Thursday, July 19, 2012

BLUNDER SA SONA


TAMA ang payo ni Senate President Juan Ponce Enrile na huwag ISAMA MULI ang issue sa Spratlys sa SONA ni PNoy.
Sa totoo lang, isang BLUNDER ng mga speechwriter ni PNoy ang pagsama sa REED BANK o RECTO Bank sa 2011 SONA ni PNoy.
Binanggit na natin noong nakaraang taon sa KOLUM na ito na MALI ang pagsigaw ni PNoy sa kanyang SONA noong 2011—kung saan nambola siya at nagyabang nang: Yung REED BANK o RECTO BANK—ay teritoryo ng Pilipinas gaya sa RECTO AVENUE.
Isang pagkakamali yan—kasi’y aktuwal siyang naglabas ng FOREIGN POLICY sa kanyang SONA noong nakaraang taon na ikinaalarma ng Beijing.
Mula noon, lihim na nagmaniobra ang China upang sakupin nang aktuwal ang malaking bahagi ng Spratlys kasabay ng pagtatayo ng SHANSA CITY.

----$$$--
TALIWAS kay Pnoy na nambobola, tahimik ang lideratura ng China, pero aktuwal itong kumikilos nang KONGKRETO at EPEKTIBO.
Aktuwal silang NANGINGISDA at sinusuportahan ang mga CHINESE VESSELS na umuokupa sa Scarborough Shoal at malaking bahagi ng Spratlys.
Ang Pilipinas—ay puro PAMBOBOLA lang, protesta at KUWENTO, pero walang aktuwal o  kongkretong HAKBANG o utos sa AFP at mga mangingisda.
Iyan ang paulit-ulit nating sinasabi sa SONA ni PNOY—punumpuno ito ng BOLA.
Walang laman, walang talab, puro hangin lang.

-----$$$--
ANO ngayon ang sinasabi ni PNoy na ang REED BANK o Recto Bank ay hindi nalalayo sa RECTO AVENUE?
Wala.
Nakakahiya.
Naipahamak niya ang SOBERANIYA at TERITORYO ng Pilipinas sa isang MALING TALUMPATI na ginawa ng kanyang mga SPEECWRITER.
Dapat maunawaan ni  PNoy na ang anumang letra, mensahe at kataga ng SONA—ay nagsisilbing GOVERNMENT POLICY.
Kapag bumanggit si PNoy tungkol sa SPRATLYS—ituturing yan ng CHINA na isang FOREIGN POLICY kaya’t dedepensa o OOPENSA ang mga ito nang lihim.
Hindi dapat NAMBOBOLA si PNoy—kasi’y NAIPAPAHAMAK niya ang buong Republika ng Pilipinas.

-----$$$--
KUNG hindi man dapat banggitin ni PNoy ang tungkol sa SPRATLYS, hindi rin niya dapat banggitin ang tungkol sa SUB STATE ng Bangsa Moro sa Mindanao.
Pero, tila hindi makikinig ang kanyang mga SPEECHWRITER sa ating PAYO.
Dahil may kutob tayong OPISYAL niyang  ihahayag sa Lunes, Hulyo 23—ang paglagda ng government panel sa SUB STATE ng mga Moro sa Mindanao.
Isang panibagong BLUNDER ng kanyang mga speechwriter at mismo ni PNoy.

----$$$--
ANG BLUNDER  ni PNoy gamit ang PAMBOBOLA sa SONA—ay maaaring malaki ang maging KAPALIT.
Delikadong mawala siya sa MALACANANG—nang hindi inaasahan, sa isang hindi rin inaasahang SITWASYON at hindi inaasahang PAMAMARAAN.
Ipinaaalaala natin ito ito kay PNoy upang maingatan niya ang kanyang PUWESTO na ipinamana ng kanyang ina at ng kanyang AMA na pinatay at biktima ng isang PERFECT CRIME.
Buong pagpapakumbabang ipinapayo natin yan, para sa PERSONAL niyang  kaligtasan.
Mag-ingat siya sa mga taong nasa paligid niya, baka IPINAPAHAMAK na siya.
(BISTADO NI KA AMBO column, Bulgar newspaper, July 20, 2012  issue, UNEDITED. CC. bistado.blogspot.com/ @bistadoniambo on twitter/ bistadokamao@yahoo.com/ 09173525272)

RH BILL: COMATOSE


NINENERBIYOS na ang mga proponent ng Reproductive Health Bill.
Kasi’y maraming mambabatas ang kumokontra dito kahit pa alam nilang ineendorso ito ni PNoy.
Bistado kasi na idinidikta lamang ito ng ibang bansa partikular ang United Nations at United States upang magkamal ng salapi ang mga multi-national companies na nangangapital sa mga drug companies.
Kapag kasi naibasura ang RH Bill, hindi malayong malugi ang ilang multi-national drug companies na nagmamanupaktura at nagdi-distribute ng mga condoms at iba pang contraceptives.
Nabawasan ng malaking kita ang mga multi-national drug companies na ito na nakabase sa US at Europe nang maging batas ang Generic  Drug Act at ang panibagong pagbasura sa RH bill ay  huling pako na magseselyo sa kabaong ng kanilang pagkalugi.
Ang inaasahang pagkabangkarote ng ilang multi-national drug companies ay direktang makakaapekto sa naghihingalo nang ekonomiya ng Europe at America.
Ibig sabihin, mulat ang mga  mambabatas na makikinabang lamang sa RH bill ay ang mga dayuhan kung saan target nito na paliitin ang populasyon ng Pilipinas.
Sa ngayon, ang pundasyon ng dollar reserves ay nagmumula sa mahigit na 10 milyong overseas Pinoy na ang ibig sabihin--  GULUGOD ng ekonomiya ng Pilipinas ay ang mismong MANPOWER o HUMAN RESOURCES na nagmumula sa bilang ng kanyang 90 milyong populasyon.
Sa simpleng matematika, kapag binawasan mo ang BASE NUMBER o pundasyon, mababawasan mo rin ang LAKAS ang isang gusali.
Ang 10 milyong  overseas Pinoy ay nakapundasyon  mismo sa POPULASYON—kaya’t ang anumang pagtatangka na idiskaril at bawasan ito—ay ISANG LUBID na itinatali natin sa ating mga leeg.
Maunawaan sana ito ng mga BAYARAN at SEPSEP na mambabatas na naglilingkod sa mga dayuhan.
EDITORIAL  NI KA AMBO column, Bulgar newspaper, July 20, 2012  issue, UNEDITED. CC. bistado.blogspot.com/ @bistadoniambo on twitter/ bistadokamao@yahoo.com/ 09173525272)

Tuesday, July 17, 2012

PNOY: BAGONG HARI NG KOMEDYA



KUMPIRMADONG may mahigit nang 100 sasakyang pandagat  ang China sa paligid ng Spratlys mula sa dalampasigan ng Dulong Luzon hanggang sa dakong aplaya ng Palawan.
Hindi pa kasama dyan ang regular na nagrerekoridang barko de giyera, at malalaking  barkong pangisda ng mga Tsino.
Ibig sabihin, TOTOO ang text na kumakalat na tipong may flotilla o langkay-langkay na bangkang may-armas na pumasok sa bisinidad ng         Palawan.
Totoo ang abiso o BABALA ng texters sa ikinalat na pabalita NOON pang nakaraang buwan.
Maaaring NAPAGKAMALAN ng texters na  ARMED FLOTILLA ang  mga bangka at barko ng China.
Makikita kasi na may WATAWAT ng China sa mga bangka.
At kung titingnan mo nang malayuan ay  mistulang SUMASALAKAY ito sa arkipelago ng Pilipinas.
Nakakalungkot isipin na INUTIL ang AFP at COMMANDER-IN-CHIEF na  ipagtanggol ang SOBERANIYA ng Republika tulad sa ITINATADHANA ng Konstitusyon.
Sa aktuwal, hindi UMAALIS ang sangrekwang bangka at barko ng China sa Spratlys.
Ano ang tawag ninyo dyan?
Hindi ba’t isang “defacto” o aktuwal na pag-OKUPA na yan sa ating karagatan?
Walang ni isang SUNDALO na nagbubuwis ng buhay upang ipakipaglaban ang ating teritoryo.
Kahit KONTING DAKDAK—ay tameme ang mga “makabayang sundalo”.
Kaawa-awa ang INANG BAYAN—na walang NAGMAMAHAL na sundalo.


-----$$$--
ANG malagim na eksenang ito ng pag-OKUPA sa ating karagatan ay madu-DUPLIKA kapag inihayag ng Government  of the Republic of the Philippines (GRP) na lalagdaan o NILAGDAAN nila ang wagas na kasunduan sa MILF—na magbibigay-daan para sa isang MORO SUB-STATE.
Kapag pumayag si PNOY na maitayo ang SUB STATE sa Mindanao, aktuwal na namang NABAWASAN ang LAND AREA ng Republika ng Pilipinas dahil ibibigay niya ito sa MILF na  magsisilbing PUPPET GOVERNMENT ng mga dayuhan partikular ng United States, Canada, Australia, Japan, Malaysia at Britain.
Sa madaling salita, ang malaking bahagi ng MUSLIM territory ay aktuwal na AAGAWIN ng BANGSA MORO; at ang malaking bahagi ng WEST PHILIPPINE SEA—ay aktuwal na na-OKUPAHAN ng China.
Ang lahat nang ito ay nagaganap sa ilalim ng administrasyon ng  isang DAKILANG LIDER NG PILIPINAS—si PNOY.
Mabuhay ang kadakilaan ni PNoy.
Walang dumadanak na dugo sa kanyang administrasyon.
Ipinamimigay kasi niya nang LIBRE—at WALANG DIGMAAN—ang teritoryo ng Pilipinas.
Mabuhay! Mabuhay! Mabuhay!
Hindi si Vic Sotto, hindi si Willie Revillame at lalong hindi si Epy Quizon ang hahali sa trono ng Hari ng Komedya na si Tito Dolphy.
Si PNOY ang bagong HARI NG KOMEDYA!
Bakit?
Sapagkat ang Pilipinas ngayon—ay PINAGTATAWANAN ng buong mundo.
Viva Pilipinas! D’ LAUGHING STOCK of the world!!
(Bistado ni Ka Ambo column, Bulgar newspaper, July 18, 2012 issue, UNEDITED. Cc: bistado.blogspot.com/  @bistadoniambo on twitter/  bistadokamao@yahoo.com/ 09173525272) .

Koalisyon ng mga plastik



NAKAKATAWA ang mga politiko.
Nagugutom ang ordinaryong Pinoy pero ang pinag-uusapan ay ang walang kabuluhang koalisyon.
Simple lang naman ang ibig sabihin ng koalisyon ng mga partido.
Ito ay pansamantalang pagsososyo sa iisang pangalan ng mga plastik na lider ng lipunan.
Kasi’y magpaplastikan lang ang mga kolokoy kasabay ng talumpati sa ibabaw ng plataporma na akala mo’y sila ay mga Diyos na kayang solusyunan ang problema ng bansa at 90 milyong Pinoy.
Naunang nakabuo kasi ng koalisyon ang “riding in tandem” nina Pareng Erap at Bise Binay.
Pero, ngayon inuupakan ng dueto ang koalisyon naman ng Bagong Hari ng Komedya na si PNoy kung saan pagsasanibin ang LP, NP at NPC.
Sumingit naman agad ang anak ni Pareng Erap na si Cong. JV kung saan puwede raw bumuo ng SUPER-COALITION ang LP-NP-NPC at PMP-PDP-LABAN.
Hindi ba’t katawa-tawa ang lahat ng yan!
Humahalakhak ang lahat sa gitna ng pagkalam ng sikmura ng ordinaryong mamamayan.
Hindi na sila NATUTO sa kasaysayan partikular sa huling presidential election noong 2010.
Hindi ba ilang buwan bago maghalalan ay  No. 1 sa survey noon si Bise Presidente Noli de Castro? Pero kahit No. 1 siya, walang partido na kumuha sa kanyang serbisyo—wala siyang NAPEKE o napaniwala.
Sumunod na nag-agawan sa No. 1 at No. 2 sa survey ay si Sen. Manny Villar, Erap at sumisingit pa si Mar Roxas.
Sa panahon iyon, ONE-YEAR before election, NI HINDI binabanggit sa survey at usapan ang UNICO-HIJO ng may-sakit na si Tita Cory.
Nang mamatay si Tita Cory—gumuhong parang bula ang PANGARAP nina Villar, Roxas, De Castro at Erap!
Walang kahirap-hirap; walang ka-effort-effort; wala ring sariling resources; at kahit walang QUALIFICATION---biglang naging No. 1 si PNoy sa survey ; at tulad sa  inaasahan, siya ang naka-JACKPOT sa presidential derby.
Ang lahat ng effort at pabalita ngayon  ng dalawang nagbubungguang koalisyon—ay MABABALEWALA lahat.
Kasi’y hindi malayong may SUMULPOT na mga bagong PANGALAN—na parang ipo-ipo at kidlat—na IEENDORSO ng ordinaryong mamamayan.
Yan ang ating abangan:  BULALAKAW mula sa KAHILAGAAN!!
EDITORIAL ni Ka Ambo, Bulgar newspaper, July 18, 2012 issue, UNEDITED. Cc: bistado.blogspot.com/  @bistadoniambo on twitter/  bistadokamao@yahoo.com/ 09173525272) .

Monday, July 02, 2012

BUS DRIVER SUWELDUHAN; TRAFFIC ENFORCER PORSIYENTUHAN


DINEDMA ni PNoy ang mungkahi ni Senate President Juan Ponce Enrile na buhayin ang CHACHA upang bigyan ng PRAYORIDAD sa badyet ang militar na magdedepensa sa Spratlys.
Malinaw na gusto ni Enrile ang CHACHA.
Pero, binasted din siya ng Kamara ng mga Representante na sumusunod lang sa KUMPAS ni PNoy.
Kasi naman ay BISTADONG-BISTADO ang motibo ni Enrile.
Gusto ni Enrile na magkaroon ng OPORTUNIDAD na mabago ang Konstitusyon—upang maging PRIME MINISTER bago siya mag-ala DOLPHY.
Meaning, hindi totoo  na MILITARY budget ang nais niyang isulong kundi ang TULUYANG  baguhin ang PORMA ng gobyerno.

----$$$-
HINDI ba ninyo nahahalata na VERY CONSISTENT si Enrile sa kanyang posisyon na buhayin ang CHACHA pero hindi siya makaporma.
Pero, consistent lang siya sa CHACHA pero INCONSISTENT at iba-iba ang kanyang ginagamit na ARGUMENTO at katwiran para mai-JUSTIFIED ito.
Hindi ba ninyo natatandaan na “ECONOMICS PROVISION” ang naunang katwiran at argumento na IKINAKATWIRAN ni Enrile  NOON upang magkaroon ng CHACHA, at ngayon lamang ay MILITARY BUDGET.
Masyado na siyang nabibisto.
Iyan ang totoong BISTADO—gusto niya na maka-TSAMBA na maging PRIME MINISTER bago siya tuluyang “mamaalam”.

-----$$$--
MAY SUWELDO na ngayon ang mga DRIVER at KONDUKTOR ng bus.
Ngayon, ito namang mga TRAFFIC ENFORCERS—ay “PORSIYENTUHAN” ang kompensasyon imbes na suwelduhan.
Hindi biro yan, TOTOO po yan!!
Ay buhayy, talaga!!!


-----$$$--
BANDANG huli niyan ay baka mareklamo ang mga ISNATSER at  HOLDAPER sa bus.
Baka HUMINGI na rin sila ng SUWELDO mula sa mga PROTEKTOR na parak.
Kasi’y nahihirapan sila na “makatanggap ng kaparte” mula sa dinambong nila sa mga PASAHERO.
Hindi naman sila makapag-SINUNGALING sa bilang at halaga ng kanilang NAKUKULIMBAT.
Kasi. Ini-IMBENTARYO ng kanilang police protector ang nasa listahan sa “BLOTTER”.
He, he, he.

-----$$$---
KAYA  para WALANG AWAY, baka  gawing “SUWELDUHAN” na rin ang kita ng mga ISNATSER at HOLDAPER sa bus.
Maganda ang MUNGKAHING iyan ng KOLUM na ito.
Sa ganyang paraan, MABABAWASAN ang “bilang ng mga napapatay sa holdap”.
Kasi’y SUWELDUHAN na ang mga holdaper eh.
Hindi ba’t ang ESTILO yan ay hindi nalalayo sa SOLUSYON ng gobyerno sa  laban sa KILLER BUS?
He, he, he, yan namang solusyon natin ay laban sa totoong KILLER.
Pareho lang silang PINAGKIKITAAN ng mga PARAK!!!
Imbes na PARUSAHAN, pina-SUWELDO pa sila!!!
Ha! Ha! Ha!
(BISTADO NI KA AMBO, Bulgar newspaper, July 3, 2012 issue, UNEDITED. Cc. bistado.blogspot.com/ @bistadoniambo on twitter/ bistadokamao@yahoo.com/ 09173525272)

PHL: A TIGER OR A CROCODILE?



MALAPIT na raw maging Tiger Economy ang kalakalan sa Pilipinas tulad sa Singapore.
Pero, hanggang ngayon, ang ekonomiya ng bansa ay matatag hindi dahil sa industriyalisasyon bagkus ay dahil sa DOLLAR REMITTANCES ng mahigit 10 milyong overseas Pinoy.
Nakapagtataka namang hindi iniaayos ng gobyerno ang pangangailangan ng mga overseas Pinoy partikular ang PALPAK na pasaporte na madaling mapeke.
Pinagdududahan kasi ang proseso na ipinatupad ng Bangko Sentral ng Pilipinas sa pagpili ng kontraktor sa paggawa ng pasaporte.
Iginawad kasi ito sa kaduda-dudang kompanya na naka-base sa French kung saan pinapasan ng gobyerno ang malaking halaga sa gastusin taliwas sa naunang sistema na pinapasan ng PRIBADONG KOMPANYA ang lahat ng gugulin dito.
Kumbaga, imbes na makatipid ang gobyerno ay nagpaluwal pa ito ng malaking halaga.
Okey lang sana kung mapagkakatiwalaan na MAAYOS ang trabaho pero sa aktuwal ay palpak din ang performance at kalidad ng kanilang produkto at serbisyo.
Natatandaan ba ninyo ang kontrobersiyal na “ARROVO” bills, ito po ang produkto ng “Oberthur Technologies” na siyang kinukuwestiyun ngayon.
Imbes Gloria Macapagal Arroyo ay naging “Gloria Macapagal ARROVO” ang nakamarka sa P100 bills.
Pinasan ng gobyerno ang GUGULIN sa TEKNIKAL na pagkakamaling ito ng kontraktor pero nakapagtatakang sila pa rin ang nakakorner ng kontrata.
Hanggang ngayon, hindi pa rin nareresolba ang reklamo na isinampa laban sa naturang kontraktor na kokorner ng may P857 milyong proyekto  para gumawa ng e-Passport at iba pang dokumento at  nasa tanggapan ng Ombudsman , RTC at maging sa Kongreso.
Kasi’y idinadawit din ang naturang kontratista na nakabase sa France sa $34 million graft case sa Kenya.
Kung ang simpleng PASAPORTE na mahalagang GAMIT ng 10 milyong overseas Pinoy ay hindi maiayos ng gobyerno, paano makakausad tungo sa pag-unlad ang ating bansa?
Malinaw na pambobola lang ang pagiging FUTURE TIGER ECONOMY ng Pilipinas , kasi’y paano magiging TIGRE  ang  isang gobyernong pugad ng mga  DAMBUHALANG BUWAYA?
(EDITORIAL NI KA AMBO, Bulgar newspaper, July 3, 2012 issue, UNEDITED. Cc. bistado.blogspot.com/ @bistadoniambo on twitter/ bistadokamao@yahoo.com/ 09173525272)