Friday, June 29, 2012

BIBLIYA AT ROSARYO NI PACMAN


MARAMI pa rin ang nangungulit kaugnay sa isyu na : Kapag wala sa Bibliya ay hindi totoo at hindi dapat paniniwalaan.
Ang argumentong yan—ay GASGAS na at laging ginagamit ng mga PASTOR upang sirain ang PANANAMPALATAYA ng mga Katoliko.
Wala daw ang “katagang Katoliko” sa bibliya kaya’t hindi ito dapat paniwalaan.
Wala daw ang “katagang Banal na Rosario” sa bibliya kaya’t hindi dapat paniwalaan.
Wala daw ang “Holy Trinity”  sa bibliya kaya’t hindi dapat paniniwalaan.
Ang tanong ay sasagutin din natin ng isang MALAKING TANONG:
Magtutuwad ka at basahin mo nang buong-buo ang  Banal na Kasulatan nang “cover-to-cover”—at wala kang makikitang “katagang BIBLIYA”.
Dapat bang paniwalaan ang BIBLIYA o hindi?
Wala rin yan mismo ang “BIBLIYA” sa BIBLIYA!!
Hige, tingnan ko ang tigas ninyo sa ARGUMENTO.

-----$$$---
Ang lahat lang ba ng nakikita ninyo ay dapat ninyong paniwalaan?
Mali.
Ang hangin ay hindi ninyo nakikita at ang BACTERIA ay hindi rin nakikita ng “naked eye”, hindi ba dapat paniwalaan yan?
Gusto ng mga KOLOKOY ay  paniniwalaan lang nila ay yung mga NAKIKITA nila , nararamdaman at may ebidensiya.
Hanggang ngayon—ay WALANG PHYCICAL EVIDENCE—tungkol sa KALULUWA  ng  tao, dapat bang paniwalaan ang “kaluluwa”?
Ang “SARILI NINYONG DIYOS”—may ebidensiya ba kayo?
Magtutuwad kayo,wala kayong maipapakita na EBIDENSIYA may “existence” ang inyong mga DIYOS?
O, ngayon, bakit kayo NANINIWALANG MAY DIYOS?

------$$$---
UMIINIT ang isyu sa relihiyon dahil sa paggamit ni 8-division world boxing champ Manny Pacquiao ng sitas sa banal na kasulatan.
Napahamak nga siya nang hugutin niya ang SITAS sa bibliya kung saan ISINUSUMPA ang mga bakla at tomboy—at ginamit niya ito sa pagkontra sa pagpabor ni US President Barrack Obama sa “same-sex” marriage.
Dapat ay “CONSISTENT” si Pacquiao sa kanyang “doktrina” na pinaniniwalaan.
Tama naman ang kanyang posisyon laban sa “bakla at tomboy”—kung pagbabatayan ang ISTORYA sa Lumang Tipan.
Kasi’y ang SODDOM at Gomorrah ay ginunaw sa pamamagitan ng APOY—dahil sa BAKLA at TOMBOY.
Pero, umatras at binawi ni Pacman ang “kanyang pangaral”.

-----$$$--
MAY malaking problema si  Pacman, kasi’y  NAMAMANGKA siya sa “dalawang ilog”.
Dumadalo siya sa mga BANAL NA MISA ng mga Katoliko—pero yinayakap din niya ang “DOKTRINA”  ng mga protestante.
Yung pagtigil niya sa paggamit ng Holy Rosary ay DOKTRINA ng mga protestante.
Napapaniwala kasi siya ng mga PASTOR sa kanilang doktrina na HINDI DAPAT PAHALAGAHAN ang INA NI HESUKRISTO na si Birhen Maria.
Ang pagtanggal ni Pacquiao sa Holy Rosary ay kasingkahulugan din sa PAGBALEWALA niya sa HIRAP at PAGMAMAHAL sa kanya ng kanyang INA na si NANAY DIONESIA.
Masama bang ALAYAN ng  mga panalangin ang pinakadakilang INA na nabuhay sa ibabaw ng lupa na si Mama Mary?
Sagutin ninyo!

------$$$--
SINUMAN ang bumastos kay Nanay Dionesia, tiyak na makakatikim kay Pacman ng  “mag-asawang” LEFT HOOK.
Sinuman ang bumalewala sa Holy Rosary na alay kay Birheng Maria ay makakatanggap ng MALAS.
(BISTADO NI KA AMBO, Bulgar Newspaper, June 30, 2012 issue. UNEDITED. Cc: bistadokamao.blogspot.com/ @bistadoniambo on twitter/ bistadokamao@yahoo.com/ 09173525272)

BLUNDER NI KOKO



KUMALAS na si Sen. Koko Pimental mula sa partido nina Bise Presidente Jojo Binay, dating presidente Erap at Senate President Juan Ponce Enrile na United Nationalist Alliance (UNA).
Bagaman, isa nang partido politikal ang UNA, ito ay aktuwal na ALYANSA ng mga partido.
Ibig sabihin ng alyansa, kahit magkakaiba ang pananaw o prisipyong politikal ay nagsanib ang Puwersa ng Masang Pilipino (PMP) at PDP Laban para magtuwang sa 2013 elections.
Sa totoo lang, kahit magkasalungat ang paniniwala ni Sen. Koko sa mortal niyang kaaway na si ex-Sen.Migz Zubiri ay pwede naman silang mag-ALYANSA na maaaring ikatuwa ng publiko—sapagkat may kakayahan siyang UMUNAWA sa isang tao na “hindi kauna-unawa”.
Iyan ang ESENSIYA ng pag-ibig sa kapwa tao, pag-ibig sa bayan—kaya mong isakripisyo ang PERSONAL na  emosyon kung nakataya ang PAGKAKAISA.
Sinayang ni Sen. Koko na makapagtalumpati na ang ESENSIYA ay may “temang malawak na pang-unawa, pagpapatawad at wagas na pag-ibig alang-alang sa PAGKAKAISA.
Ang masakit at masama, inamin ni Sen. Koko kung PAANO siya magtatalumpati.
Kasi’y inabiso na niya na magtatalumpati siya laban sa mga NANDAYA sa nakaraang halalan.
Hindi niya masisikmura na ang “taong nabiyayaan” sa kanyang KAAPIHAN ay makakasama niya sa plataporma sa talumpating politikal.
Mas nais ni Sen. Koko na italumpati ang kanyang GALIT, HINAGPIS, PAGKAPOOT at  HINANAKIT—kaysa sa talumpati ng PAGPAPATAWAD PANG-UNAWA, PAG-IBIG at PAGKAKAISA.
Ngayon pa  lamang ay NABAWASAN na siya ng MILYONG MILYONG BOTO.
Sa bawat panayam, tiyak na hindi niya maiiwasang UPAKAN si MIGZ, imbes na ipokus niya ang KAMPANYA sa positibong aspekto ng pag-unlad ng bansa.
Walang duda, na-BLUNDER si Sen. Koko.
Ipagdasal nating mapasama siya sa Top Ten, kasi’y baka mapang-13 uli siya at mapang-12 uli si Migz.
(EDITORIAL NI KA AMBO, Bulgar Newspaper, June 30, 2012 issue. UNEDITED. Cc: bistadokamao.blogspot.com/ @bistadoniambo on twitter/ bistadokamao@yahoo.com/ 09173525272)

Saturday, June 23, 2012

SI DOLPHY AT ANG BIGAA



USAP-USAPAN ngayon ang kalagayan ni Tito Dolphy.
Lingid sa kaalaman ng marami, kamag-anak po ng inyong abang-lingkod si Tito Dolphy.
Isa rin po siyang Dugong Bulakenyo.
Sa totoo lang, ,may lupain si Tito Dolphy sa Bgy. Wawa, Balagtas, Bulacan.
Ikinukuwento ng aking amain na si Kapitan Pabling Miranda na ang tawag ni Tito Dolphy sa aking Lolo o ama ng aking ama  ay  “TATA PACIO”.
“Kumusta na si      Tata Pacio sa Longos,” yan ang lagi niyang itinatanong tuwing magkikita sila ni Lolo Kanor na ama ni Tata Pabling sa kabilang barangay.
Ang malapit na kamag-anak ni Tito Dolphy sa Balagtas ay ang lahi ni Lolo Kanor o mas kilala sa tawag na Tata Kanor.
Madalas din siyang pumunta  sa Municipal Trial Court sa Bigaa (Balagtas ngayon), upang ayusin ang mga dokumento ng kanyang lupain dito na nasa pagitan ng Ilog Balagtas at     municipal cemetery sa Bgy. Wawa.
Ang pagkakaalam ko, unang ipinakilala ni Tata Pabling na naging barangay captain ng Bgy. Wawa si CHONA VELASQUEZ kay Tito Dolphy nang hindi pa ito gaanong popular.
Sa totoo lang, ang unang exposure sa telebisyon ni Chona ay sa BARANGAYAN kung saan naging host sina Bert Marcelo at Pilita  Corrales.
Ang BARANGAYAN ay isang amateur singing contest sa Channel 4 kung saan INILALABAN ng mga barangay ang PAMBATO nilang mang-aawit.
At si CHONA ang inilaban ng Balagtas, Bulacan mula pagkandili ng KAMAG-ANAK ng malapit na kamag-anak ni Tito Dolphy na si KAPITAN PABLING.
Pumangalawa lamang si CHONA sa naturang nationwide search at pinaniniwalaang DINAYA.
Pero, mula noon BINAGO na ang pangalan ni         CHONA at ginawang “REGINE” na sumikat nang todo at naging kasikuhan ang PINSAN ni Tito Pabling na si Tito Dolphy.
Kung ano ang naging PAPEL ni Tito Dolphy sa pagsikat ni CHONA ay isang lihim na ang tanging nakakaalam  lamang  ay si Kapitang Pabling.
Kapag umuuwi si Tita Dolphy sa Bigaa, tumutuloy siya sa matandang bahay ni Lolo Kanor at Kapitang Pabling  sa Bgy. WAWA—ang barangay kung saan NAGKAISIP at nag-aral ng  elementarya si REGINE.

-----$$$--
SA ngayon, hindi lamang ang taga-MetroManila ang nagdarasal sa pagrekober ni Tito Dolphy kundi  maging ang kanyang mga kababaryo,  kababayan at kamag-anak sa Bulacan.
Isang lahing Bulakento si Tito Dolphy tulad ng mga  bayaning rebolusyonaryo.
May ilang anak si  Tito Dolphy na  nananatiling NANINIRAHAN sa Bulacan dahil marami silang KAMAG-ANAK dito.
Sa ngayon ng aming pamilya, mga taga-Balagtas at mga taga-Bulacan, ipinaaabot namin ang aming PANALANGIN na sana ay mabilis na makarekober sa kanyang kalusugan ang HARI NG KOMEDYA na isa rin sa INSPIRASYON ng kolum na ito.
Ang mga DYOK at BIRO mula sa kolum na ito ay walang duda na mula sa LAHI ng mga artista at magagandang lalaki.
Siste pa rin, maraming salamat po!!!
(BISTADO ni Ka Ambo, Bulgar Newspaper, June 24, 2012 issue. UNEDITED. Cc. blogspot.bistado.com/ @bistadoniambo on twitter/ bistadokamao@yahoo.com/ 09173525272)

$1B: TIRAD PASS NI PNOY


MUKHANG mapapahamak si PNoy sa $ 1 billion pledge sa IMF para maipautang nababangkaroteng  bansa ng Greece!
Maaaring may katwiran ang mga financial consultant  na ipautang ang DOLLAR RESERVES, pero ito ay mahirap MAUNAWAAN ng 90 milyong Pinoy na ang 80 porsiyento ay nagdarahop.
Kapag pinagdebatehan ang naturang isyu sa barberya, parlor, palengke at turo-turo, hindi malayong MAGKASUNTUKAN at magkapatayan.
Iyan ay kung may tatayong TAGAPAGTANGGOL ang Malacanang na magdedepensa na TUMPAK ang naturang desisyon.
Ang naniniwala lamang na tumpak ang naturang desisyon ay ang 10 PAMILYA na BILYONARYO o tatlong porsiyento ng populasyon—pero may kontrol ng GOBYERNO at MILITAR.
Pero ang 97 porsiyento ng masang Pinoy na inilalarawan nasa ilalim ng pundasyon ng PIRAMIDENG SOSYAL ay nagngingitngit sa galit.
Paano mauunawaan yan ng mga nakatira sa squatter area?
Paano mauunawaan yan ng mga drayber ng pampasaherong bus, dyip, traysikel at pedicab?
Mauunawaan ba yan ng mga obrero, mangingisda, magsasaka, karpintero, tubero, basurero at tindero?
Lalo namang mahirap maunawaan yan ng mga nagugutom at nagpasyang magbenta ng aliw, magnakaw, mag-isnatch, manggoyo at manloko ng kapwa?
Hindi natin alam kung idedepensa ni PNoy sa kanyang SONA ang $1 billion pautang sa Europe, kasi’y wala tayong makitang epektibong ANGGULO , ARGUMENTO o katwiran upang maunawaan ito ng ORDINARYONG MAMAMAYAN.
Hindi malayong  ang $1 bilyong pautot na ito ni PNoy ay  magsilbing TIRAD PASS ng kanyang political career—dito na matatapos kanyang POPULARIDAD!
Kasi’y yung $2.4 dollar ni Ex-CJ Renato Corona ay simpleng HINDI LAMANG niya idineklara pero nasibak at isinumpa.
Pero ang $1 BILYONG DOLLAR—ay lantarang kukulimbatin mula sa BANGKO SENTRAL para sa ipam-FIVE SIX  lamang sa  mga nagdarahop na MATATANGOS ANG ILONG!
(EDITORIAL  ni Ka Ambo, Bulgar Newspaper, June 24, 2012 issue. UNEDITED. Cc. blogspot.bistado.com/ @bistadoniambo on twitter/ bistadokamao@yahoo.com/ 09173525272)

Wednesday, June 20, 2012

JORDANIAN: A DOUBLE AGENT, BEWARE



TULIRO ang Malacanang sa isyu ng pagkidnap kay  Baker Abdullah Atyani na isang Jordanian journalist.
Hindi magkandatuto kung paano iha-HANDLE ang maselang problema ito.
Nabisto kasi  na may “LINK” ang Jordanian  kay Osama bin Laden.
Kasi daw ay si Atyani ang “HULING naka-INTERBIYU” kay Osama.
Iyan mismo ang LUMALABAS sa ulat kahapon pero NGAYON, lamang ninyo mababasa sa mga pahayagan.

----$$$--
DITO masusubok na naman ang inyong mga SINTIDO-KUMON.
Kumbaga, kung gagawin ninyong MASALIMUOT—ang sitwasyon sa LIKOD ng mga balita, lalo sasalimuot ang UTAK ninyo.
Pero, kung sisimplehan ninyo ang pag-analisa, matutuwa kayo sa LOHIKA ng sitwasyon.

-----$$$--
ITO namang  MEDIA—pinakokomplikado ang TINGIN kaya’t tiyak na MAGKAKAMALI ang mga KOMENTARISTA sa PAGKILATIS kay Atyani.
Ito ang TANONG: Kangino nagseserbisyo si Atyani?
Sa  Al Qaida o Jemaah Islamiya ba?
O sa CIA o  sa INTELLIGENCE UNIT ng Pentagon?
Kayo ang SUMAGOT.
Sa biglang tingin o sa biglang sagot—madaling sabihin na MAY LINK o NAGSESERBISYO si Atyani sa terrorist group.
Huh, baka magkamali kayo dyan?
Paalala lang naman natin.
Yan din ang PAALALA mismo ni DOJ Secretary Leila de Lima.

-----$$$--
ETO  kasing si DILG Secretary Jesse Robredo ay agad NGUMAKNGAK nang ngumakngak at hiniling kay PNoy na ideklarang PERSONA NON GRATA si Atyani.
Bigla tuloy sumali at PUMAGITNA mismo si PNoy sa BALIKTAKAN kahapon.
Ano ang opisyal na pahayag ni PNoy?
Narito: “Bago natin hatulan si Atyani, hayaan munang bigyan natin siya ng PAGKAKATAONG SUMAGOT.
Ano ang ipinahihiwatig nito?
Hindi DAPAT MARKAHAN si Atyani bilang “kapanalig ng Al Qaiada o ng terorista!

----$$$--
BAKIT ganyan ang pahayag ng Malacanang?
Bakit bigla silang SUMALI sa “BALIKTAKAN” na simbilis ng KIDLAT?
Baka kasi sila MAPAHAMAK.
Kasi’y “sakaling isang CIA agent’ si Atyani, “mapapa-GALITAN” sila ng White House.
Iyan din ang DAHILAN kung bakit binabastos at balewala lang kay Atyani ang PATUTSADA ni Robredo.
He, he, he.

-----$$$--
SA kolum lang na ito ninyo ito MABABASA o matutunghayan.
Una, si Atyani ay malinaw na DOUBLE AGENT.
Kumbaga sa detective story at suspense thrillee sa Hollywood—si Atyani ay isang DOUBLE SPY.
Mahihirapan ang sinuman na MATUKOY ang kanyang TUNAY NA KULAY.

----$$$--
KUNG itatanong naman ninyo sa kolum na ito kung ano ang ating OPINYON, aba’y siyempre, sasagutin natin yan ng UBOD-TAPANG.
Sa tingin natin, si ATYANI ay isang CIA AGENT.
Bakit?
Una, siya ang HULING NAKA-INTERVIEW kay Osama bin Laden, bago NATUKOY ang kuta sa Pakistan, at bago napatay ang NO.1 MOST WANTED ng daigdig.
Pwess, si ATYANI ay NAGSESERBISYO sa CIA imbes sa terrorist.
At hindi malayong siya mismo ang “nag-tip” sa pinagtataguan ng No.1 Enemy ng US,

-----$$$--
TAMA naman ang analysis na “MAY LINK” si Atyani  sa terrorist group.
Tumpak yan, kasi nga ay isa siyang DOUBLE AGENT o DOUBLE SPY.

-----$$$-
PERO , HINDI iyan ang ISYU.
Ang isyu ay kung ANO ANG MOTIBO ni Atyani sa PAGPUNTA sa Mindanao?
Mahirap matukoy yan.
Pero, iisa ang MALINAW—hindi ito sa IKABUBUTI ng Pilipinas.
Malinaw dito na ang INTEREST ng “ibang bansa”—ang pinagseserbisyuhan ni Atyani.
Isang MAPANGANIB na personalidad ang Jordanian media.

----$$$-
NAGPUNTA si Atyani sa Mindanao sa ISANG MISYON lamang.
At kung magsusuri tayo, ito ay maaaring may KAUGNAYAN sa “lihim na ulat” sa NAPIPINTONG AGREEMENT ng Republika ng Pilipinas sa BANGSA MORO REPUBLIC.
Tulad sa nauna na nating binanggit.
May ulat na lalagdaan na o pumayag na ang Malacanang sa “PAGKAKAROON” ng SUB STATE SA MINDANAO.
Ano ang ROLE ng Abu Sayyaf at terroristang ISLAMIST sa “naturang negosasyon”?
Guluhin muli ang Mindanao o sumuko matapos LAGDAAN ang kasunduan sa “BANGSAMORO SUBSTATE”.

----$$$--
GAYUNMAN, batay sa kasaysayan: Ang ABU SAYYAF ay binuhay  upang GAMITING pang-BLACKMAIL sa MAMAMAYANG PILIPINO.
Kung ano ang IKIKILOS ng mga BANDIDO sa Mindanao sa mga SUSUNOD NA ARAW—yan ang mismong MENSAHE o MOTIBO ng pagpunta ng “double spy”sa Timog.
Kailangan natin ang mga “BAYANING”  magtatanggol sa TERITORYO ng Pilipinas—laban sa MAPANGHIMASOK na mga DAYUHAN.
Sa ngayon, HOPELESS tayo sa pagkontrol ng DAYUHAN  mismo sa ating soberaniya at lupain.
Iyan ang dahilan kung bakit, ang HIMAGSIKAN tungo sa GANAP na kalayaan ay hindi kailanman DAPAT TULDUKAN sa mga ampaw na seremonya tuwing Hunyo 12.
(BISTADO NI KA AMBO, Bulgar newspaper, June 21, 2012 issue, UNEDITED. Cc. bistado-blogspot.com/ @bistadoniambo on twitter/ bistadokamao@yahoo.com/ 09173525272). 

CJ ASPIRANTS MAMISO


MAMISO na lamang ang pagiging punong mahistrado.
Bakit?
Kasi’y nominado lahat ang 14 na mahistrado sa Korte Suprema.
Bukod diyan, nominado rin ang mahigit 30 aspirante kabilang ang mga abogado , huwes at mahistrado sa labas ng Supreme Court.
Kumbaga, parang GALUNGGONG ang mga aspirante—DAGSA SA PALENGKE.
Halo- halo ang aspirante-- may beterano, may batambata at may naniniwala sa duwende.
Linsiyak, ano bang klase ng proseso ang ipinatutupad batay sa Saligang Batas?
Dapat ay palitan na rin mismo ang Judicial and Bar Council (JBC) dahil wala silang kakayahan na MAGLABAS ng direktiba kung paano iaangat ang KALIDAD sa proseso sa pagpili ng hepe ng Kataas-taasang Hukuman.
Isasatelebisyon pa ang pilian at interbiyu na tipong NAGSUSUBASTA ng isang “ukay-ukay”  na inidoro sa Plaza Miranda.
Bakit dumarami ang ASPIRANTE?
Simple lang at sintido kumon ang sasagot: Sapagkat n marami ang nais MAKA-TSAMBA sa posisyon ng chief  justice.
Kapag  BINUWENAS nga  naman ang sinuman, bigla niyang MAKOKOPO ang puwestong CHIEF JUSTICE kung saan mabilis  makakaipon ng $2.4 milyon at P80 milyon.
Ibig sabihin, ALAM ng sangrekwang ASPIRANTE na “SUWERTE-SUWERTE’ lang ang pagpili at hindi pagbabatayan nang todo ang KUWALIPIKASYON.
Nakakahiya ito, at hindi dapat na mababoy.
Isang malaking paghamon ito sa mga bumubuo ng JBC—ayusin nila ang kanilang SARILI at huwag magpatangay sa PUBLISIDAD.
Yung “swerte –swerte” hayaan na lang ninyo kay PNoy.
Pero kayong nakapag-ARAL at nagmamahal sa inyong PROPESYON---mahalin naman ninyo ang ating REPUBLIKA—magpatalino kayo at MAGPAKATINO.
Ang puwesto ngayon sa punong mahistrado ay higit pa sa   JACKPOT sa lotto!!!
(EDITORIAL  NI KA AMBO, Bulgar newspaper, June 21, 2012 issue, UNEDITED. Cc. bistado-blogspot.com/ @bistadoniambo on twitter/ bistadokamao@yahoo.com/ 09173525272). 

Saturday, June 16, 2012

SA AKING AMA; SA AMA NG AKING ANAK


ARAW ng mga tatay ngayon!
Naalala ko ang yumao kong ama na si Kapitan Sucing.
Pito kaming magkakapatid na lalaki at may tatlo kaming kapatid na babae.
Ikinukuwento ng aking ama na nang binata pa siya, siya ay estranghero, mahilig sa sugal, uminom pero dumadayo siya kung saan-saan upang magtrabaho.
Pero nang makaisang dibdib niya ang aking yumaong ina na si Inang Talia, pokus siya sa pamilya.
Nagamit niya ang natutuhan niya sa latwaksa—bihasa siyang magkapintero, bihasa siyang  mekaniko,  electrician, tubero,  magsasaka, mangingisda;  at bihasa siyang POLITIKO o lider sa lipunan kaya’t naging barangay captain siya.
Haligi siya ng Nacionalista Party sa aming bayan ng Balagtas, Bulacan.
Iniidolo niya si dating Pangulong Marcos.
Ipinagmamagaling niya ang litrato niya kasama si Pangulong Marcos nang dumalaw sa Motorpool sa Guiguinto, Bulacan noong 1965.
Bilang kapitan ng barangay, tinanggap niya nang personal ang tseke na nagkakahalagang P5,000 bilang pondo sa PROYEKTO na personal na pipiliin ng puno ng barangay.
Isang eksena ito na hindi niya malilimutan .
Alam ba ninyo kung saan inilaan ng aking AMA na barangay captain ang pondong P5,000?
Taliwas sa ibang barangay, inilaan niya ang pondo sa pagbili ng INIDORO (toilet bowl), hallowblocks, semento, bakal, buhangin, graba at yero upang magkaroon ng LIBRENG PALIKURAN ang NAGDARAHOP NA PAMILYA sa aming barangay.

----$$$--
SA panahon iyon, bibihira lang sa aming barangay ang may TOILET.
Ang barangay Longos ay nasa tabi ng ILOG-BALAGTAS at hinahati ang teritoryo nito ng RILES ng tren.
Sa  Balagtas River araw-araw LUMALANDING ang “FLYING SAUCER” tuwing umaga at  gabi.
Sa madaling araw naman, nag-uunahan ang ilang residente sa pagpunta sa TULAY NA RILES ng tren na may hawak-hawak na TABO na may tubig  at DIYARYO.
Hindi pampaligo o pansepilyo ang isang TABONG TUBIG at hindi rin para BASAHIN ang DIYARYO—alam na ninyo kung saan ito gagamitin.
Ganyan kagrabe ang sitwasyon nang walang PALIKURAN ang mga bahay.
Iyan ang dahilan kung bakit IPINAGPAGAWA ng aking ama na si Kapitan Sucing ng kanya-kanyang LIBRENG TOILET ang mahihirap na pamilya sa aming barangay.

-----$$$--
DISIPLINADO kaming 10 magkakapatid.
Bawal sa babaeng kapatid ang magpunta sa bukid, taga dala lang sila ng MERYENDA.
Pero ang tatlong babae ang nakatoka sa paglalaba, pagluluto at pag-aalaga ng bata.
Ang mga lalaki naman ay  nakatoka sa pag-ibig ng tubig at trabaho sa  bukid—pagdadamo, paggapas, pagtatanim, paghuhulip, pagpapatubig at pagbomba ng insekto at pagbugaw sa mga daga at ibon.
Pero kapag dumating na kami sa bahay, buong gabi kaming maiingay, naglalaro kami ng chess, naggitara, nagdedebate sa doktrina sa bibliya at isyu tungkol sa gobyerno ni Marcos.
Nang kami ay nasa elementarya, ang bawat 100 percent na grado sa QUIZ at exam ay may katapat na CASH GIFT—at siyempre, lagi akong may PERA, madalas akong maka-one hundred eh.

----$$$--
NOONG Pebrero 24, 1986, nasa tabi ng aking ama ang TRANSISTOR na iniregalo sa kanya ni Pangulong Marcos na ang marka ay “F-r-e-E-d-o-M. Nakikinig siya sa ulat ng pagbagsak sa poder ni Marcos at lumuluha.
Sabi niya: “Anak, hindi ka ba pupunta sa Malacanang? Marami nang tao dun at mukhang tagilid na siya sa puwesto?” wika sa akin ng aking ama.
“Gusto ko pong pumunta, pero maghahanap ako ng kasama”, sagot ko.
Inabutan ako ng aking ama ng P200 sabay ang sabi: “Sige, INGAT KAYO”.

------$$$--
NOONG Hunyo 2, 2012, umakto akong ama sa kasal ng pamangkin ko.
Naulila  sa ama ang tatlo kong pamangkin at  tuwing may ikinakasal sa kanila—ako ang PROXY FATHER.
Isinama ko ang aking 8-year old na unico-hijo na si Rainier sa PANGANAY na kapatid ng aking yumaong ina na si Lola Luding
Pinagmano ko si Rainier sa kanyang Lola Luding na hindi na nakakakita sanhi ng katarata.
Nakaupo na hinagod-hagod lamang ng aking Nana Luding si Rainier.
“Ilan taon na po kayo , Lola,?” tanong ni Rainier.
“NINETY-FOUR na ako, iho,” sagot ni Lola Luding sa nagulat na si Rainier.
“Huh, ninety –four? Six na lang, ONE-HUNDRED na!,” natatawang namangha ang paslit.

-----$$$--
LUMAPIT ako sa eksena.
“Anak gusto mo ba na ang iyong Daddy at Mommy ay maging 100 years old din?”,  urirat ko kay Rainier.
“I don’t want that,  Daddy,” sagot niya.
“Bakit”, tanong ko agad.
“NO, because,  I WANT BOTH OF YOU—DADDY AND MOMMY TO STAY YOUNG FOREVER”.
Otso-anyos siya, pero alam agad niya na HINDI ANG MATANDANG EDAD ang MAHALAGA kundi ang manatiling MALUSOG at BATAMBATA sa habang panahon.
HAPPY FATHER’S DAY po sa inyong lahat.
(BISTADO NI KA AMBO column, Bulgar Newspaper, June 17, 2012 issue, UNEDITED. Cc. bistado.blogspot.com/ @bistadoniambo on twitter/ bistadokamao@yahoo.com/ 09173525272) 

SHOAL DISPUTES SOLVED SA BAGYO


KUSA nang mareresolba ang patintero ng mga barko ng Pilipinas at China sa Scarborough Shoal.
Bakit?
Kasi’y nagkakasunod-sunod na ang malalakas na unos at bagyo.
Wala nang dahilan upang ilagay sa panganib ang mga barko at buhay ng mga sundalo.
Kinumpirma ng Malacanang na pinababalik na sa aplaya ang natitira pang  dalawang barko ng Pilipinas, hindi dahil sa naduduwag sa China, kundi upang makaiwas sa trahedya ng malalakas na unos sa karagatan.
Hindi rin maaaring magmatigas ang China, anumang araw ay maaari na rin silang lumayas sa naturang USLI ng mga bato.
Iyan ay kung wala silang KARGANG KARGAMENTO sa pagtatayo ng KUTA o GARRISON sa lagoon na pinag-aawayan ng dalawang bansa.
Ginawa na yan ng China sa Spratlys kung saan nagtayo sila ng KONGRETONG KAMPO sa naturang Kalayaan Islands pero hindi sila napigil ng Pilipinas at ng alinmang bansa na umaangkin sa naturang teritoryo.
Ikinakatwiran kasi ng China na HIMPILAN iyon ng mga MANGINGISDA na inaabutan ng DALUYONG sa gitna ng dagat.
Kapag walang KAMPO sa Scarborough Shoald, walang duda lalayas din ang mga barkong ng Tsino.
Umiinit ito sa gitna ng ulat na pumayag ang US, Britain, Canada at Japan na saklolohan ang Pilipinas sa PAGPAPALAKAS ng puwersang pandagat.
Maaaring isa rin ito sa dahilan ni PNoy sa pagpapauwi sa mga barko.
Bahala ang mga DAYUHANG BANSA ang sumagupa sa China.
Gayun lang kasimple ang solusyon.
Kung may lohika ito o wala, bahala na ang taumbayan ang humusga.
(EDITORIAL  NI KA AMBO , Bulgar Newspaper, June 17, 2012 issue, UNEDITED. Cc. bistado.blogspot.com/ @bistadoniambo on twitter/ bistadokamao@yahoo.com/ 09173525272) 

Friday, June 15, 2012

SI JOB AT SI PACQUIAO


DARATING ngayon si 8-divison world boxing champ Manny Pacquiao.
Siya ngayon ang usap-usapan, bukod sa Bagyong si Butchoi at ang lindol sa Saranggani.
Hindi maiwasan na IDIKIT sa kuwentuhan ang “trahedya”.
Ang Unang  Trahedya ay ang pagkatalo niya sa kamay ni Tim Bradley na malinaw na tinalo niya sa suntukan, pero hindi sa HATOL NG HUWES.
Ang Ikalawan Trahedya ay ang biglang PAGBAHA mismo sa kanyang lalawigan at distrito ng SARANGGANI.
Ang Ikatlong Trahedya ay ang sorpresang LINDOL na magnitude 5.5 mismo rin sa General Santos City—ang punong lungsod sa kanyang lalawigan.
Sumasabay pa dito ang Bagyong Butchoi na nagpaulan din sa kanyang distrito.
Iniayos natin ng ganyang PORMA upang maihawig natin sa TRAHEDYA na ipinalasap ng Diyos ng Israel sa bansang EHIPTO dahil sa MATIGAS NA PUSO         ng      Pharaoh.
Mas madaling mauunawaan yan ni Pacman at ng mga nagbabasa ng Bibliya.

----$$$---
MAGING JOB ay idinaan ng Diyos sa isang napaka-LAGIM na pagsubok, pero hindi siya sumuko.
Nakahanda ba si Pacquiao na tanggapin ang ganyang pagsubok?
Matitiis ba niya na MADAMAY sa pagsubok ang kanyang mga MAHAL sa buhay at mga constituents?

-----$$$--
MAY nais lang tayong itanong kay Mr. Pacquiao.
Ano bang relihiyon ang kanyang kinabibilangan ngayon?
Siya ba ay nananatiling KATOLIKO na ang lider ay ang Santo Papa sa Roma?
Siya ay nagpabinyag na si Jesus Is Lord Fellowship na ang lider ay si Bro. Eddie Villanueva?
Alam ba niya ang pagkakaiba ng dalawang RELIHIYON?
Ang kanyang interpretasyon ba sa mga SITAS na binabasa niya ay IDINIKTA o inimpluwensiya ng PASTOR na  naka-BOLA sa kanya?
Ginagamit lamang ba niya ang BIBLIYA na pang-KOBER sa ilan niyang pagkukulang tulad din ng ibang nagpapanggap na “maka-BIBLIYA” at “maka-Diyos?
Kailangan masagot niyan yan upang MATIGIL ang malas!!!

-----$$$--
MAHALAGANG magmuni-muni muna siya at  BASAHIN  nang cover-to-cover ang BIBLIYA ng ilang ulit bago siya MANGARAL.
Kapag tinangka niyang MANGARAL gamit ang DOKTRINA na idinikta ng JIL ay BINABASTOS niya ang DOKTRINA ng Katoliko na nakaugat sa UNANG SIGLO matapos mamatay sa krus si Hesukristo.
Alin ang gusto niyang DOKRINA?
Ang DOKTRINA na mula nagmemorya  ng mga sitas o ang DOKTRINA na pinagdebatehan ng mga PAHAM ng Simbahan daan-daan siglo na ang nakakaraan?
Bago malulong sa doktrina at bibliya si Pacman, dapat muna niyang SURIIN ang kasaysayan ng GRUPO na kanyang kinabibilangan.
Iyan ay para hindi siya magkamali at hindi rin siya mapagbitangang MINAMALAS.

----$$$--
KINUKUWESTIYUN ngayon ang RELIHIYON ni Pacquiao matapos “TANGGALIN” niya ang BANAL NA ROSARYO na dati-rati niyang isinusuot bago ang LABAN.
Alam kaya ni Pacman na  marami nang TESTIMONYA hinggil sa HIMALA na idinidikit sa paggamit ng BANAL NA ROSARYO.
Pero, kung saka-sakali, ngayon lang tayo makakapag-RECORD ng serye ng KABABALAGHAN—na mag-uugat sa pang-i-ISNAB sa HOLY ROSARY.
Alam din kaya ni Pacman na 85 PERCENT ng 90 milyong Pinoy ay mga lehitimong Katoliko?
Ano kaya ang sey dito ni Nanay Dionesia?
(BISTADO NI KA AMBO column, Bulgar newspaper, June 16, 2012 issue. UNEDITED. Cc. bistado.blogspot.com/ @bistadoniambo on twitter/ bistadokamao@yahoo.com/ 09173525272) 

BOLANG AGRARYO


INIUTOS  ni         PNoy ang full implementation ng Comprehensive Agrarian Reform Program (CARP).
Pero, hindi ba ninyo napansin, walang ESPESIPIKONG executive order ang nilagdaan.
Ibig sabihin, “in general” o pangkalahatan lang ang utos sa mga pabalita.
Malinaw na pambobola lang ito, sapagkat wala namang kongkretong direktiba upang ipatupad ito.
Iniwasan din sa PABALITA na banggitin ang tungkol sa pamamamahagi ng Hacienda Luisita.
Dapat ay nilagdaan niya ang isang direktiba diretso kay Agrarian Secretary  Virgilo de los Reyes, Justice Secretary Leila de Lima at iba pang ahensiya tulad ng Land Registration Authority (LRA)  upang PABILISAN ang paglilipat ng titulo mula sa kanyang mga KAMAG-ANAK tungo sa mga magsasaka.
Mayroon ba kayong narinig o nakita na ganyang direktiba?
Hangga’t hindi tuwirang pinamamadali ni PNoy ang pagkakaloob ng sari-sariling titulo sa tenants ng  Hacienda Luisita, mahirap paniwalaan ang ganyang hilaw na pangako.
Ibinunyag kasi mismo ni Manila Auxillary Bishop Broderick Pabillo na ang PNOY ADMINISTRATION       ang  may pinaka-PALPAK na record kung pag-uusapan ang pamamahagi ng lupa sa mga magsasaka.
Malinaw na ang achievement ni PNoy sa larangang AGRARYO—ay PABALITA lamang o simpleng PAMBOBOLA—hanggang ngayon.
Dapat ay ilathala nila o ilantad kung gaano kalaking lupa  at  ilan magsasaka ang nabigyan na ng titulo  sa NAGDAANG TATLONG taon niya sa panunungkulan.
Imbes na mag-ulat ng bilang na nabiyayaan, NANGAKO lamang ang Malacanang.
Na naman!
(EDITORIAL  NI KA AMBO , Bulgar newspaper, June 16, 2012 issue. UNEDITED. Cc. bistado.blogspot.com/ @bistadoniambo on twitter/ bistadokamao@yahoo.com/ 09173525272) 

Thursday, June 14, 2012

PILIAN SA CJ, MAPERDER DIN KAYA?



NAPAKAHABA ng palitan namin ng text ng batikang komentarista na si Ka Popo Villanueva kahapon.
Tulad sa marami nating tagasubaybay, isa siya sa naglista ng ating cellphone number.
Tulad din sa iba, inamin niya na nagki-clippings siya ng sipi ng ating KOLUM  sapagkat sinusubaybayan niya ang maseselang posisyon at opinyon natin partikular sa larangan ng politika, lipunan at maging sa relihiyon.
Nananatili pa rin matalas ang isip at argumento ni Ka Popo.
Sa totoo lang, isa siya sa ating idolo dahil matagal siya nagbabad sa radyo at ako naman ay nakatunganga sa kanyang mga komentaryo sa mga panahon tayo ay nakabakasyon mula sa 10 taong pagtatrabaho o pagseserbisyo sa pamahalaan.
Nang makabalik tayo sa trabaho, hindi ako nagbalik sa gobyerno—at dito na tayo napadpad sa larangan ng pamamahayag.
Sa totoo lang, pareho kaming LIDE-KABATAAN ni Ka Popo, pero siya ay nasa unahang linya ng mga KABATAANG LIDER sa nagdaan at kasalukuyang panahon.
Unti-unti nang hinahatak siya ng panahon, pero ang talas ng isip at PAGMAMAHAL sa bayan ay lalong nagpapa-GANDANG LALAKI sa kanyang mga opinyon at paninindigan.

----$$$--
MAY panahong nagkasama kami nang matagal dahil hindi lang siya isang simpleng lider, bagkus siya ay isang epektibong TAGAHUBOG ng mga lider sa hinaharap at INSPIRASYON ng mga  nagmamahal sa bayan.
Hindi natin malilimutan tuwing hihimigin niya ang makabayang awiting “BAYAN KO” nang AKAPELA, hindi niya napipigil ang luha na nag-uunahang dumadalisdis  sa kanyang pisngi na sumasabay sa hikbi ng mga katagang nagpapahiwatig ng matinding PAG-IBIG sa tinubuang lupa.
Ako naman ay hindi mapigil na maluha pero pinapahid ko agad ng panyolitong kulay pulang ginagamit ko ring pantakip sa init ng araw sa Bundok Makiling.

-----$$$---
NAIS ni Ka Popo na mabigyan ng impormasyon ang lahat kaugnay ng posibleng maupo na susunod na punong mahistrado matapos mapatalsik si Renato Corona.
Narito ang mga pangunahing aspirante--eskuwelahan; grado at puwesto  sa bar examination;  at taon ng pagkuha.
Una--Antonio Carpio, UP, 85.7 percent, 1975, No. 6.
Ikalawa—Presbitero Velasco, UP, 89. 85 percent, 1971, No.  6.
Ikatlo—Arturo Brion, AdMu, 91. 65, 1974, No. 1.
Ikaapat—Francis Jardeleza, UP, 88.35, 1974, No. 3.
Ikalima—Leila de Lima San Beda, 86. 26, 1985, No. 8.
Ikaanim—Cesar Villanueva, AdMu, 90.15, 1981, No. 3.
Iyan po ay kalahati lamang sa 12 NOMINADO na kinabibilangan din ni Kim Henares ng BIR at pinakahuli kahapon ay si Frank Chavez.
Pahabol ni Ka Popo,  iilan lang ang  naging CHIEF JUSTICE  na HINDI BAR TOPNOTCHER—at kasama dito si Corona.

-----$$$--
SA mga opinyon, kapag umiral ang DUGONG ATENISTA ni PNoy—alam na ninyo kung sino-sino ang pipiliin.
Kapag umiral ang ilang kaibigan, maaring piliin naman ang mga taga-UP.
Kapag umiwas siya sa Ateneo at UP, alam na ninyo kung sino ang puwedeng SUWERTEHIN.
Pero kapag TINOTOO niya ang PIPILI siya ng BATAMBATA at hindi UUGOD-UGOD—alam na rin niya kung sino ang kanyang BEBENDISYUNAN.
Ibinigay natin yan mula sa kontribusyon ni Ka Popo, upang maging masigla ang pagsali ninyo sa mga BALIKTAKAN sa barberya, parlor at palengke.
Marami rin ang nag-text, huwag sanang maperder o ma-tiyope ang DESISYON—yung sanang DESERVING ang maitalaga ni PNoy.
Siyangapala, hindi po kasama si Manny Pacquiao sa PINAGPIPILIAN.
(BISTADO ni Ka Ambo column, Bulgar newspaper , June 15, 2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09173525272)

BALIMBING SA SENADO NAG-AAWAY




MAGKAKABALITAKTAKAN sa susunod na pagbubukas ng sesyon sa Senado.
Kasi’y inihain ni Sen. Edgardo  Angara at Sen. Jinggoy Estrada ang Anti-Turncoatism Bill na mas kilala bilang  ANTI-BALIMBING BILL.
Nais gawing ilegal o ipagbawal sa batas ang PAGPAPALIPAT-LIPAT ng partido na parang paru-paro na lumilipat-lipat kung saan may NAAMOY NA NEKTAR sa bulaklak ang mga kandidato.
Pero, nagbanta si Sen. Serge Osmena na kokontrahin niya ang panukala at handa siyang komprontahin si Angara.
Sa radyo at telebisyon, matindi namang idinepensa ni Angara ang kanyang panukalang batas na inaasahang sasanggahan ni Jinggoy.
Maaring isupalpal kay Angara ang sarili niyang RAKET na naglipat-lipat ng LOYALTY ng partido kaya’t naging senador.
Ang pinakamalaking kasalanan ni Angara ay ang pagsepsep kay Ate Glo kung saan itinimbog ang dating KAPARTIDO na si Pareng Erap sa pagsasabing “nag-PAHIWATIG NG RESIGNATION” ang mismong TATAY ni Jinggoy.
Ito mismo ang  ginamit  na “ebidensiya” ng Korte Suprema upang maging LEHITIMO ang pagbaba sa poder ni Erap at maging “lehitimong Pangulo” ang dating bise presidente na si Cong. GMA.
Wala kasi sa Konstitusyon ang “pahiwatig ng pagbibitiw”—bilang rekititos sa pagpapalit ng pangulo.
Kabilang lamang sa rekititos sa Konstitusyon bago maupo ang bise presidente—ay una, mamatay ang pangulo; ikalawa, maging paralisado; mahatulan sa impeachment; at mag-RESIGN nang aktuwal.
Tiyak namang ipagyayabang ni Osmena ang  pagiging PARTIDISTANG LIBERAL pero kokontrahin  niya ang panukala dahil sa PANINIWALANG  isa itong “KALOKOHAN”.
Hindi ito nalalayo sa termino ni Sen. Miriam na “KAGAGUHAN” ang paglalarawan naman  sa proseso sa katatapos na impeachment court.
Kung mainit ang balitaktakan sa nakaraang  impeachment, ipagdasal  nating WALANG MAGSUNTUKAN sa susunod na pagbubukas ng sesyon sa Senado.
(EDITORIAL corner  ni Ka Ambo, Bulgar newspaper , June 15, 2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09173525272)

Tuesday, June 12, 2012

PRO-BOXING:NOT A LEGITIMATE SPORTS



MARAMI ang natuwa sa ating ANALISA hinggil sa resulta ng laban nina Manny Pacquiao at Tim Bradley.
Yun kasing ibang MEDIA at KOMENTARISTA ay  iniwasang talalakayin o aktuwal na wala silang KARANASAN sa pusakal na SUGALAN.
Karaniwan kasing inakala nila na ang PROFESSIONAL BOXING—ay isang LEHITIMONG SPORTS.
Hindi po SPORTS ang professional boxing.
Ito po ang GAMBLING at ENTERTAINMENT, at siyempre, isa itong DAMBUHALANG NEGOSYO ng mga police characters.

-----$$$-
KAPAG tinignan natin sa ganyang pananaw ang professional boxing—gambling, entertainment at business—mas madali nating mauunawaan ang lahat.
Mas exciting ito at marami ang naadik.
Sa puntong iyan UMIINOG ang mga desisyon, opinyon at sitwasyon na inyong nasasaksihan sa professional boxing.
Sa totoo lang, sa maniwala kayo o sa hindi, KAKAUNTI lang ang pagkakaiba ng PROFESSIONAL BOXING at World Wrestling Federation (WWF).
Hindi pa kasi NABIBISTO ng mga AWTORIDAD na ang professional boxing ay PURE ENTERTAINMENT, PURE GAMBLING at PURE-BUSINESS.
Pero ang lahat ng nakikita ninyo ngayon—ay patungo o nakahapay sa naturang LINYA o sitwasyon.

-----$$$---
ALAM ba ninyo na kailan lang—WALA PANG 10 TAON,  kinikilala at pumopostura ang WWF bilang pro-sports , mas kilala ito noon bilang world professional wrestling ….ano ang nangyari?
Binago na po, ginawa nang World Wresstling Entertainment—kasi’y MAY HALONG PANLOLOKO ito.
Kunwari lang ang mga TITULO--at  inaayos ang mga “away-away” kuno sa “likod ng camera” o mga press releases.
Yung MEDIA PROPAGANDA ay masyadong GINARAPAL sa professional wrestling.
Ngayon—ay wala lang maituturing na PROFESSIONAL WRESTLING—lahat ay entertainment na lamang.
Sa ganyang sitwasyon patungo ang PROFESSIONAL BOXING.

------$$$-
KAPAG nabisto o nai-expose ang CONSPIRACY o kutsabahan ng PROMOTERS partikular ang mga BOKSINGERONG pinaglalaban—mula sa iisang KUWADRA tulad nina Pacquiao at Bradley---iyan mismo ang WAWASAK sa professional boxing.
Kasi’y mahahaluan ito ng PANLOLOKO sa taumbayan o mismo sa mga NATALO sa pustahan.
Sa totoo lang, maaaring MAGDEMANDA sa KORTE ang mga NATALO sa pustahan sa Pacquiao- Bradley bout—kasi’y malinaw na ang desisyon ng judges ay salungat sa COMPUTER at hatol ng mga BOXING EXPERT.
Si Arum ay pumalag, pero ito ay KUNWARI lang upang hindi maituro na siya ay MASTERMIND.

----$$$--
ANG ginawa ni Arum ay isang “pagtatakip” o “PAGKUKUBLI”  sa pag-usig ng batas sa US kaya’t nagpapanggap siyang siya ang COMPAINANT, pero sa aktuwal ay siya ang RESPONDENT.
Walang iniwan yan sa BATAS sa Pilipinas, kapag tumestigo yung mismong MASTERMIND—gagawing STATE WITNESS, pero ang ituturong utak ay yung “na-FRAMED UP” na Kanang-Kamay.
Kaawa-awa naman yung “KANANG-KAMAY”, siyempre, ise-setup ang mga ebidensiya laban sa kanya—at mahahatulan siya, pero LIGTAS ang MASTERMIND—na umakto at kinunsinte bilang “STATE WITNESS”.
Kumbaga, PERFECT CRIME.
Hindi nabibisto ang BOXING MAFIA sa Las Vegas, dahil hanggang ngayon ito ay isang PERFECT CRIME.
Yung mga nagrereklamo sa korte, yun mismo ang mga MASTERMIND
Tama o mali?
He, he, he.
(BISTADO NI KA AMBO column, Bulgar newspaper, June 13, 2012 issue, UNEDITED. CC. bistado.blogspot.com/ @bistadoniambo on twitter/ bistadokamao@yahoo.com/ 09173525272) 

Due process kay Bonifacio; due process kay Corona


IPINAGMALAKI ni PNoy sa Independence Day speech niya sa Malolos City ang ginawang paglilitis kay Chief Justice Renato Corona.
Hindi niya alam, hindi siya ang hahatol kung “tama o mali” ang ginawa nilang pagtanggal sa punong mahistrado, bagkus si Corona, ang 20 senador at si PNoy—ay hahatulan mismo ng KASAYSAYAN at mga kabataan sa mga susunod na henerasyon.
Sila ang magsasabi kung tumpak o hindi ang naging desisyon ng impeachment court at kung nabigyan ng DUE PROCESS ang hinatulan.
Sa ika-114 taon ng Independence Day, nagkaroon ng duplikasyon ang ginawang HATOL ng MILITARY JUNTA ni Gen. Emilio Aguinaldo kay Gat. Andres Bonifacio.
Sa mga militante, aping uri, hindi nakapag-aral; naniniwala silang si Bonifacio ay BIKTIMA ng pagiging haragan ng mga edukado at elitista ng grupong rebolusyunaryo.
Hinatulan si Bonifacio sa isang “HUKUMAN” na ang miyembro ay kaalyado ng SUPER-EHEKUTIBO na si Aguinaldo.
Sa simpleng pagbasa ng kasaysayan, hindi pa nagsisimula ang LIHIM na paglilitis kay Bonifacio, alam na agad natin ang magiging RESULTA—ipa-firing squad ito at papatayin, batay sa utos ng UNANG PANGULO NG REPUBLIKA.
Kung mali o tama ang utos  ni Aguinaldo at hatol ng JUNTA—bahala ang mga Pinoy sa kasalukuyang henerasyon ang magpasya: Nabigyan ba ng DUE PROCESS si Bonifacio?
Sagutin ninyo yan!!
Ang anumang hukuman na hindi GUMAGAMIT ng MATIBAY NA EBIDENSIYA—bilang batayan ng paghatol ay hindi isang LEHITIMONG KORTE sa isang demokratikong institusyon.
Ang isang HUKUMAN na hindi  gumagalang o hindi sinusunod ang tinatawag na “RULES OF COURT” o “RULES OF PROCEEDINGS”—ay hindi ito lehitimong hukuman sa isang sibilisadong bansa.
Pero, ang hatol ng junta at ni Aguinaldo—ay masasabing lehitimo.
Bakit?
Sapagkat, nasa ilalim ang ating lipunan noon ng isang REVOLUTIONARY GOVERNMENT.
Pero si Corona ay hinatulan hindi sa ilalim ng revolutionary government, bagkus ay sa isang normal na pamahalaang ginagabayan ng Saligang Batas na kumikilala dapat sa “rules of court” kung saan ang MATIBAY NA EBIDENSIYA lamang ang dapat batayan ng anumang paghatol.
Gayunman, sa panahon ng kapayapaan, may isang hukuman na maaaring humatol BATAY sa KAPRITSO ng MAKAPANGYARIHANG LIDER, pero ito ay nasasaksihan lamang sa mga kabundukan.
Ito ay ang KANGAROO COURT—ang rules of court dito, ay kung ano ang iutos ng mga MAY KONTROL NG ARMAS sa kagubatan.
Si Corona ba ay hinatulan ba batay sa ilalim ng revolutionary government, sa ilalim ba ng Saligang Batas o sa ilalim ng estilong Kangaroo Court?
Ang KASAYSAYAN lamang ang maaaring humatol dito, hindi ang kasalukuyang may kontrol ng poder—at may KONTROL NG MEDIA.
(EDITORIAL  NI KA AMBO , Bulgar newspaper, June 13, 2012 issue, UNEDITED. CC. bistado.blogspot.com/ @bistadoniambo on twitter/ bistadokamao@yahoo.com/ 09173525272) 

Friday, June 08, 2012

MINA SA MINDANAO


WALA pa ring patid ang debate kung dapat bang payagan ang pagmimina sa Mindanao.
Sa totoo lang, ang isyu dito ay hindi naman kung dapat o hindi, bagkus ay kung SINO-SINO o anong grupo ang pumipigil sa pag-unlad ng Mindanao.
Sa totoo lang, wala namang debate kung dapat magmina o hindi.
Ang debate ay kung LIGTAS ba o hindi ang isasagawang pagmimina.
Sa madaling salita, may sapat bang TEKNOLOHIYA o inhinyera o  kakayahan geolohiya ang mga GINAWARAN ng kontrata?
Yan ang punto-de-bista ng debate.
Kasi’y kung pipigilin mo ang PAGMIMINA, bale, pinigil mo ang KAUNLARAN ng Mindanao.
Kailan pa papakinabangan ang LIKAS NA YAMAN dito?

-----$$$--
NGAYON, naigawad na ng gobyerno ang kontrata sa Saggitarius Mines, Inc at kapartner nito ang eksperto sa world mining na  XSTRATA para sa $6 bilyong gold- copper mining sa Tampakan, South Cotabato.
Kailangang patunayan ng mga kritiko na walang kakayahan ang XSTRATA bago nila pigilin ang naturang pagmimina.
Kung may sapat na kakayahan ang mga PROMOTOR ng  proyekto at  mapangangalagaan ang paligid at mga residente sa negatibong epekto ng pagmimina, walang BATAS na makakapigil dito.
Ang dapat lang matiyak ay kung sumusunod ito sa itinatadhana ng batas at iba pang rekititos sa implementasyon nito.
Yun lang.

-----$$$---
IPINAGTANGGOL ni Pareng Erap ang pagkakapili kay Migz Zubiri sa senatorial lineup ng UNA.
Pero, kinokontra ito ni Sen. Koko Pimentel na nagbanta na  hindi siya aakyat sa entablado kapag kasama sa tiket si Zubiri.
Inakusahan kasi ni Atty. Koko si Migz na nandaya, pero hindi naman niya KINASUHAN.
Abogado pa naman siya, pero hindi niya alam ang kanyang IBINIBINTANG.
Kasi’y kung naniniwala siya na nandaya si Migz, aba’y idimenda niya.
Kapag abogado ka, hindi puwedeng NGAKNGAK lang ng ngakngak!!

----$$$---
KUNG inilalantad na ng grupo ni Pareng Erap at  Vice Binay ang kanilang tiket, sumali na rin si PNoy sa kanyang mga naunang binendisyunan.
Kabilang sa unang tinukoy na panlaban ng Liberal Party ay sina Risa Hontiveros- Baraquel; Butch Abad; Danilo Lim at Ruffy Biazon.
Si Hontiveros ay lider ng Akbayan na isa sa nasa likod ng pagpapatalsik kay CJ Renato Corona.
Si Abad naman ay siyang budget secretary na nagdedesisyon sa pork barrel.

----$$$--
SI  Lim ay deputy ng Bureau of Custom na pinamumunuan naman ni Commissioner  Ruffy Biazon.
Isang dating “rebeldeng sundalo” si Lim na hepe ng Scout Rangers samantalang dating kongresista at anak ni dating senador Pong Biazon si Ruffy.
Laman ngayon ng mga balita si  Biazon kasi’y sunod-sunod ang nahuhuling ismaglers at illegal brokers sa Aduana.
Pero, para kay Gov’t Watch Raul T. Concepcion, dapat ay manatili muna nang matagal si Biazon sa Customs bago kumandidato.
Para sa kanya, dapat munang   malinis nang todo ang Aduana at pataasin nang dire-diretso ang koleksiyon ng buwis bago maging senador si Biazon.
Huh, malaki ang tama ni Ka Raul dyan ah.
He, he, he.
(BISTADO NI KA AMBO column, Bulgar newspaper, June 09, 2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745 )

SCIENTIFIC PACQUIAO



TILA sinisilihan ang wetpu ng mga Pinoy ngayon hanggang bukas.
Inaantay kasi nila ang laban ni Manny Pacquiao kay Timothy Bradley.
Iba’t iba ang espekulasyon sa kabila  na liyamado ang Saranggani congressman nang 4-1 pustahan sa naturang laban.
Hanggang ngayon, mas gusto ng mga Pinoy na patulugin ni Pacman ang katunggali.
Tinatayang kokobra si Pacquiao ng mahigit ISANG BILYONG  PISO manalo man o matalo.
Iyan ay sa guaranteed prize, hindi kasama ang kaparte sa pay-per-view, endorsements at iba pang pautot sa komersiyo.
Tatabo naman ang bagugan na si Bradley ng $4 milyon—pinakadambuhalang kobransa sa kanyang boxing career.
Hindi pa man naglalaban ang dalawa, PAREHO na silang panalo.
Iyan po ang katotohanan sa likod ng professional boxing.
Iyan din po ang dahilan kung bakit hindi natin dapat HANAPIN o i-expect kay  Pacman na maging agresibo.
Kakambal kasi ng pagiging agresibo o pag-atake sa kalaban—ay pag-EXPOSE sa panganib na MASUNTOK sa mukha.
Hindi kailangan ni Pacman na PALIGAYAHIN ang 90 milyong Pinoy na manonood ng laban tulad sa pagkadismaya ng mga ito nang hindi MAPATULOG ng legendary hero ang MAPANGANIB na si Juan Manuel Marquez sa huling laban nito.
Ang mahalaga ay HINDI MASAKTAN si Pacquiao at mahalaga rin bilang isang KRISTIYANONG BANSA na hindi manganib ang buhay ng kanyang kalaban na si Bradley—at matapos ang laban kung saan ang MAGWAWAGI ay Pinoy.
Sa aktuwal, dapat nating asahan na magpapakita si Pacquiao ng isang scientific fight kung saan maididikit ang estilong ito kay Floyd  Mayweather Jr---antay-antay lang, at pakakawalan lang ang PAMATAY---kapag may oportunidad nang hindi mai-expose ang ulo at katawan.
Iyan ang scientific boxing na dapat matutuhan, hindi lang ng mga boksingero kundi maging ng mga MANONOOD sa professional boxing.
Ang DUGO sa ibabaw ng lona—ay para lamang sa mga nanatiling BARBARO ang isip at kaluluwa tulad sa panahon ng STONE AGE.\’
(EDITORIAL NI KA AMBO,  Bulgar newspaper, June 09, 2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745 )

SCIENTIFIC PACQUIAO



TILA sinisilihan ang wetpu ng mga Pinoy ngayon hanggang bukas.
Inaantay kasi nila ang laban ni Manny Pacquiao kay Timothy Bradley.
Iba’t iba ang espekulasyon sa kabila  na liyamado ang Saranggani congressman nang 4-1 pustahan sa naturang laban.
Hanggang ngayon, mas gusto ng mga Pinoy na patulugin ni Pacman ang katunggali.
Tinatayang kokobra si Pacquiao ng mahigit ISANG BILYONG  PISO manalo man o matalo.
Iyan ay sa guaranteed prize, hindi kasama ang kaparte sa pay-per-view, endorsements at iba pang pautot sa komersiyo.
Tatabo naman ang bagugan na si Bradley ng $4 milyon—pinakadambuhalang kobransa sa kanyang boxing career.
Hindi pa man naglalaban ang dalawa, PAREHO na silang panalo.
Iyan po ang katotohanan sa likod ng professional boxing.
Iyan din po ang dahilan kung bakit hindi natin dapat HANAPIN o i-expect kay  Pacman na maging agresibo.
Kakambal kasi ng pagiging agresibo o pag-atake sa kalaban—ay pag-EXPOSE sa panganib na MASUNTOK sa mukha.
Hindi kailangan ni Pacman na PALIGAYAHIN ang 90 milyong Pinoy na manonood ng laban tulad sa pagkadismaya ng mga ito nang hindi MAPATULOG ng legendary hero ang MAPANGANIB na si Juan Manuel Marquez sa huling laban nito.
Ang mahalaga ay HINDI MASAKTAN si Pacquiao at mahalaga rin bilang isang KRISTIYANONG BANSA na hindi manganib ang buhay ng kanyang kalaban na si Bradley—at matapos ang laban kung saan ang MAGWAWAGI ay Pinoy.
Sa aktuwal, dapat nating asahan na magpapakita si Pacquiao ng isang scientific fight kung saan maididikit ang estilong ito kay Floyd  Mayweather Jr---antay-antay lang, at pakakawalan lang ang PAMATAY---kapag may oportunidad nang hindi mai-expose ang ulo at katawan.
Iyan ang scientific boxing na dapat matutuhan, hindi lang ng mga boksingero kundi maging ng mga MANONOOD sa professional boxing.
Ang DUGO sa ibabaw ng lona—ay para lamang sa mga nanatiling BARBARO ang isip at kaluluwa tulad sa panahon ng STONE AGE.\’
(EDITORIAL NI KA AMBO,  Bulgar newspaper, June 09, 2012 issue. UNEDITED. CC: bistado.blogspot.com/ @bistadoniambo on twitter/ bistadokamao@yahoo.com/ 09297740745 )