pag-unlad.
Direktang tinukoy dito ang 10 milyong overseas Pinoy na nagmula sa hanay ng malaking bloke ng populasyon ng mga kabataan.
Maging ang dambuhalang business processing outsourcing (BPO) kung saan nagtatatrabaho ang milyon call center agents—ang siyang nagsisilbing gulugod sa pag-unlad ng Pilipinas.
Taliwas sa US, Europe at China na humihina ang negosyo, masiglang masigla ang ekonomiya ng Pilipinas sa larangang ito bunga ng MILYONG KABATAANG nagtatrabaho sa ibang bansa at sa BPO industry.
Ito ang mismong argumento laban sa Reproductive Health bill na ang layunin ay pigilin ang laki ng populasyon ng Pilipinas.
Kapag pinigil ang paglago ng populasyon, kasingkahulugan ito ng PAGBAWAS sa bilang ng bulto-bultong hanay ng mga kabataan sa hinaharap.
Sinasabing nabangkarote ang US at Europe dahil sa maliit na BULTO ng mga nagtatrabahong kabataan taliwas sa Pilipinas na milyong kabataan ang kumakayod upang sagipin sa krisis ang ating bansa.
Naniniwala ang mga eksperto na kapag hindi pinigil ang paglobo ng populasyon ng Pilipinas—makakapag-EXPORT tayo ng milyon-milyong KABATAANG magiging GULUGOD ng world economy.
Ayaw ng mga superpower na makaribal ang isang SUPER-PHILIPPINES sa hinaharap!
Kapag naging GULUGOD ng world economy ang mga WORKING YOUTH ng Pilipinas—magiging 10 ibayo ang dollar remittances na magpapabilis sa pag-unlad ng ating bansa.
Taliwas sa US at Europe na hindi nabiyayaan ng “closed-family ties”, likas na responsible ang working Filipino youth kasi’y nagpapadala sila ng multi-million dollar remittances sa kani-kanilang PAMILYA sa loob ng teritoryo ng Pilipinas.
Pero, higit na lolobo ang ekonomiya, sakaling ang dollar remittances na ito ay paikutin sa mga micro-industries na siyang tunay na magiging PUNDASYON ng ating pag-unlad sa hinaharap.
(EDITORIAL  ni Ka Ambo, Bulgar newspaper, Dec. 12, 2012 issue, UNEDITED, CC: bistado.blogspot.com/ bistadoniambo on twitter/ bistadokamao@yahoo.com/ 09173525272). 

Monday, December 10, 2012

PASKO KINANSEL NG MALACANANG


MAGANDANG at PANGIT na balita.
Una, ang magandang balita, mag-aambag ang mga taga-Malacanang ng malaking halaga sa mga biktima ng Bagyong Pablo.
Ikalawa, ang pangit na balita, KINANSEL ng Malacanang ang PASKO, este ang Christmas Party sa mga opisina.
Layunin nito na ang badyet na nakalaan sa magagarbong X’Mas Party ay ido-donate na lamang sa Mindanao upang masaklolohan ang mga biktima ng kalamidad.
Sa totoo lang, batay sa mga ulat sa telebisyon—namamalimos ang mga biktima.
Hinahampas lupa pa ng DWSD dahil kailangan munang magrehistro bago bigyan ng PAGKAIN.
Sa tinatagal ng trahedya at sa karumaldumal na sitwasyon, hindi nakokonsensiya ang mga awtoridad na mabiktima ng RED TAPE o mabagal na pagbibigay ng pagkain ang mga biktima.
Nakakaawa ang mga biktima.
Nawalan ng ari-arian, naulila at hindi alam kung saan kukuha ng pagkain.
Marami dito ay nasa ilalim pa ring trauma.
Pero, walang kongkretong pagtulong ang gobyerno.
Panay press release lamang.
Kahit ang pautot na pagkansela ng X’Mas party ay malinaw na PAMBOBOLA lamang sa publiko.
Bakit hindi maglaan ng MILYON-MILYONG BADYET mula sa discretionary fund ng Malacanang para direktang bigyan ng libreng pagkain ang mga biktima, magtayo ng mga health care center at ampunin ang mga NAULILANG MENOR-DE-EDAD.
Magpa-PASKO, paano na ang mga biktima ng naturang kalamidad?
(EDITORIAL  ni Ka Ambo, Bulgar newspaper for Dec. 11, 2012 issue. UNEDITED. Bistado.blogspot.com/ bistadokamao@yahoo.com/ bistadoniambo on twitter/ 09173525272)

PACQUIAO- MARQUEZ IV: "SCRIPTED"

AYAW tayong tantanan ng mga text hinggil sa sinapit na pagkatalo ni Manny Pacquiao kaugnay ng ating pagtaya na na naghunos siya sa isang “mahusay na boksingero”.

Sa totoo lang, TANGING ang kolum na ito lamang ang nagsasabi na “nag-LEVEL-UP” ang performance ni Pacquiao kompara sa mga dati niyang laban.
Sa totoo lang, maganda ang dalawang huling laban ni Pacquiao, una kay Timothy Bradley, ikalawa ay kay Juan Manuel Marquez.
Parehong “may SISTEMA” ang kanyang estilo sa dalawang laban.
Hindi ito napansin ng mga SPORTS ANALYST.
Ang bagong taktikang ito ni Pacquiao—ay siya niyang dine-DEVELOP bilang paghahanda laban kay FLOYD MAYWEATHER.
Ibang isyu ang “pagkatalo” ni Pacman kay Marquez.
Ang nais nating bigyan pansin—ay aktuwal na MANIOBRA.

------$$$--
KUMBAGA, hindi tayo naniniwala na “kayang pabagsakin” si Pacquiao sa “overhead” punch na pinalampas sa ibabaw ng braso” sa ikatlong round.
Hindi ito nalalayo sa “suntok” sa pelikula ni Lito Lapid—TUMATALSIK ang kontrabida—at bagsak kahit WALANG PUWERSA.
Sa pelikula ay may tinatawag na “cue” bago ang “execution”—NAGDIKIT ang mukha ni Pacquiao at GLOVES ni Marquez—matapos TAPAKAN ANG PAA ng “fallen hero”.
Matagal sa lona si Pacman, sa iisang dahilan—walang iniwan ito sa  patutsadang MAHIRAP GISINGIN ang GISING!

------$$$--
BAKIT walang puwersa ang “knockout punch” ni Marquez?
Taliwas sa dakdak at pakuwentong analyses ng mga SPORTS COMMENTATOR, dapat ay  gumamit tayo ng matematiks, geometry at physics upang patunayan natin na WALANG “FORCE” o puwersa ang naturang suntok na sasapat upang “makatulog” ang MADIDIKITAN ng kamao ni Marquez.
Una, saan ba ang  “point of origin” ng naturang suntok ni Marquez?
Ang lakas ng puwersa—ay hindi nakikita sa KUNG SAAN TUMAMA ang suntok, bagkus ay kung saan NAGMULA ang suntok.
Sa pelikula, para ipakita ang “impact”—iniuutos ng direktor na i-closeup ang MUKHA na tatamaan ng suntok—at kapag nakita ng mga manonood na tumilamsik ang pawis, dugo at nangiwi ang BIKTIMA—iko-conclude ng AUDIENCE—na MALAKAS ANG SUNTOK.
Alam natin na “WALANG PUWERSA” ang suntok sa mga pelikula nina  Fernando Poe Jr at Lito Lapid, subsob at tulog ang kanilang sinusuntok.
Pero sa aktuwal at sa  physics, malakas ang PUWERSA ng suntok—kung MAY BUWELO.
Para makita ang buwelo—kailangan masukat mo kung saan nagmula ang suntok o ang saan POINT of origin ng KAMAO ni Marquez.
Suriin ninyo ang VIDEO, at mapapansin ninyo na ang orihinal na pinagmulan ng suntok ni Marquez mula lamang sa 18 inches hanggang 24 inches.
Meaning, mula sa “static point” (di gumagalaw na puwesto ng kamao) patungo sa PUNTO kung saan nagtagpo ang suntok at mukha ni Pacquiao—ay halos two-feet lamang.
Mag-eksperimento kayo—ang inyong kamao ay ilayo ninyo nang DALAWANG PIYE mula sa TARGET area—at kahit anong lakas nito—ibayo ninyo nang todo, walang gaanong puwersa ito.
Nang masuntok si Pacquiao sa 6th round, ang kamay ni Marquez ay naka-PERPENDICULAR (geometry), o naka-90 degree ang upper arm sa lower arm. Kumbaga, ang siko ay naka-VERTEX—o siya ang sulok ng triangle. Kumbaga, nakaliko ang braso ni Marquez imbes na nakatuwid—bago  suntukin si Pacquiao. Ang puwersa dito ay magmumula lang sa braso at siko kaya’t mahina ang impact nito.

----$$$--
PERO magmumula sa mga masel sa BALIKAT , biceps at triceps ang malakas na puwersa kung naka-180 degree (nakatuwid) ang upper at lower arms ni Marquez—magmumula ang BUWELO  mula sa ibaba malapit sa sahig  ng lona—at mula dito, iyan ang ibubuhos niyang puwersa sa mukha ni Pacquiao: Mula sa tuwid na upper at lower arms, unti-unting ililiko  papa-pendicular habang humihigop ang lakas patungo sa target. Iyan ang ubod nang lakas na magpapaospital kay Pacman!
Pero, subukin ninyo irebyu ang video clip ng laban—kapag  nakakita kayo ng BUWELO na ganyang kalayo bago pinakawalan ang suntok—maaaring LEHITIMO ang naturang suntok!!

----$$$--
HINDI iyan ang maririnig ninyong pagtaya sa DALAWANG MALAKING TV stations dahil  ayaw nilang KONTRAHIN ang propaganda ni Bob Arum.
Kasi’y ang dalawang TV network—ay may INTEREST sa mga promosyon ng laban ni Pacman.
Hindi ninyo maririnig ang ganyang pagtaya.
Hindi nila puwedeng ukilkilin ang isyu na “BIGAY ANG LABAN”—sapagkat masisira ang kanilang negosyo tulad sa pagkasira ng RAKET ni Arum at MAFIA sa Las Vegas.

----$$$--
PARA madali ninyong maunawaan ay ito ang SHORKAT:
Ipaghalimbawa nating NABALIKTAD ang sitwasyon.
Imbes si Pacquiao, ay si Marquez ang tumimbuwang sa IKATLO at IKAANIM NA ROUND.
Halimbawang si Marquez ang NAKATULOG nang ganoong katagal, ano sa palagay ninyo, mayroon pa bang PAG-UUSAPANG ika-5 laban? Ika-anim na laban? Ika-7 laban ng dalawang fighters?
Wala na. hindi ba?
Tapos na ang Pacquiao-Marquez racket ni Arum.
Magsalita kayo!!!!!

-----$$$--
INAAMIN ng mga eksperto na HINDI KAILANMAN naging malinaw ang posibilidad ng laban nina Pacquiao at Floyd Mayweather.
Kung talunin man ni Pacquoiao si Marquez—(kung wala si Mayweather) sino ang makakalaban ni Pacquiao na tatabo sila ng BILYON o MILLION DOLLARS?
Hindi ba’t wala?

-----$$$--
NGAYON, natalo at natulog si Pacquiao, hindi na KAILANGAN KAUSAPIN si Mayweather—kasi’y ang PACQUIAO-MARQUEZ 5TH ENCOUNTER—at sapat na upang MADOBLE ang income ni Arum, income ni        Marquez at income ni Pacquiao.
Sa totoo lang, dapat ay may KAPARTE ang kampo ni Pacquiao sa kinita ni Marquez—sapagkat, hindi naman siya talaga ang dapat NAGWAGI.
Dahil diyan, ang KONTRATA sa susunod na paghaharap ng dalawa—ay IDIDIKTA lamang ni Arum—at ang kampo ni Marquez—ay simpleng sasang-ayon lamang.
Kapag yan ang naganap at sitwasyon sa susunod na kontrata—iyan ang KUMPIRMASYON na “totoo ang tsismis” na BIGAY ANG LABAN.
Sa susunod na laban ni Pacquiao at Marquez—PATOK ULI SA TAKILYA—ang BAGONG SCRIPT ng TOP RANK.
Marami kasi ang hindi nakakaunawa ng PROFESSIONAL BOXING na hindi nalalayo sa PROFESSIONAL WRESTLING.
(BISTADO ni Ka Ambo, Bulgar newspaper for Dec. 11, 2012 issue. UNEDITED. Bistado.blogspot.com/ bistadokamao@yahoo.com/ bistadoniambo on twitter/ 09173525272)

Friday, December 07, 2012

WATCHOUT: SCIENTIFIC PACMAN

SARI-SARI ang espekulasyon kaugnay sa posibleng ending ng ikaapat na laban nina Manny Pacquiao at Juan Manuel Marquez.

May nagtatanong, kung sino raw ang palagay nating mananalo sa laban?
Walang duda si Pacquiao!
Bakit?
Simple lang ang dahilan: EDAD!
Yun lang.

-----$$$--
TRENTA’Y NUWEBE (39) na si Marquez samantalang treyta’y kuwatro (34) si Pacquiao.
Ang LIMANG (5) taong pagitan ay napakalaking factor o batayan kung bakit madaling malaman kung sino ang mananalo.
Ang lahat ay maaaring sumali sa diskusyon at madali ninyong mauunawaan ang argumento.
Kasi’y papakiramdaman lang ninyo ang iyong kalusugan nang kayo ay edad 39 at edad 34—kayo na mismo ang sumagot—sa sarili ninyong kondisyon at sa sarili ninyong pakiramdam.
Kung magsusuntukan ba ang inyong “sariling katawan”—unang Katawan ay ang iyong “Edad 34” kontra sa inyong sariling katawan na “Edad 39” anyos—kayo na ang sumagot kung sino ang mananalo?
Maaaring sabihin ninyo na mas MAY KARANASAN ang inyong katawan nang kayo ay edad 39 kompara nang kayo ay edad 34.
Pero ang boksing ay hindi lamang KARANASAN kundi ang “kondisyon ng kalusugan”—na ang obvious na batayan ay ang “BIOLOGICAL AGE”.
Kung ang karanasan ang pagbabatayan—dapat ay hindi natalo ni Pacman sina Oscar de la Hoya, Marco Antonio Barrera, Erik Morales at  Antonio Margarito.
Tinalo ni Pacman ang kanyang mga kalaban dahil sa kanyang “MAS MALUSOG na katawan, hindi lang dahil sa ensayo o kondisyon kundi dahil sa “BIOLOGICAL O PHYSIOLOGICAL AGE”.

-----$$$---
PANIBAGONG tanong: Paano naman ang isyu na kontrapelo o hindi masagot ni Pacman ang ‘counter-punching-style” ni Marquez?
Sa mga huling laban ni Pacman, hindi siya naging agresibo kaya’t pinagdududahan ng mga apisyonados na nanibago sa kanyang taktika.
Sa totoo lang, ang hindi pagiging agresibo—ay siyang mas  TAMANG TAKTIKA sa boksing.
Iyan kasi ang tinatawag na SCIENTIFIC!
Kumbaga sa chess—bawal ang ATAKE-NANG-ATAKE, ganyan din sa boksing.
At malinaw na NATUTO na si Pacman.
Kasi’y ang kanyang”bagong estilo” ay hindi na nalalayo sa estilo ng kanyang “future opponent” na si Floyd Mayweather.
Kahit ninyo buwisitin o kantiyawan na ‘PANGIT” at walang latoy ang laban ni Mayweather, hindi ninyo mapipikon yan—kasi’y yun ang TIPIKAL NA SCIENTIFIC APPROACH.
Ibig sabihin, MAS MAGANDA ang mga laban ni Manny Pacquiao—partikular sa kanyang naging laban kay TIMOTHY BRADLEY—na naging MAINGAT pero “nagwagi sa puntos” matapos ang TECHNICAL PANEL REVIEW”.
Marami lang ang nasorpresa o hindi nagkagusto sa naturang estilo—pero yung ang pinaka-EPEKTIB—na pangontra sa isang COUNTER-PUNCHING opponent—maging SARADONG-SARADO at huwag magbubukas ng “opening” na siyang taktika ni Mayweather na na-PLAGIARIZED ngayon nina Pacquiao at Freddie Roach.
Iyan mismo ang gagamitin ni Pacman laban kay Marquez—kung ano ang ginawa niya kay Bradley.
Taliwas sa kanyang PRESS RELEASE—hindi tayo maniniwala na SUSUGOD-NANG-SUSUGOD ni Pacquiao, bagkus ay kalmante ito at mag-aantay ng “OPENING”.

-----$$$--
EPEKTIBO ang “scientific approach” na ito—dahan-dahan pero nag-aabang, laban kay Marquez na isang counter-puncher.
Hindi dapat pakinggan nina Pacman at Roach ang mga apisyonados na SABIK sa dugo at marahas na bakbakan sa ibabaw ng lona—dahil iyan ay isang UNSCIENTIFIC!
Hindi mahalaga dito ang MAGING MASAYA ang apisyonados, ang mahalaga dito ay magwagi si Pacman.
Ibig sabihin,PAPAGURIN muna ni Pacquiao ang MAY EDAD nang si Marquez.
Dahil  mag-iipon siya ng lakas, kaya’t no choice siya kundi kopyahin ang estilo ni Mayweather.
Mag-aabang siya ng indikasyon kung KAILAN o saang round mapapagod si Marquez—at dun lang siya magiging AGRESIBO—karaniwan dito ay matapos ang kalahatian ng laban—7th, 8th o 9th round.
Iyan ay kung mapapagod agad si Marquez, pero kung mahusay ang kanyang kondisyon, magkakaroon lamang ng  knockout sa 10th, 11th o 12th round na karaniwang nasasaksihan sa sagupaan ng mga pinakamagagaling sa boksing.

-----$$$--
MAHALAGANG aktuwal na magamit o masubukan ni Pacquaiao ang SCIENTIFIC BOXING lalo pa’t ang susunod niyang makakalaban ay ang PERFECT BOXER na si Mayweather.
Sa madaling salita, gamit ang SCIENTIFIC boxing matatalo ni Pacman si Marquez bukas, Disyembre 9—at libreng makakapag-ENSAYO pa siya kontra kay Mayweather.
Tama  o mali?
(BISTADO ni KA AMBO column, for Bulgar Newspaper, December 08, 2012 issue. UNEDITED. Cc: bistado.blogspot.com/ bistadokamao@yahoo.com/ bistadoniambo on twitter/ 09173525272).

GESTA: NEW FLASH ELORDE



MARAMING Pinoy ang hindi na mapagkatulog.
Ito ay hindi dahil sa karima-rimarim na sinapit ng mga biktima ng bagyong Pablo, kundi dahil sa kinasasabikang laban ni 8-division world boxing champion Manny Pacquiao kontra kay Juan Manuel Marquez ng Mexico.
Hindi lang yan, sabik din ang 95 milyong Pinoy kasi’y engrande ang co-main event na laban ng wala pang talong na si Mercito “No Mercy” Gesta laban kay Miguel Vazquez ng Mexico para sa IBF lightweight title.
Sa kauna-unahang pagkakataon, ngayon lamang makakasaksi ang buong daigdig ng isang APAT NA PAGHAHARAP sa ibabaw ng lona nang parehong aktibo pa ang mga boksingero.
Sa kauna-unahan ding pagkakataon, ngayon lamang masasaksihan ng mga Filipino aficionados ang pagsabak ng isang LEHITIMONG LIGHTWEIGHT fighter mula sa Pilipinas sa isang kampeonato mula nang gulantangin ang daigdig ng boxing ni Gabriel “Flash Elorde”.
Bagaman, naging kampeon si Pacquiao sa lightweight division, pero hindi ito ang kanyang orihinal na dibisyon sapagkat na-metamorphose ang kanyang career mula sa lightflyweight tungo sa super welterweight class katumbas ng light middleweight—tangay-tangay ang pinakamagarbong championship belt.
Tulad nina Elorde at Pacquiao, isa ring kaliweteng boksingero si Gesta na lumaki at nagkaisip sa ibabaw ng improvised ring na ginawa ng kanyang amang muay thai world championship veteran na si Mang Anecito.
Taliwas kay Pacman na tindero ng pandesal at mula sa broken family, hinubog si Gesta ng isang buong-buong at masayang  pamilya kung saan kasama niya ang kanyang mga magulang at kapatid na nage-ensayo sa Big Bear California.
Walang talo si Gesta sa 26 laban at hindi rin siya dumaan sa pagiging amateur dahil mula nang magbinatilyo, natutulog, kumakain at mistulang naliligo sa ibabaw ng lona sa pag-eensayo upang maabot ang kanyang matagal nang AMBISYONG mapasabak sa isang prestihiyosong WORLD BOXING CHAMPIONSHIP.
At  bukas, Linggo—ay isang PANGARAP NA LUBOS na natupad para sa 25-anyos na si Gesta.
Sakaling talunin ni Gesta si Vasquez, walang duda, magkakaroon ang Pilipinas ng isa pang dakilang boksingero.
Hindi ang anino ni Pacquiao ang nakikita ng mga eksperto sa katauhan ni Gesta, kundi ang IMAHE ng kapwa niya Cebuano na si Gabriel “Flash” Elorde.
Kung si Pacman ay dinidiyos ng mga taga-Mindanao, walang duda, iniidolo naman si Gesta ng mga taga-Visayas.
Ipagdasal nating kapwa magwagi sina Pacquio, Gesta at iba pang boksingerong Pinoy sa kampeonato sa Las Vegas bukas—sila ang mga BAGONG BAYANI ng ating henerasyon.
Pacquiao, Gesta at iba pang Pinoy boxers—GOODLUCK po sa inyong lahat!!!
(EDITORIAL  ni KA AMBO column, for Bulgar Newspaper, December 08, 2012 issue. UNEDITED. Cc: bistado.blogspot.com/ bistadokamao@yahoo.com/ bistadoniambo on twitter/ 09173525272).