Friday, December 29, 2006

Killjoy

Bistado—31dec06

(bulgar newspaper, Bistado, editorial for: dec 31 issue)

BAGONG Taon na mamamaya.
Ingat po tayo sa sunog.
Bagong taon, bagong bahay!

----$$$--
TATAAS nang P3 kada litro ang LPG gas.
Bad news sa New Year.

-----$$$--
PINAYAGAN ng Sandiganbayan si Pareng Erap na makapag-New Year kasama ang kanyang nanay.
Mabuti naman.
Makakabuo na siya ng senatorial slate.

----$$$---
NAARESTO na si Abra Gov. Vicente Valera.
Hindi dahil sa murder kundi dahil sa TRAFFIC VIOLATION.
Ngekkk!

----$$$--
BAWAL daw ang PVC CANON bilang pangsalubong sa Bagong Taon.
Talagang KILLJOY kayo!

---$$$---
NIRESBAKAN ng mga journalist ng CLASS SUIT si FG Mike.
PAGSALUBONG yan sa year 2007—tadtaran ng kaso sa korte.

----$$--
KAKANDIDATO rin palang senador si Edu Manzano.
Dalawa na ang magiging “VILMA SANTOS” sa Senado.

----$$$--
PAANO kaya kung kumandidato rin si Gabby Concepcion at manalo kasabay ni Sen. Kiko Pangilinan.
Dalawa rin ang magiging “SHARON CUNETA” sa Upper chamber.

----$$$--
LUMAKI na ang ulo ni Manny Pacquiao sa pagsasabing: Hindi siya ang naghahabol—kundi siya ang HINAHABOL ng mga kalaban.
Mas mainam sana kung mas LUMAKI ang kanyang KAMAO kaysa sa kanyang ULO.

----$$$---
NAKIUSAP si Saddam Hussein sa kanyang mga kababayan na HUWAG KAMUHIAN ang mga Kano kahit iutos ng mga ito ang PAGBITAY sa kanya.
Talagang FEELING MARTIR siya.

-----30---


head: Happy New Year

TALIWAS sa pagdiriwang ng Pasko na para lamang sa piling relihiyon, sasalubungin mamayang madaling araw ang Bagong Taong 2007!
Inaasahang marami ang mabibiktima ng paputok, pailaw at iba pang klase ng pagsalubong sa Bagong Taon pero hindi nito mapipigil ang isang tradisyon na yinayakap ng buong daigdig.
Sa Pilipinas, libo-libong Pinoy na nabiktima ng mga pambihirang trahedya ang hindi magiging masaya sa pagsalubong ng Bagong Taon dahil marami ditto ay naulila, nawalan ng bahay at mapagkakakitaan.
Sa kabila ng matatag na piso sa pagpasok ng Bagong Taon, patuloy pa ring nagdarahop ang milyon-milyong Pinoy kasabay ng patuloy ng pagyaman ng mga dati nang multi-bilyonaryong Pinoy.
Magkakasya na lamang ang mga ordinaryong Pinoy sa improvised PVC pipes na ginagawang pampasabog na tatanghod na lamang sa mga multi-milyonaryong pagpapasabog ng libo-libong pisong halagang bomb shell at firecrackers na magpapaliwanag sa kalawakan.
Anu’t anuman, sana’y mabigyan ng mabuting biyaya ng Panginoon an gating bansa at 80 milyong Pinoy sa taong 2007.
Ipagdasal nating mamulat ang matataas na opisyal ng ating bansa na pagmalasakitan ang mga nagdarahop nating mamamayan.
MANIGONG BAGONG TAON po sa inyong lahat!
----30--
Bistado—31dec06

(bulgar newspaper, Bistado, editorial for: dec 31 issue)

BAGONG Taon na mamamaya.
Ingat po tayo sa sunog.
Bagong taon, bagong bahay!

----$$$--
TATAAS nang P3 kada litro ang LPG gas.
Bad news sa New Year.

-----$$$--
PINAYAGAN ng Sandiganbayan si Pareng Erap na makapag-New Year kasama ang kanyang nanay.
Mabuti naman.
Makakabuo na siya ng senatorial slate.

----$$$---
NAARESTO na si Abra Gov. Vicente Valera.
Hindi dahil sa murder kundi dahil sa TRAFFIC VIOLATION.
Ngekkk!

----$$$--
BAWAL daw ang PVC CANON bilang pangsalubong sa Bagong Taon.
Talagang KILLJOY kayo!

---$$$---
NIRESBAKAN ng mga journalist ng CLASS SUIT si FG Mike.
PAGSALUBONG yan sa year 2007—tadtaran ng kaso sa korte.

----$$--
KAKANDIDATO rin palang senador si Edu Manzano.
Dalawa na ang magiging “VILMA SANTOS” sa Senado.

----$$$--
PAANO kaya kung kumandidato rin si Gabby Concepcion at manalo kasabay ni Sen. Kiko Pangilinan.
Dalawa rin ang magiging “SHARON CUNETA” sa Upper chamber.

----$$$--
LUMAKI na ang ulo ni Manny Pacquiao sa pagsasabing: Hindi siya ang naghahabol—kundi siya ang HINAHABOL ng mga kalaban.
Mas mainam sana kung mas LUMAKI ang kanyang KAMAO kaysa sa kanyang ULO.

----$$$---
NAKIUSAP si Saddam Hussein sa kanyang mga kababayan na HUWAG KAMUHIAN ang mga Kano kahit iutos ng mga ito ang PAGBITAY sa kanya.
Talagang FEELING MARTIR siya.

-----30---


head: Happy New Year

TALIWAS sa pagdiriwang ng Pasko na para lamang sa piling relihiyon, sasalubungin mamayang madaling araw ang Bagong Taong 2007!
Inaasahang marami ang mabibiktima ng paputok, pailaw at iba pang klase ng pagsalubong sa Bagong Taon pero hindi nito mapipigil ang isang tradisyon na yinayakap ng buong daigdig.
Sa Pilipinas, libo-libong Pinoy na nabiktima ng mga pambihirang trahedya ang hindi magiging masaya sa pagsalubong ng Bagong Taon dahil marami ditto ay naulila, nawalan ng bahay at mapagkakakitaan.
Sa kabila ng matatag na piso sa pagpasok ng Bagong Taon, patuloy pa ring nagdarahop ang milyon-milyong Pinoy kasabay ng patuloy ng pagyaman ng mga dati nang multi-bilyonaryong Pinoy.
Magkakasya na lamang ang mga ordinaryong Pinoy sa improvised PVC pipes na ginagawang pampasabog na tatanghod na lamang sa mga multi-milyonaryong pagpapasabog ng libo-libong pisong halagang bomb shell at firecrackers na magpapaliwanag sa kalawakan.
Anu’t anuman, sana’y mabigyan ng mabuting biyaya ng Panginoon an gating bansa at 80 milyong Pinoy sa taong 2007.
Ipagdasal nating mamulat ang matataas na opisyal ng ating bansa na pagmalasakitan ang mga nagdarahop nating mamamayan.
MANIGONG BAGONG TAON po sa inyong lahat!
----30--

Thursday, December 28, 2006

Rizal nabuhay

(Bulgar newspaper, dec 30, 2006 issue)

RIZAL Day ngayon!
Kung buhay si Dr. Jose Rizal sa ating kapanahunan, ano kaya ang kanyang magiging papel?Maging sepsep kaya siya sa administrasyon o maging lider ng oposisyon?
Mabuwiset din kaya ang intellectual na si Dr. Rizal sa palagiang pananalo ng mga showbiz, sports at tv personalities sa mga eleksiyon?
Suportahan din kaya niya ang Charter Change sa paniniwalang dapat na makontrol lamang ng mga edukado ang gobyerno at walang puwang ditto ang mga school dropout tulad ni Gat. Andres Bonifacio?
Babatikusin kaya ni Rizal ang panghihimasok ng US particular ang panggagahasa ni Lance Corporal Daniel Smith kay Nicole?
Tulad ng nais ni Rizal na kilalanin ng Spanish Cortes ang Pilipinas bilang lehitimong bahagi ng Espanya (imbes na rebolusyon sa pag-agaw ng Independensiya), isulong kaya ng bayani ng Laguna na gawing Estado na lamang ng US ang Maynila—tulad sa Hawaii?
Gagawa rin kaya ng ikatlong bersiyon ng Noli at Fili si Rizal upang batikusin ang IMORALIDAD at kabulukan ng KAMALAYAN ng mga Pinoy kung saan sugapa ito sa mga sugal at kinukunsinte ang mga awtoridad na NAKAWIN ang kaban ng bayan?
Makatanggap kaya ng kastigo ang mga religious leader kay Rizal?O magkasya na lamang na magtayo ng sariling charismatic group ating pambansang bayani.
Nakakalungkot isipin na walang maayos at makabuluhang aktibidad ang gobyerno kung paano gugunitain ang Kamatayan ni Dr. Jose Rizal—maliban sa babala ng pag-atake ng mga TERORISTA.
--------30---

Babaha ng beer

(Bulgar newspaper, Deceember 30, 2006 issue)

GINUGUNITA ngayon ang araw ng Kamatayan ni Gat. Dr. Jose Rizal.
Bakit kaya MAS MASAYA ang Pinoy pag natetepok ang kanilang mga bayani?

-----$$----
ILANG araw na lang, Bagong Taon na.
Wala sanang maputulan ng daliri.

-----$$----
HAHATULAN dawn g Kangaroo Court ng CPP-NPA si dating Comelec commissioner Virgilio Garcillano.
Bakit “nadaya” din ba sila?

-----$$$---
BAWAL daw MAGSUNOG ng GULONG ng sasakyan sa New Year’s eve.
O, baka naman MISMONG SASAKYAN na lang ang SUNUGIN ninyo?

----$$--
INALERTO ang NAIA airport sa pagpasok ng BIRD FLU virus.
Aba, e, din KANSELAHIN ninyo ang VISA ng virus.

----$$$---
IKINALUNGKOT ng US ang pagkamatay ni dating US president Gerald Ford.
Pag namatay si US Prez George Bush, baka IPAGSAYA naman nila.

----$$$---
ISA pang militante ang tinepok ng military sa Batangas.
Ngek, akala ko ba ay may UNILATERAL CEASEFIIRE?

----$$----
BUBUWENASIN daw ang mga MAY MALALAKING tiyan sa year of the Pig.
Nakupp, baka MAATAKE sa puso ang mga iyan.

-----$$$---
NAGDEKLARA na si Sec. Mike Defensor ng kandidatura.
Huwag ka sanang matalo!

----$$$---
KAKANDIDATO rin palang senador si Pareng Rep. Gilbert Teodoro ng Tarlac.
Anak ni dating GSIS chairman Gilberto Teodoro Sr si Gilbert.
Pamangkin din siya ni Danding Cojuangco.
Mukhang BABAHA NG BEER sa kampanya.

------$$--
NASIRA ang internet communications dahil sa Intensity 7 earthquake sa Taiwan.
At least, hindi TAO ang napatay..


----30—

Wednesday, December 20, 2006

Circus sa Malacanang

(Bulgar newspaper, 22dec06)

MALOLOKA si Lola Madyenta!
Isipin mong nagsirko-sirko na naman si Ate Glo.
Taliwas na taliwas bago mag-Prayer Rally ang mga Catholic bishops sa Luneta, binigyan-diin naman ngayon ni Ate Glo tuloy na tuloy na tuloy ang Charter Change.
May ulat na nakikipagkutsaba pa ngayon ang Comelec para makapagtayo ng “signatures booth” ang SIGAW at ULAP para sa pagbuhay ng ikalawang People's Initiative.
Nabunyag din na awtomatikong kukunin sa archieves ang Con-Ass resolution kasi'y itinuturing itong “incomplete” at hindi kasama sa sinasabing nakalibing nang panukalang batas.
Napakalinaw na garapalang panloloko ito.
Anong klase ng agimat, bertud o “powers” mayroon si Ate Glo --“walang kahiya-hiya” siya nagsisirko-sirko sa gitna ng Kapaskuhan?
Ito kaya ay dahil natitiyak niyang nasa likod niya ang buong puwersa ng Armed Forces of the Philippines (AFP).
Dedma lang siya sa resulta ng mga survey na 20 porsiyento na lamang ng populasyon ang may “tiwala” sa kanya.
Scientifically, mathematically o geometrically speaking, siyempre 80 PORSIYENTO rin ng opisyal at enlisted personnel sa AFP—ay wala na ring tiwala sa kanya.
Sintido-kumon yan-- na ayaw niyang paniwalaan.
Ayaw niyang paniwalaan na nag-aantay lang ng tayming ang mga nag-aalbururong damdamin ng mga “maka-Konstitusyon” na sundalo!
Sa totoo lang, ang sobrang tiwala ni Pareng Erap at dating Pangulong Marcos na “loyal” sa kanila ang AFP—ang siyang NAGPABAGSAK sa kanila sa poder.
Huwag nang pag-usapan yan o huwag nang pagdebatehan ang loyalty ng mga sundalo kay Ate Glo—dahil masalimuot yan.
Eto ang napakahalagang tanong: Siyento-porsiyento ba na ang mga sundalo ay LOYAL kay AFP Chief Hermogenes Esperon na isang “Hello Garci general”?
Kailangang masagot yan, bago gunawin ng puwersa ni Amaya ang Antartika!
------30----

Pacquiao's super-baptismal

(Bulgar newspaper, 22dec06)

MEGA-ENGRANDE ang pabinyag ni Manny Pacquiao sa kanyang “prinsesa”.
Ingat kayo, baka MAKIDNAP yan.

----$$$--
NIREGALUHAN ni Pacman ang kanyang NANAY ng isang KOTSE.
Kotse na binawi sa kanyang misis.

-------$$$---
BUMALIKTAD na naman si Ate Glo.
Taliwas sa kanyang PANGAKO, tuloy na naman ang ChaCha.

-----$$$--
BUBUKSAN daw ang Malacanang sa publiko.
Para daw makapanood NANG LIBRE ang mga tao sa “CIRCUS” sa Maharlika Hall.
Mapapanood dito kung paano “MAGBALI-BALIKTAD” si Ate Glo.

-----$$$---
BALIK-SA-OSPITAL si Gaudencio Cardinal Rosales matapos ang SERMON sa Prayer Rally sa Luneta.
Hindi niya AKALAIN nagoyo rin siya.
Kakaunti lang pala ang mga SUPPORTERS ng kanyang mga politikong bishops.

----$$$--
BUBUHAYIN ang People's Initiative sa Enero.
Maglalagay ng BOOTHS ang Comelec sa bawat barangay para sa pagkuha ng milyon-milyong SIGNATURES.
At pamimigay ng BIGAS?

----$$$---
KUMUNSULTA sa “PHYCHICS” na ang Philippine National Police (PNP) upang matukoy kung sino ang bumaril at pumatay sa mag-amang GOVERNMENT PROSECUTORS sa Paranaque City.
May bagong “raket” ang mga MANGHUHULA.
-----$$---
HOPELESSNESS ang ipinahihiwatig ng pagkuha ng PNP sa mga psychics.
Hindi sila nalalayo sa na-DISBAR na Judge na kumukonsulta naman sa mga DUWENDE.

-----$$$---
SA totoo lang, umaapela ang “naturang judge” dahil hindi naman daw masama ang kumunsulta sa mga DUWENDE.
Kasi'y daw ay aktuwal taong nasa ilalim ng kontrol ng ISANG DUWENDE.

-----$$--
NAGALIT ang Korte Suprema sa naturang judge kaya't pinatalsik daw ito kasi'y masamang impluwensiya daw ang “paniniwala sa mga duwende”.
Hindi kaya ibinatay nila ang desisyon batay sa payo ng mga “TIKBALANG”?

-----$$$---
IMBES na bawasan, dodoblehin pa ang DAMI ng US troops sa Iraq.
Nakupp, darami pa ang TATARGETIN ng mga Iraqi insurgents.

----30---

Tuesday, December 19, 2006

Bad news, good news

(Bulgar newspaper, 21dec06)

MAY sapat na suplay ng tubig ang MetroManila matapos mapuno ng bagong si Seniang at Reming ang Angat Dam.

Pero, pinahintulutan ng mga awtoridad ang pagtataas ng singil sa konsumo ng tubig.

Nauna nang pinayagan ng Korte Suprema ang Meralco na magtaas ng singil sa konsumo ng elektrisidad.

Pero, kasabay nito, lumalakas ang halaga ng piso sa palitan kontra dolyar.

Hindi kaya puwedeng makatulong ang mataas na halaga ng piso upang mapigil ang pagtataas ng singil sa tubig at kuryente?

Iyan ang dapat pinagdedebatehan sa Kongreso imbes na Charter Change.

Kung maaari ay maglamay sila o magdebate nang 24-hour tulad sa ginawa ng mga kampon ni Speaker JDV nang baguhin ang “house rules” ay bigyan daan ang Constituent Assembly resolutions.

Ngayon, ipakita ng mga “mambabastos” este, mambabatas ang kanilang tunay na hangarin na tulungan ang mga nagdarahop na Pinoy.

Ibinaba na ang singil sa pasahe at singil sa toll fees sa expressway kaya't kung magkukusa ang matataas na opisyal ng gobyerno na tulungan ang mga mahihirap ay magagawa naman nila.

Iyan din ang dapat ipagdasal ng mga religious leaders, maging masipag at matalino sa paghanap ng solusyon ang mga corrupt at tamad na opisyal ng bayan.

Isang solusyon sa kakapusan ng enerhiya o panggatong ay ang pagsasaliksik sa paggamit ng “liquid coal” na aktuwal nang pinakikinabangan sa United States.

Sobra-sobra ang “coal' sa Pilipinas—at isa itong solusyon sa hinaharap.

Pero, ni hindi isinasama sa agenda ng mga mambabatas ang paghahagilap ng alternative energy.

Hindi ang pagbabago sa Konstitusyon ang solusyon kundi ang pagbabago sa kamalayan ng mga Pinoy.

-----30---


Mabait o bopol?

(Bulgar newspaper, 21dec06)

KINANSELA ang unang araw ng deliberasyon ng Constitutional Convention sa House of Representatives.
Hindi po dahil sa utos ni Ate Glo.
Kundi dahil po sa NECROLOGICAL SERVICE ng isa nilang KASAMAHAN.
Malagim ang CHACHA!

----$$$---
MAGTATAAS ng singil ang MANILA WATERS simula sa Enero 1.
Hindi masaya ang BAGONG TAON.

----$$$--
TUMOTODO ang lakas ng PISO kontra dolyar.
Halos nakadikit na ang palitan sa P48 kada dolyar.
Nakikiramay po tayo sa mga EXPORTERS.

-----$$---
UMIWAS ang bagyong si TOMAS mula sa bisinidad ng Pilipinas.
Baka NATAKOT na ma-ASSASSINATE siya.

----$$$---
LIHIM na ikinatuwa ni Vice President Noli de Castro ang pagkakabasura ng CON-ASS at PEOPLE'S INITIATIVE.
Simpleng biktima siya ng mga TRAYDOR niyang kasamahan sa administrasyon.

-----$$$---
ISIPIN mong SINISIBAK si Kabayan bilang BISE PRESIDENTE—pero NAKATUNGANGA lang siya.
Sobrang bait ba siya o simpleng “MAHINA ANG KUKOTE”?

-----$$$---
NAGSIMULA nang dumampot ng mga suspect ang PNP kaugnay ng pagpatay kay Rep. Luis Berasmin ng Abra.
Pero pinakawawalan din kapag hindi “naituro” ng mga testigo.
Ngekk, paano kong “nakamukha” lang?
Kaawa-awa naman.

----$$$---
MALAPIT na rin magkaroon ng civil war sa Lebanon, Palestine at Sri Lanka.
Hindi kaya sumunod dito ang Pilipinas?
-----$$$---
BABAHA na naman ang kuwarta sa Pilipinas dahil sa eleksiyon.
Campaign funds na mula sa mga smugglers, drug lord at gambling lord.

-----$$$---
MALAYANG MALAYA ang operasyon ng jueteng.
Siyempre, may eleksiyon yata!

----$$$---
PINAYAGAN na rin ng Korte Suprema na magtaas ng singil ang Meralco.
Pukawnamoooo!
-----30--

Monday, December 18, 2006

Talinghaga (Bulgar,20dec06)

MAHIRAP talagang ispelingin si Ate Glo.
Talagang iniinsulto nito ang "katinuan" ng ordinaryong Pinoy.
Isipin mong mistulang inuuto o inuuyam ng Malacanang ang mga mga religious leaders ng Prayer Rally sa Luneta.
Sa isang opisyal na pahayag kasi ay idineklara ni Ate Glo na "sasama" siya sa rally kung saan ibinubunsod ang "Character Change" imbes na Charter Change.
Mukhang mahina ang kukote ng mga advisers ng Malacanang.
Hindi sila marunong "bumasa" sa likod ng mga pagkilos at pahayag.
Hindi nila na-get na ang tinutukoy sa "character change" ay hindi ang mismong character ng buong populasyon--kundi ang simpleng "character" lamang mismo ng isang tao--ni Ate Glo.
Ibig sabihin, ang dasal o prayer rally ay simbolo o kasangkapan lamang ng Simbahan upang hindi gaanong mainsulto si Ate Glo sa pagsasabing: MADAME PRESIDENT, MAGBAGO KA NA NG ASAL MO!
Kumbaga sa parliamentary rules, inia-address na honorable o ginagamit ang third person sa kausap na kapwa mambabatas upang makaiwas sa "personalan".
Ganyan din ang "porma" ng Prayer Rally---gumamit lamang ng "THIRD PERSON" ang mga Catholic Bishops upang hindi maging PERSONAL NA PINABABAGO NILA ANG "CHARACTER" mismo ni Ate Glo.
Nakakatawa namang naglabas ng "official statement" ang Malacanang sa pagsasabing "call" si Ate Glo na makiisa sa pagsusulong ng "CHARACTER CHANGE".
Ha! Ha! Ha!
Paano yan, eh, ang mismong CHARACTER niya ang hinihiling ng mga ralista na MABAGO.
Sa totoo lang, walang LANGUAGE CONSULTANT ang Malacanang.
Ito ang problema sa komunikasyon at sa dami ng dialekto sa Pilipinas-- mahihirapan nang "magkaintindihan" kapag nag-USAP ang mga Pinoy na may kanya-kanyang DIALEKTO.
Sa paggamit kasi ng TAGALOG ( Filipino raw ang angkop), laging nakapundasyon ito sa MALALIM na talinghaga--at iyan ang hindi kayang unawain ng mga advisers ni Ate Glo.
Isipin mong sang-ayon daw si Ate Glo sa AGENDA ng mga Catholic bishops sa katatapos na Prayer Rally?
Kasingkahulugan kasi ng "Character Change" dito ay mismong LEADEARSHIP CHANGE sa Malacanang!
O, call ka pa ba Ate Glo?
------30---

Babatukan ang sarili(Bulgar,20dec06)

APAT na parak ang tinepok ng NPA sa Masbate!
Isang MADUGONG PASKO ini.

---$$$--
PEKE raw ang stub na magbibigay ng REGALO si Sen. Frank Drilon.
Okey lang, hindi rin naman TOTOONG MAHIHIRAP ang nabigyan ng tiket.

-----$$$---
HINDI napuno ang LUNETA sa Prayer Rally.
Baka NAMAMASKO sa probinsiya ang mga anti-CHACHA.

----$$$--
SASALI raw si Ate Glo sa KONSEPTO ng mga Catholic bishops.
Pababagsakin din niya ang Malacanang?

-----$$$--
AYON kay Sen. Ed Angara, siya raw ang MAMUMUNO sa senatorial ticket ng oposisyon.
Para KUMITA uli siya?

-----$$--
SUMISIKAT naman si ex-agent Martin Soriano ng NBI.
Baka may NATAPAKAN.

-----$$$---
BINABANTAYAN ang mga sundalo ng kapwa sundalo.
Oppp, wag kayong MAGBABARILAN hah?

-----$$$--
NATAHIMIK na ang imbestigasyon sa pagkasunog ng kotse ni Rep. Dudut.
Baka na-WOW MALI lang siya!

-----$$$---
PAPALITAN daw si Philippine Sports Commission (PSC) Chairman Butch Ramirez.
Mali yan.
Mas TUMPAK na BUWAGIN mismo ang PSC.

----$$$---
ITATAYO daw ang "GREEN CHURCH" sa Smokey Mountain gamit ang mga RECYCLED MATERIALS.
Gagamitin din sa SERMON ang mga PARI ng mga "GREEN JOKES".

----$$$---
BUBUO na ng senatorial ticket ang Adminitrasyon.
Wala pang nagbo-VOLUNTEER.

-----$$$---
MAY papalapit na isa pang BAGYO.
Ooops, nag-warning agad ang Philvolcs sa LAHAR flows sa Bicol.
He, he, he!

----$$$---
NAGTAGUMPAY ang isang "hand transplant" sa US.
Hindi malinaw kung kamay ng "babae" ang naikabit sa isang "lalaki".
Kapag kasi dumidyinggel ang pasyente--AYAW DAW BITIWAN ng "bagong kamay" ang kanyang si Manoy.
Baka naman ang donor ay isang BAKLA.

-----$$$---
GINAGAMIT na sa US bilang fuel sa eroplano ang LIQUID COAL.
Huhhhh, marami niyan sa Pilipinas.

----30--

Sunday, December 17, 2006

Komite-de-pestehos

BAKIT kaya hindi kinukuwestiyun sa Ombudsman at Korte Suprema ang bilyong-bilyong pisong nilustay ng gobyerno sa BIGONG PAGSUSULONG ng Charter Change sa porma ng Constituent Assembly at People’s Initiative?
Malilinaw na ebidensiya na walang pakundangan na ginamit ito ng PONDO NG BAYAN—pero walang matalino o maabilidad na lider ng oposisyon na nagtatangkang magsampa ng demanda upang maparusahan ang mga hoodlums sa pamahalaan.
Hindi ba’t isang klase ito ng technical malversation of public funds?
Dapat ay gumawa ng oposisyon ng isang komite o task force na magsusuri kung anong klase ng demanda ang maaari nilang isama at kung paano makakalikom ng matitibay na ebidensiya.
Ngayon pa lamang ay dapat na nag-iipon na sila ng kaso laban sa mga nakaupo upang sa pagsapit ng bagong Kongreso sa 2007—ay magaan na nilang maisasampa ang ikatlong IMPEACHMENT COMPLAINT.
Ganyan dapat kasistematiko na mag-isip ang oposisyon!
Nababansagan kasing engot din ang oposisyon kasi’y kung kalian malapit na ang mga deadline ay doon sila naghahagilap ng mga ebidensiya at doon lamang sila nagbubuo ng mga “komite-de-pestehos”.
Dapat ay bumalangkas ang oposisyon ng isang totohanang ORGANISASYON o GULUGOD na gagabay at magpapatakbo ng “grand coalition” pero ang mga opisyal na itatalaga ditto ay pang-matagalan at walang pangarap na KUMANDIDATO sa hinaharap bagkus ay magsisilbi lamang THINK-TANK ng oposisyon sa hinaharap.
Sa totoo lang, nagagahaman din kasi ang ilang lider ng oposisyon dahil tinatanggap lamang nila ang posisyon bilang lider upang makaagaw ng LIBRENG PUBLISIDAD imbes na seryosong magplano tungo sa pagbabagsak ng kanilang mga katunggaling politico na nasa pamahalaan ngayon.
Isang magandang tayming o panahon ang mga nagaganap ngayong upang mag-organisa ang oposisyon ng isang “ADVISORY COUNCIL” na walang hangad na kumandidato bagkus ay magsilbing tagalikha ng estratehiya sa national at local levels para MABOKYA ang administrasyon sa mga susunod na eleksiyon.
Hindi naman kasi puwede na “kung sino ang kandidato, ay siya ring tagabatikos at taga-isip ng taktika”.
Maling diskarte yan!
Iyan ang tunay na dahilan ng pananatili ni Ate Glo sa Malacanang—palpak na sistema ng kanyang mga kalaban!
Kahit na puro below-the-belt ang pakana ng administrasyon ay hindi ito nasasabit.
---30---

Pacman: Silent!!!

CHARACTER CHANGE ang isinisigaw ng mga Catholic bishops.
Nagpalakpakan naman ang mga CHARACTER ACTOR.

----$$$--
DEDBOL si Rep. Luis Bersamin ng Abra.
Deadly talaga ang 2007 May elections.

---$$$--
SA loob ng bakuran ng simbahang Katoliko natepok si Bersamin.
Hindi po totoo na BISHOP ang bumaril sa kanya.

----$$$---
NAGAGALIT ang Thailand at Japan sa pagkansela sa ASEAN at East Asia Summit sa Cebu City.
Okey lang yan, basta’t NASA MALACANANG pa rin si Ate Glo.

---$$$---
SI Vice Mayor Danny Lacuna na pala ang NANGUNGUNA sa mayoralty survey sa Maynila.
Kaya pala kakandidato na uling senador si Sen. Ping Lacson.

----$$$---
NAKARAOS na ang 28th birthday ni Manny Pacquiao NANG TAHIMIK.
Natakot siguro siya sa mga KIDNAPER.

-----$$$---
NAUNAHAN na ng Vietnam sa pag-unlad ang Pilipinas.
Puro kasi POLITIKA ang mga lintek!

----$$$--
DAPAT nang mag-resign si Speaker JDV.
Kakasuka ang kanyang mga ginagawa.
Swarkkk, swarkkkkk!

-----$$$---
TAHIMIK na tahimik si Sen. Miriam
Aba, i-tsek nyo siya—baka KUNG NAPAANO nayan!

----$$$--
MAY panibagong “bomba” ang oposisyon.
Kapag nagsalita na si ex-Chief Justice Artemio Panganiban.
At nagbunyag na rin si ex-Navy Chief Mateo Mayuga.

-----$$$--
NAPAKALINAW na NAG-AKSAYA ng bilyong pisong KUWARTA ng bayan ang gobyerno kaugnay ng CON-ASS at PEOPLE’S INITIATIVE.
Kongretong ebidensiya ito ng GRAFT and CORRUPTION.

Meri Krismas po!

Merry Christmas po!