Tuesday, January 31, 2006

Eh, VAT?

MISTULANG magsisimula na ang kuwaresma sa araw na ito sa pag-iral ng nirebisang 12 percent Value Added Tax (VAT) na maghuhudyat ng paglobo ng presyo ng mga pangunahing bilihin, bayad sa serbisyo tulad ng kuryente, tubig, pasahe at matrikula; at ang pagsasarado ng maraming g kumpanya.
Ang Revised EVAT (ayaw bansagang expanded EVAT dahil negatibo ang konotasyon kuno) ay magsisilbing pako sa kabaong na maghahatid sa huling hantungan sa matatagal nang nagdarahop at nagugutom na Pinoy.
Kung nakakaabsuwelto man ang ilang kumpanya na gumagapang sa paghihikahos, hindi na sila makakaligtas ngayon sa RVAT dahil walang duda magsasarado sila at mawawalan naman ng trabaho ang libo-libong obrero.
Mabubuhay at mananatili lang may trabaho ngayon kung hindi man biglang yayaman ay ang mga opisyal ng mga tax collecting agencies tulad tulad ng BIR dahil maaari silang alukin ng PADULAS upang magoyo ang gobyerno sa pinalobong buwis.
Sakaling magsarado ang maraming negosyo at tumumal ang transaksiyon sa merkado, hindi rin makakakolekta ng malaking buwis ang gobyerno na siyang magpapatunay na ang mga batas na nagpapairal ng karagdagang buwis sa mamamayan ay hindi MABISA at walang silbi bagkus magpapalala ito ng krisis sa ekonomiya.
Kumbaga, sa negosyanteng si Beho: “Di bale, balya, balya lang tubo, basta andal lang negosyo akyen”.
Kapag maliit lang ang buwis, darami ang negosyante na magpapasigla sa ekonomiya.
Alin ang mas epektib?
Maliit na buwis mula sa milyon milyong negosyante o isang MILYONG PISONG buwis mula sa kakarampot na negosyo?
He, he, he, simpleng matimatiks lang yannnn!
----30---

silent

DUMARAMI ang matatandang TAO ang nasasangkot sa kriminalidad sa Japan.
Ang kainaman ditto, hindi na sila TATANDA SA BILANGGUAN.
Matanda na kasi sila.

---$$--
HINDI naniniwala ang orihinal na misis ni Marine Captain Nicanor Faeldon na DYOWA ng kanyang ex-husband si Captain Candelaria Rivas.
Talagang BULAG ang pag-ibig.

----$$---
PATULOY ang pag-atake ng mga Iraqi rebels sa Baghdad.
Bilang na ang oras ng mga Kano sa Iraq.

----$$--
PERO sa pinakahuling balita, nagmamatigas pa rin si US Prez George Bush sa pananatili sa Iraq.
Tiyak na lalambot si Bush kapag nakarating sa kanya ang INTELLIGENCE REPORT na nakapasok na ang BIRD FLU sa Baghdad.
Walang duda, matulin pa sa Apollo 11 na LALAYAS ang US troops.
Ha! Ha! Ha!

----$$$---
INABSUWELTO ng Korte Suprema si dating NFA Administrator Jess Tanchanco sa kaso kaugnay ng Marcos wealth.
Iyan ay dahil sa PAGTRAYDOR sa kanyang dating amo matapos pumayag na maging TESTIGO laban sa mga ito.

---$$--
AYON kay dating Senate President Jovito Salonga: Kakambal ng Hello Garci issue at dayaan sa 2004 election ang paglustay sa P2 bilyong fertilizers scam.
He, he, he, may makinig naman kaya sa kanya?

---$$$--
PAYAG na raw ang Malacanang na
.3 ituloy ang 2007 election.
Kunwari.

----$$--
BINUHAY ang grupong SILENT MAJORITY.
Hindi na sila ngayon SILENT.

----30—

Monday, January 30, 2006

Five dollars lang

NAKAKATUWA ang desisyon ng Manila International Airport Authority (MIAA) na i-exempt ang Overseas Filipino Workers (OFWs) sa pagbabayag ng $5 security fee na gagamitin upang mapagbuti ang seguridad sa Ninoy Aquino International Airport (NAIA).
Nakapagpasok ng tinatayang $20 bilyong remittances ang OFWs kaya’t Dapat lamang silang maingatan sa pagbibiyahe sa iba’t ibang panig ng bansa dahil kung hindi mapagbubuti ang kanilang seguridad maraming Pinoy ang matatakot na bumihaye at magtrabaho sa ibang bansa.
Ayon kay MIAA General Manager Alfonso Cusi, bukod sa $5 security fee, exempted din sa terminal fee at travel tax ang OFWs na siyang sumagip sa pagkabangkarote n gating ekonomiya sa nagdaang taon kung saan nagging aktibo ang destabilisasyon.
Nakapagtatakang kinokontra ng Airline Operators Council (AOC) ang naturang $5 security fee gayung gagamitin ito upang mailigtas sa atake ng terorista ang mga pasaherong Pinoy na karaniwang ditto ay mga OFWs nagpaparoon at parito sa iba’t ibang bansa.
Nilinaw ng International Air Transportation Asssociation (IATA) na ipinatupad ang security fee mula nang maganap ang kalagim-lagim na 9/11 terrorist attack sa New York kaya’t ipinaiiral din ito sa United States, Hong Kong at Singapore.
Dahil sa pagkontra ng AOC na mapagbuti ang seguridad sa airport, hindi malayong masisi sila ng taumbayan sakaling umatake ang mga terorista sa mga alanganing panahon.
Ang prebensiyon o pagiging alerto sa bawat oras at araw ay siyang pinakamabisang pangkontra sa lahat ng klase ng terorismo.
Kailangan pa bang umatake ang mga hijackers, bago tayo kumilos laban sa terorismo?
At kailangan nating protektahan ang milyon-milyong OFWs na pundasyon ngayon ng ekonomiya n gating bansa.
----30---

Pordarecord

GUSTONG buhayin ng CBCP ang “Hello Garci” issue.
Gusto talaga nila ng BASAG-ULO.

----$$$--
NILUSTAY dawn g mga Kano sa isang CASINO sa Maynila ang milyong dolyar na RECONSTRUCTION FUND sa Iraq.
Ngekkkk, damay pa rin ang RP sa corruption sa Baghdad.
Sino kayang KOLOKOY ang nagturo ng sugal sa mga damuho?

----$$$---
NAGSUPILYO nang SABAY-SABAY ang 10,800 estudyante upang maitala sa Guinness book of world records.
Hindi kaya may isa pang record na naitala?Pinakamaraming TOOTHPASTE na nagamit sa pagsesepilyo sa isang araw.
Sumali rin kasi pati mga BUNGAL.

-----$$$---
TULOY pa rin ang laban ni Marine Captain Nicanor Faeldon kahit muli nasakote.
Tingnan natin kung MAKAKATAKAS uli siya.

----$$$---
PAPALITAN daw ni ex-Gambling lord Edward Hagedorn ang JUETENG ng bagong ESTILO.
Baka aktuwal niyang gagawing GAMBLING LORD ang mga mayor at hepe ng pulis.
Diyan na DADANAK ang dugo—dahil sa PARTIHAN.

----$$$---
NAGDIWANG ang Liberal Party sa kanilang anibersaryo.
Ginunita nila ang kanilang PAGKAKAWATAK-WATAK.

-----$$$---
PINANINIWALAANG magiging BILYONARYO sa taong ito si Manny Pacquiao.
Mas mayaman pa siya kaysa kay Ate Glo at iba pang politiko.
Paano siya ngayon MADIDIKTAHAN ng mga pulubi?

----$$--
SA totoo lang, Dapat na palayain natin si Pacquiao upang maging NORMAL NA TAO.
Bayaan natin siyang mag-ENJOY sa kanyang pamilya.
Maawa na kayo sa KAMPEON, binigyan kayo ng karangalan, GINUGULO pa ninyo.
Pweeeee!

----$$$---
PERO Dapat sanang tulungan ni Pacman si ex-two time world champion Luisito Espinosa.
Iyan ang PINAKADAKILA niyang magagawa.
At huwag na niyang IPAALAM SA MEDIA.
Lalo natin siyang hahangaan kapag nagawa niya yan.

----30—

Sunday, January 29, 2006

Dugo ng obrero

DESIDIDO ang GSIS na idiskaril ang pagtatangka ni Henry Sy gamit ang Banco de Oro na pakyawin o bilhin sa murang halaga ang bawat sosyo sa Equitable PCIBank kaya’t kailangang makipagtulungan ang SSS upang mailigtas ang kabuuang 41 porsiyentong capital na nagmula sa 26 milyong miyembro ng dalawang pension fund ng mga obrero.
Nakikiusap si GSIS President at General Manager Winston Garcia kay SSS President Corazon dela Paz na magtulungan sila upang mapangalagaan ang interest ng milyon-milyong miyembro sa pagtatangka ng Banco de Oro na bilhin sa bagsak-presyong P56 kada share ang sosyo ng GSIS at SSS sa Equitable PCIBank imbes sa P92 kada share na inaalok ng ibang pribadong kompanya.
Ito na ang ikalawang pagtatangka ng Pamilya ni Sy na bilhin sa murang halaga ang sosyo ng SSS na unang inalok sa napakababang P43.50 kada share pero ibinuko ng Association of Retired Persons (ARP) noong 2003 matapos pumirha sa commitment to sell si De la Paz kung saan maaaring malugi ang mga SSS members ng may P6 bilyon.
Bukod sa ARP, tinututulan ang hindi makatarungang alok na ito ng Banco de Oro ng Philippine Government Employees Associations (PGEA); Association of Concerned Employees for Better SSS (ACESS) dahil sa halos dugo at pawis ng milyon-milyong obrero ang madarambong sa kaduda-dudang transaksiyong ito.
Sana’y mamulat at magkaisa ang mga nangangasiwa sa GSIS at SSS sa pagkontra sa kakaibang maniobrang ito ng BDO upang masagip sa pagkatunaw ang premiums na ibinayad ng mga miyembro na siyang aktuwal na puhunan ng Equitable PCIBank.
Maawa naman kayo sa mga manggagawang Pinoy!
----30---

5-5-5-5-5-5

NAGSIMULA na ang Year of the Dog kahapon.
Kaya pala nagsasaya ang mga TUTA.

----$$--
MAGIGING kauna-unahang BILYONARYONG ATLETA sa buong Asia si Manny Pacquiao.
Ingat siya sa mga KIDNAPER.

-----$$--
ALAM ba ninyo kung bakit NAKORNER si Marine Captain Nicanor Faeldon.
Dahil lumabas siya sa LUNGGO para lang MAKITA si Pacman.

---$$$---
MAY operation 5-5-5-5-5 ang mga Taipans.
Magi-invest dawn g $5 billion upang maka-attact ng 5 million tourist, makalikom ng $5 billion buwis at 5 million jobs sa loob ng 5 years.
At gagawin ito ng 5 dummies?

------$$$---
SUSUKO na raw si Joc JocBolante na isinasabit sa P 2 billion fertilizers scam.
Kailangan ng 33-anyos na OFWs ang P18 milyong BLOOD MONEY upang hindi siya MABITAY sa Kuwaiti matapos tepokin ang kanyang employer.
Pagkakataon na ni PACMAN na maging PILANTROPO at tunay na TAGAPAGLIGTAS ng buhay.
Oh, laban ka ba, Pacman?

----$$$--
NAGBABALA si US Prez George Bush sa Iran na guguluhin ito kapag ituloy ang NUCLEAR PROGRAMS.
He, he, he, may NATATAKOT pa ba kay Bush?
Ha! Ha! Ha!

-----$$$--
MAHIGIT $ 3 TRILLION ang naubos na ng US sa pagkubkob sa Iraq.
Kapag nilusob nito ang katabing IRAN, walang duda na MAMUMULUBI sila.
Walang silang iniwan sa isang MATON sa Tondo na ubod nang tapang pero WALANG MAKAIN at nangingikil na lamang.

----$$$--
ITINANGGI ni CAPT. Faeldon na DYOWA niya ang kasamang si Capt. Candy Rivas.
He, he, he, umiinit ang isyu.
Naging ala-SHOWBIZ pa.

---30--

Saturday, January 28, 2006

Pinakamabahong isyu

NAHAHARAP sa isang krisis ang bansa partikular ang malalaking siyudad na walang mapagtatapunan ng basura.
Awtomatikong isasarado na sa Pebrero 16 ang mga open solid waste dumpsite sa buong bansa bilang pag-alinsuod sa Republic Act 9003 o ang tinatawag na Ecological Solid Waste Management Act of 2000.
Nagbanta ang National Solid Waste Commission na idedemanda nila ang lahat ng local government units na hindi susunod sa naturang batas dahil natuklasan pinagmumulan ng lason ang katas ng mga basura na simpleng itinatapon o tinatabunan lamang ng lupa.
Pinakamalaking dumpsite dito ay ang Rodriguez (Montalban) landfill sa lalawigan ng Rizal na pinagtatambakan ng 5,000 toneladang basura araw-araw.
Kumakatas dito ang mistulang ilog na kasinlaki ng 28 Olympic-sized swimming pool na inaagusan ng likido ng nakamamatay na kemikal mula sa nabubulok na basura kung saan maaring mahigop ng tubig na iniinom ng mga mamamayan sa Kamaynilaan.
Sa nakatakdang pagsasarado naman ng Rodriguez landfill, walang duda na biglang babaho ang Kamaynilaan partikular ang mga lungsod at bayan na walang naipagawang sanitary o closed o controlled dumpsite kung saan ipinproseso o inihihiwalay ang mga nabubulok at hindi nabubulok na mga basura.
Sa ngayon, iilan lamang ang bayan at siyudad ang umalinsunod sa RA 9003.
Iyan ang malaking problema—kung hindi matepok ang Pinoy sa lason mula sa basura, makukunsume hanggang atakehin naman tayo sa puso dahil MABAHONG BASURA sa gitna ng lansangan.
Iyan ang PINAKAMABAHONG isyu ngayon, Tsong!
----30--

$130,000 niraket sa boxer

NASAKOTE na si Marine Captain Nicanor Faeldon.
Pwede na siya uling magpa-VIDEO sa loob ng Camp Aguinaldo.
----$$$--
NAGSANIB na raw ang puwersa ng LEFT at RIGHT para pabagsakin si Ate Glo.
Eh, makakaandar ba yan nang WALA ang CENTER?
Tsk, tsk, tsk.
----$$---
NAGWAGI sa eleksiyon ang mayorya ng TERRORIST GROUP sa Palestine.
Namutla bigla si US prez George Bush.
----$$$---
TUMATAAS na naman ang presyo ng PETROLYO.
Nanangkupoooo!
---$$$---
KAPOS pa rin sa TARGET collection ang BIR at Bureau of Customs kahit may EVAT.
Oh, akala ko ba ang sinisibak ang mga may MAHINANG KOLEKSIYON?
----$$$--
IDARAOS sa Maynila ang susunod na laban ni Manny Pacquiao.
Huhhhh, huwag sanang MA-RAKET si Pacman ng kapwa PINOY.
----$$--
ANO naman kaya ang masasabi ng mga politiko hinggil sa PANLOLOKO ng mga Pinoy promoters kay two-time World Champion Luisito Espinosa.
Diyan ninyo ipakita ang iyong PAGTULONG sa KAMPEON.
---$$--
SA totoo lang, dapat ay mismong si Pacquiao ang makiusap kay Ate Glo na tulungan si Espinosa sa $130,000 na NASUBA sa kanya ng mga Pinoy promoters.
Ganyan KAWALANG-HIYA ang mga sindikato sa boxing.
------$$$--
WALANG bisa ang PAGSEPSEP ng mga politiko kay Pacman nang hindi tinutulungan si King Louie.
Ganyan din kawalang KUWENTA ang media.
Hindi nila tinutulungan si Espinosa—kasi'y walang siyang DATUNG.
Si Pacman na lang ang kanyang PAG-ASA.
----$$$--
WALA pa ring malinaw na AKSIYON at PROGRAMA ang gobyerno laban sa BIRD FLU.
At saka sila MAG-AAPURA kapag bumubulagta na ang mga BIKTIMA.
----30---

Monday, January 23, 2006

Korapt

SA kalagitnaan ng karangalan na ibinigay sa Pilipinas ni legendary boxing hero Manny Pacquiao, patuloy namang ang kahiya-hiya na pangungurakot ng ilang opisyal ng gobyerno.
Kumbaga, buhay ang ibinubuwis ni Pacman upang sagipin ang bansa sa kahihiyan at pagdarahop, pero palihim na hinuhuthutan ng mga mandarambong sa gobyerno ang taumbayan.
Matatandang binalasa at sinibak ng Malacanang ang puno ng National Printing Office (NPO) para masugpo ang katiwalian at mailigtas ang kaban ng bayan pero higit na malala pa ngayon ang nagaganap ditto.
Dapat ay imbestigahan ng Ombudsman ang alegasyon na patuloy ang mga kaduda-dudang transaksiyon sa naturang ahensiya na may kaugnayan sa overpricing sa supply ng papel at “SOP” mula sa private printers at iba pang transaksiyon.
Nakakalungkot isipin na nadadamay ditto ang pangalan ni Ate Glo dahil ikinakatwiran ditto na kailangan nilang mabawi ang nagastos sa mga ipinamigay na “GMA Calendars”.
Sa totoo lang, ang NPO ay isa lamang sa mga ahensiya ng gobyerno na sumisira sa reputasyon ni Ate Glo kundi marami pang sangay ng pamahalaan.
At sa pagpasok ng Year of the Dog, dapat suriing mabuti ni Ate Glo kung sino ang tunay na MATAPAT niyang tagasunod na hindi magwawasak ng kanyang magandang naipundar sa pamahalaan.
Ang malawakang pagbalasa sa gobyerno ay isang PERPEKTONG REGALO ni Ate Glo kay Pacman na halos magbuwis ng buhay upang maiangat ang imahe ng Inang Bayan sa mapa ng daigdig.
---30---

Babaliktad din

DAPAT ngayon pa lamang ay ilatag na ang PREPARASYON sa pagbabalik sa Maynila ni Manny Pacquiao.
Ipadama natin kung gaano natin siya INIIDOLO.

---$$$---
OTSENTA porsiyento ng oras sa RADYO at espasyo sa DIYARYO ay nakopo ng PACQUIAO CRAZE.
Sino ang maysabing puro BADNEWS ang inaabangan ng media?

----$$$--
NAGBANTA ang YOUng rebels na unang ia-ASSASSINATE si DENR Sec. Mike Defensor.
Biglang NABUSALAN ang kanyang bibig.

----$$--
IYAN ang problema sa mga NAKAKORNER ng poder.
Masyadong yumayabang.
At napapahamak ang SARILI.

-----$$$--
TALAMAK ang corruption sa National Printing Office (NPO).
Tsk, tsk, tsk, dapat itong imbestigahan ng Ombudsman.

-----$$--
PINALITAN ang hepe ng NPO dahil sa alingasngas.
Pero, lalo pang nagging GARAPAL ang mga kabulastugan.
Pweeee!

---$$$---
TINIYAK ng AFP generals ang LOYALTY kay GMA.
Iyan din mismo ang ginawang pagtiyak ni ex-AFP Chief Angelo Reyes kay Pareng Erap bago BUMALIKTAD.

-----$$--
ISA pang Pinoy na miyembro ng US troops ang natepok sa Iraq.
Nakakapanghinayang ang TAPANG ng Pinoy.
Ibinubuwis ang buhay para sa mga TRAYDOR na Kano.

------$$$---
ISANG mag-asawang Mexicans ang nawalan ng bagahe kasama ang mga PASAPORTE at dokumento sa MGM Grand Hotel sa Las Vegas, Nevada, USA kasabay ng laban ni Manny Pacquiao.
At napulot ito ni KARATE-patron CHITO MACAPAGAL ng Unilever.
Siyempre, ISINOLI ni Pareng Chito.
Hindi lang si Pacman ang hinahangaan ngayon ng mga Mexican—kundi pati na rin si PARENG CHITO M.
Heyy, pasalubong ko, hahh?
Biro lang po, pero puwedeng totohanin.

--------30—

Sunday, January 22, 2006

Super-Hero

BUKAMBIBIG ng Pinoy ngayon ang pangalang MANNY PACQUIAO!
Higit na malaki ang pangalang ito kaysa sa aktuwal na pagkatao ng boksingero.
Itinuturing ngayon si Pacquiao na Little Muhammad Ali ng international boxing.
Sa paglamukot ni Pacquiao kina Marco Antonio Barrera at Erik Morales, walang hihigit sa kanyang popularidad kahit pa sina Felix Trinidad, Bernard Hopkins at Oscar “Golden Boy” dela Hoya.
Kahit naman sa heavyweight boxing division ay walang maaaaring makaporma ngayon kay Pacman—siya ngayon ang pinag-uusapan sa buong daigdig.
Sa gitna ng mga publisidad na ito, nananatiling mapagpakumbaba si Pacquiao at ipinagdidiinan niya ang pangalan ng kanyang INANG BAYAN—Pilipinas.
Isa siyang tunay na bayani n gating henerasyon.
Dapat siyang gawaran ng pinakamataas na medalyon na ibinibigay hindi lamang sa isang sibilyan kundi maging sa mga sundalo.
Ang tapang na kanyang ipinakita sa pakikipagpalitan ng nakamamatay na suntok sa “bayani ng Mexico”—ay sobra-sobra nang kuwalipikasyon ng isang tunay na bayani ng bansa.
Hindi na natin dapat pang hintayin na mabalda o mamatay si Pacquiao, bago natin siya bigyan ng PARANGAL.
Ihanda natin an gating bansa at ang 86 milyong Pinoy sa isang magarbo at makasaysayang pagsalubong sa kanyang pagbabalik.
Manny, MABUHAY KA, ikaw ay aming tunay na bayani—MakaDiyos, Makabayan, Makatao!
----30----

Luha kay Pacman

YUMAO ang aking ama noong 1994 pero hindi ako naiyak.
Binawian ang buhay ang aking ina last year pero hindi ako naluha.
Nang mapabagsak at manalo si Manny Pacquiao kahapon kontra kay Erik Morales, hindi ko napigil ang pagdalisdis ng aking luha.
Mabuhay ka Pacman!

----$$-
MAY ikinakalat na text messages kahapon pero hindi ko maintindihan.
Ang panalo daw ni Pacquiao ay daw panalo ni GMA.
Dapat daw ipagdasal na matalo si Pacman.
Hindi nauubos ang mga MAKAPILI.

----$$$---
KITANG-KITA kung gaano KALAKAS ang kaliwang kamay ni Pacman.
Kamuntik nang MAPIGTAS ang ulo ni Morales.
Gumugulong ito kasunod ang KATAWAN.
Buti na lang, napulot uli ng referee ang kanyang ulo.

----$$$--
WALANG duda, nalampasan na ni Pacquiao ang KADAKILAAN ni Gabriel “Flash” Elorde.
Sasakyan na naman ng mga politico ang kanyang popularidad.

----$$$---
DAPAT ay ideklarang SPECIAL PUBLIC HOLIDAY ni Ate Glo ang araw ng pagbabalik ni Pacman sa Maynila.
Siya ang tunay na BUHAY NA BAYANI.

-----$$-
SAYANG kung buhay si Da King, maaaring maluha rin siya.
Kasi’y NAAGAW na rin ni Pacman ang popularidad ni FPJ.

----$$$--
DAPAT ay alagaang mabuti ni Ate Glo sa Pacquiao.
Kasi’y baka KUMANDIDATO ito bilang presidente sa SNAP election.

-----$$--
NATIGIL sa pagtatrabaho ang mga Pinoy kahapon.
I-tsek ninyong mabuti—baka NAKATAKAS na ang lahat ng Oakwood Mutineers.

----$$$---
TATABO si Pacquaio ng pinakamababang $ 4 milyong kasama ang premyo, porsiyente sa TV rights at endorsements.
Siya ang tunay na BILYONARYO.

-----$$$--
SA nakatakdang REMATCH ni Pacman kay Marco Antonio Barrera, pinakamahinang $5 million ang masasakote niya.
Puwede na niyang BILHIN ang buong Las Vegas.
-----30---

Saturday, January 21, 2006

Duwag ang Kano

TUMATAAS naman ang presyo ng produktong petrolyo sa world market dahil sa pagiging hambog at paghahari-harian ng Kano.
Nakapagtatakang patuloy na nagpapatuta ang maraming bansa sa United States gayong kitang-kita ang pagiging duwag ng mga ito sa aktuwal na digmaan.
May nabalitaan nab a kayong US troop na umaktong SUICIDE BOMBER tulad ng kalaban nilang muhahidden o Islam extremist?
Wala.
Imbes na ihandog ang buhay ng mga sundalong Kano alang-alang sa ipinakikipaglaban ng kanilang bansa, hindi mabilang ang nagsu-SUICIDE sa loob ng mga US military base dahil sa takot sa kalaban at dahil na rin hindi MAKONSENSIYA ng mga ito na magpagamit sa isang LIHIS na ideolohiya.
Nakakahiya ang pinaggagawa ni US President George Bush dahil isinusumpa ngayon ng maraming bansa ang mga Kano dahil sa patuloy na pananakop sa mga bansang mayaman sa langis.
Matapos kubkubin ang Afghanistan at Iraq, pinaplano naman ngayon ng mga mananakop na Kano na pasukin ang Iran—isa sa pinakamayamang oil supplier sa buong mundo.
Masyadong ipinananakot ng US ang kanilang ultra-moderno war armaments pero paano nila gagamitin ito kung pawing duwag ang kanilang sundalo?
Panahon na upang kalagin ng mga Pinoy ang kadena na iginapos ng mga Kano.
Sa pagtanggi ng US na isurender ang 4 US Marines na nanggahasa sa isang Pinay, wala nang katwiran pa para magpa-TUTA ang mga Pinoy.
Kung hindi tayo papalag ngayon, kalian pa?
----30—

Upper cut ang regalo

UNDECLARED Holiday ngayon.
Tigil ang IKOT NG MUNDO sa buong Pilipinas.
Laban ni Manny Pacquiao kontra kay Erik Morales.

----$$$--
AKTUWAL na buhay na bayani si Pacman—matalo man o manalo.
Dapat siyang bigyan ng HIGIT sa Hero’s Welcome.
Dapat ay lumuhod sa kanyang PAANAN ang kanyang mga kababayan.

----$$$--
WALANG duda na nasapawan ni Pacman ang kasikatan ni Gabriel “Flash” Elorde.
Sa lahat aspekto ng boksing—tapang, lakas , popularidad at KUWARTA.

----$$--
HINDI lang bayani ng Pinoy si Pacman kundi maging ng buong Kontinente ng ASIA.
Maging ang mga Thai, Japanese. Koreans,. Chinese, Indonesians, Arabs, Muslims, Malaysians ay PINAPANGINOON ang tubong General Santos City.

-----$$$--
MANALO o matalo, dapat ay simulan na ang PAGPAPATAYO ng MONUMENTO ni Pacman.
Bahagi na siya mismo ng KASAYSAYAN ng ating bansa.

-----$$--
TIYAK na maraming politico ang makikisakay sa popularidad ni Pacquiao.
Masagip kaya niya sa PAGDUROG ang Republika ng Pilipinas?

-----$$--
PAG-UWI ni Pacman, dapat niyang bigyan ng PASALUBONG ang mga politikong pulpol na nag-aaway-away.
Regaluhan sana niya ang mga ito ng TIG-IISANG UPPER CUT.

-----$$--
SA gitna ng kasikatan ni Pacman, dapat naming ipakita ng mga SUNDALO ang kanilang kabayanihan.
Dapat na silang KUMILOS kung paano mababago ang lipunan.

----$$$--
NAGPA-PANIC na raw ang Malacanang sa KUDETA.
Hindi kaya napupuno ng tao ang ILALIM NG KAMA?

----$$$--
LUMOLOBO naman ang OIL PRICE dahil sa banta ng US na gigiyerahin din ang IRAN.
Tsk, tsk, tsk, talagang NAGSISIGA-SIGAAN ang mga DUWAG NA KANO.

------30---

Thursday, January 19, 2006

GMA tetepokin

UMABOT na sa limang Oakwood Mutineers ang nakatakas kabilang ang dalawang army captain at tatlong tenyente na pawing graduate sa Philippine Military Acadamy ang opisyal na eksperto sa special action.
Kasabay nito, kinumpirma ng Malacanang na may aktuwal nab anta sa buhay ni Ate Glo kaya’t kinansela ang isang biyahe sa Bikol.
Kung iniisnan ni Ate Glo ang banta ng destabilisasyon o panggugulo ng oposisyon sa nagdaang mga buwan, mahirap niyang balewalain ang banta sa kanyang buhay lalo pa’t napurnada ang bigong “rebolusyon” nang bumaliktad ang Hyaty 10.
Sa prinsipyo ng diplomasya at sistematikong paraan, mistulang nagawa na ng mga kritiko ni Ate Glo ang mga payapa at maayos na pamamaraan tulad ng impeachment at street protest pero pawing nasusupalpal ito—kaya’t tama ang payo ng kanyang mga advisers na doblehin ang pag-iingat.
Sa ngayon, mayorya ng mga mambabatas ay hinihinalang kapanalig ni Ate Glo at ang Korte Suprema ay hindi gaanong nabago sa pakikipagsimpatiya sa Malacanang, sa ganyang pananaw—hindi malayong may totoong banta sa buhay ng Pangulo.
Hindi ito biro!
Huwag sana siyang matulad sa paborito ng masa na si dating Pangulong Ramon Magsaysay—biglang natepok sa simpleng pagbiyahe.
Tulungan natin siyang magdasal!
----30---

Bibili ng helikopter

KUMPIRMADO nang nakatakas ang 4 Oakwood Mutineers.
Ekkk, ekkkk, ekkkkkkk!

----$$--
NAGMAMATIGAS pa rin si NavyLtsg Antonio Trillanes kontra kay Ate Glo.
Baka hindi pa siya nakakatikim ng “TUBIG”.

-----$$$--
HINDI nauubusan ng problema si Ate Glo.
He, he, he, sintomas ito na BUHAY-NA-BUHAY siya.

----$$$--
DAHIL ayaw isurender ng US ang 4 US Marines na suspect sa panggagahasa, ibabasura na ng Kongreso ang Visiting Forces Agreement (VFA).
Ito isasagawa agad ito ng mga “UTO-UTO”.

-----$$$---
MAY banta na ngayon sa buhay ni Ate Glo.
Humm, hindi MALAYO yan.
May TAMA sila dyan.

----$$$--
IBINASURA ng Korte Suprema ang petisyon kontra sa konstruksiyon ng North Rail Transit sa Bulacan.
Tuloy ang LIGAYA ng mga mangungurakot.

---$$$--
ALAM ba ninyong sangkatutak na ang namamatay na bata, matanda at ordinaryong ex-squatters sa relocation site sa Sitio Galas, Santol, Balagtas, Bulacan.
Walang tubig, walang kuryente, walang eskuwelahan at walang pagkain ang mga taon doon.
Noong Pasko at Bagong Taon, wala silang elektrisidad.
Ang kapal ng mukha ni Vice Noli na nangako na bibigyan sila ng mahahalagang PASILIDAD.
Pukawnamooooooo!

----$$$--
SA ngayon, hindi lang ang relocation site ang may problema sa North Rail transit area kundi maging ang mga PAMILYA na hindi naman binigyan ng RIGHT WAY dahil binakuran na ang PNR vicinity.
Sabi raw ng mga engineers na nagbabakod sa mga taong walang madaanan: BUMILI KAYO NG HELIKOPTER!
Mga gahamannn,sakiimmm, buwayaaaaa!

----30---

Monday, January 16, 2006

Putok-butse

NAGPUPUTOK ang butse ni Sen. Joker Arroyo at iba pang senador kasi’y parang balewala sila kung pag-usapan ang pagbabago sa Konstitusyon.
Gustong palabasin nina FRV, Speaker Jose de Venecia at Ate Glo na mababago nila ang istruktura ng gobyerno kahit tumutol ang buong Senado.
Kasama sa plano ng TROIKA ang pagkumbinse sa mayorya ng mga senador sa susunod na linggo at buo ang kanilang loob na sa bandang huli ay "bibigay" din ang Senado.
Bakit kaya?
Ibig sabihin ay alam-na-alam ng Malacanang ang "kiliti" ng mga senador?
Pork barrel kaya o diretsong payola ang iaalok sa mga senador.
Maaari ring puwesto sa gabinete o kaya’y ay oportunidad sa negosyo.
Nakapagtataka kasing hindi kinukonsulta ang mga senador kundi ang nag-uusap lamang ay ang majority party na Lakas- CMD.
Kakaiba ang diskarteng ito!
Mahirap itong basahin.
Maaari ring nang-aagaw lamang sila ng atensiyon ng publiko upang mailayo ang isyu sa hindi matapos-tapos na intriga sa akusasyong nagkaroon ng dayaan sa 2004 election.
Ano sa palagay ninyo?
----30--

RIZAL SUMUKO

SUMUKO na ang pulis na si Rizal Alih na pumatay sa isang HENERAL.
Ma-FIRING SQUAD kaya si Rizal sa Luneta?
----$$$--
DEDBOL ang 16 katao sa PAGODA tragedy sa Leyte.
Suma-LANGIT nawa ang kanilang kaluluwa.
---$$--
ISINUMITE muli ni Atty. Oliver Lozano ang impeachment complaint sa Kongreso kontra kay Ate Glo.
Magkano po?
Ang filing fee?
---$$$--
PINABABAGO ng Lakas-CMD ang Konstitusyon.
He,he, he, sila ang mga LAKAS-TAMA.
-----$$$---
NAPALAYA ng NPA ang siyam nilang KASAMAHAN sa Batangas provincial jail.
Natatameme si PNP Chief Arturo Lomibao.
----$$$---
GALIT-NA-GALIT si Sen. Joker Arroyo sa mga promotor ng CHA-CHA.
Ayaw na niyang MAGSUKLAY.
-----$$$---
SUMUKO na si FVR kay Ate Glo.
Alam siguro niya na tulad ng mga LOLO at LOLA—wala na silang SILBI sa mundo?
Kukurukukuuuuu.IT’S HURT, IT’S HURT.
----$$--
MALABONG mapagtibay ang P1 trilyong budget sa 2006.
Nanangkupooooo!
----$$$---
ISA pang estudyante ang NAPATAY sa hazing sa UPLB.
Tsk, tsk, tsk, sayang na KALULUWA.
----$$$---
LIBO-LIBONG migratory birds ang naisapatan sa Candaba, Pampanga.
Ipagdasal nating wala silang dalang BIRD FLU VIRUS.
---$$$---
NASABAT ng NBI ang may 7,000 pirasong PEKENG UNDERWEAR sa Pasay at Paranaque City.
Hindi po totoo na KINUMPISKA ang mga underwear HABANG SUOT ng mga kustomer.
-----$$$--
MAGSISILBING ambassador daw sa United States si DILG Sec. Angelo Reyes.
Huhh, mistulang IPINATAPON din siya ala-MJ.
---30---

Saturday, January 14, 2006

biyernes trese (15jan06,bulgar)

14jan06,2:15pm


BIYERNES TRESE kahapon. Maselan ang Biyernes Trese lalo pa’t ito ay nasa taong 2006. Pero ang epekto nito ay minus 7 days at plus seven days. Ibig sabihinm kailangang obserbahan ang Enero 6 hanggang Enero 20—at hindi lamang sa Pilipinas kundi maging sa buong daigdig. Sa panahong ito, nagdeklara ng Iran ng paghamon sa US at mga world powers na itutuloy nila ang operation ng Nuclear Plant sa pagsasabing walang ibang nasyon na maaring magdikta sadireksiyon ng kanilang bansa. Ganyan din mismo ang postura ng North Korea. Ngayon, Enero 14, nagdeklara rin ang Ukraine na bubuhayin din nila ang paggawa ng Nuclear fuel o enrinchment ng uranium na sangkap sa paggawa ng nuclear bomb. Sa panahon ding ito, umamin ang Turkey na hindi nila mapigil ang bird flu at dalawang tao na ang namatay sa kanilang bansa. Sa Pilipinas, nilinaw ni FVR na mananatili ang ultimatum niya kay GMA at nagdeklara si Vice Kabayan na hindi siya madidiktahan ng ABS-CBN at Malacanang. Ang lahat—ng ito ay maaring magbunga ng maselang sitwasyon sa mga susunod na araw at maging sa susunod na taon at habang panahon. Mag-antay pa tayo ng ilang magaganap hanggang Enero 20.

Giyera sa Pinas (15jan06,BULGAR)

AKO ang Hari ng Sarili Ko.
Iyan ang pagdidiin ni Vice Noli kaugnay ng isyu na sinibak ng ABS-CBN ang kanyang programang “Magandang Gabi, Bayan” at patutsada na diniktahan siya ni Ate Glo na lumayas na sa naturang television network.
Bagaman ang isyu ay nakasentro kay Kabayan, pero ang tunay na pokus ng usapan ay nasa maselang sitwasyon ni Ate Glo.
Ibig sabihin, si Vice Noli ay biktima lamang ng mga sitwasyon.
Kumbaga, maiipit ang daga sa pag-aaway ng aso at pusa.
Mistulang nagdedeklara na ng giyera ang Pamilya Lopez kontra sa Malacanang.
Nagbabalik kung gayon ang eksena bago mag-Martial Law nang magdeklara ng giyera si Vice President Fernando Lopez kontra sa nakaupong si Apo Makoy.
At sino ang nagwagi?
Maselan ang paga-analisa ditto.
Sa biglang tingin ay nanalo si Makoy sa unang salpukan, pero sa dakong huli ay napabagsak din ang diktador—hanggang sa mabawi ang Meralco at mismo ang television network.
Moderno na ang sibilisasyon, maaaring ganyan din ang maganap pero sa higit na AGARANG PANAHON.
Teka, sino ba ang nagwagi sa giyerang “Philippine Daily Inquirer versus Pareng Erap”?
Bumagsak si Pareng Erap, pero binoykot ng mga big time advertisers ang Inquirer (hanggang ngayon?).
Sa totoo lang, walang nanalo saan mang klase ng DIGMAAN.
----30---

hari kuno si Vice Noli (15jan06,BULGAR)

Bistado—15jan06

Head: Tao, isda malilipol

PINAYAGAN ng DENR na magtayo ng mga PABRIKA sa coastal areas.
Huhh, matapos PANUTIN ang BUNDOK—LALASUNIN naman ang karagatan.
Tapos lunurin ang taumbayan, LILIPULIN ang mga ISDA.
Kayo ang mga pesteeee!

-----$$$--
IPINAGDIINAN ni FVR na nananatili ang kanyang ULTIMATUM kay Ate Glo.
Hummmm, mahirap talaga ang maging ULYANIN.

-----$$$---
PINALAYA na si Mehmey Ali Agca ang nagtangkang pumatay kay Pope John Paul II.
Hindi malayong i-SALVAGE siya ng tunay na MASTERMIND.

------$$$---
IDINARAOS na ang LAKAS-CMD caucus.
Matapos ang meeting, tiyak na MAWAWALAN sila ng Lakas.

-----$$$---
SABI ni Vice Noli: Ako ang HARI NG SARILI KO.
Walang makakapigil sa kanya na SUMUNOD sa lahat ng gusto ni Ate Glo.
Entiendesssss?

-----=$$$--
KINASUHAN sa Ombudsman sa Visayas si Rep. ROLEX Suplico sa kasong extortion.
Huhhh, dapat siyang magpaliwanag kung may katotohanan ito.
Para malaman natin kung PEKE ang ROLEX.

----$$$---
INAAKUSAHAN kasi ang kanyang grupo na tinatawag na “Gang of Five” ng panggigipit sa Globe at Smart telecoms sa kasagsagan ng isang HEARING sa Kongreso pero napurnada.
Iyan naman ang MESSAGE FAILED.

-----$$$---
PINAAARESTO ng mga Pinoy ang 4 US Marines na suspects sa pangggahasa sa isang Pinay.
Kailan pa natutong KUMAHOL ang ASO kontra sa kanyang AMO?
Ha! Ha! Ha!

----$$$---
GUSTO raw kopyahin ng Pinoy ang pagmamatigas ng mga Japanese laban sa Kano.
Aba, eh, di MAGLAKAD DIN kayo nang PASAKANG.
He, he, he, he.

------$$--
ISA si ex-Manila Rep. Mark Jimenez na nagnanais na MAKALABOSO ang mga Kano.
Para makaganti siya sa PAGKAKAKULONG sa US.
Ganti-ganti katwiran, magbayad-ang-may-utang.

-----$$--

DALAWANG “HOUSEMATES” ni Big Brothers ang nais na maging PINOY.
Dahil sa KUWARTA.
Kwidaw, marami ang napapahamak sa datung.

------$$$---
ISANG mayor sa Abra ang tinepok ng assassin.
Nagsisimula na ang 2007 election.

------30--