Wednesday, October 31, 2012

MAY KALULUWA KA BA?


MARAMI ang nagtatanong, naniniwala daw ba tayo sa kaluluwa?
Mahirap sagutin yan.
Pero ang tanong ay may kaugnayan sa doktrina ng bawat relihiyon.
Kung ang isang tao ay hindi naniniwala sa kaluluwa, nangangahulugan na wala siyang relihiyon.
Bakit?
Sa personal kong paniniwala, ang paniniwala sa KALULUWA ay kakambal sa paniniwala at pananampalataya na mayroon isang Diyos.
Malinaw  ngayon—ang aking sagot.
Dahil isa akong debotong Katoliko, naniniwala ang inyong abang-lingkod sa KALULUWA.
Ganun lang kasimple ang sagot dun.

---$$$--
SA totoo lang, komplikado ang tanong kapag hindi sa ganyang sistema sinagot ang naturang pag-urirat.
Luminaw lang, kasi’y ikinambal ko ito sa pagkakaroon ng Diyos.
Ang depinisyon kasi ng RELIHIYON—ay ang organisadong pag-unawa sa RELASYON ng KALULUWA ng TAO at Diyos.
Medyo iba ang ating depinisyon kaysa sa popular na depinisyon ng mga pari at pastor.
Sa mga pari at pastor, imbes na KALULUWA—ang ginagamit nila ay RELASYON ng “TAO” at DIYOS”.
Kapag yan ang ginamit ko, magiging komplikado at mahihirapang unawain ang aking sagot.
Ang pagiging “tao” kasi ay masalimuot.
Maraming aspekto ito na hindi mismo nauunawaan ng mismong tao.
Kapag ang isang tao ay hindi naniwala sa Diyos, madaling sabihin na hindi siya naniniwala sa KALULUWA.

------$$$--
PERO, aaminin ko, hanggang ngayon ay nagsasaliksik ako kung ano ba talaga ang kaluluwa at ano rin ang Diyos?
Sa personal na pagsasaliksik at pagsusuri sa mga personal kong kaibigan na  HINDI NANINIWALA sa Diyos, naikakambal ko rin na hindi sila naniniwala sa KALULUWA.
Nag-uugat ang pagdududa sa pagkakaroon ng Diyos sa pagdududa sa pagkakaroon ng kaluluwa.
Mahirap malaman kung may DIYOS o wala—kasi’y hindi natin alam kung saan siya MATATAGPUAN.
Pero, ang KALULUWA kung susuriin mo, pag-aaralan mo at hahanapin mo—ay madali mong MASUSUMPUNGAN.
Bakit?
Taliwas sa Diyos na hindi mo alam kung nasaan, ang KALULUWA—ay alam na alam mo kung saan matatagpuan—ito ay hindi ba’t nasa SARILI mong pagkatao?
Hindi mo na kailangang magtanong sa ibang tao, kung ikaw ay nagtatanong at naghahanap sa KALULUWA.
Dapat ay alam mo , nauunawaan mo, at nararamdaman mo ang iyong KALULUWA.
Kapag hindi mo nararamdaman ang KALULUWA—gayung “MAYROON KA”, malinaw na hindi mo rin mararamdaman ang DIYOS.
Pero kapag nauunawaan mo at nararamdaman mo ang sarili mong kaluluwa, walang duda, MAYROON KANG DIYOS.

-----$$$--
MAY  akong kaibigang matalik na isang DOKTORADO at isang SCIENTIST, duda ako kung mayroon siyang DIYOS.
Hindi ko siya masisisi, dahil sa aking pagsasaliksik, maraming SCIENTIST ang hindi naniniwala sa EXISTENCE ng Diyos.
Iisa lang ang paliwanag ko, maaaring hindi sila naniniwala sa Diyos dahil wala silang makitang physical evidence sa pagkakaroon ng Diyos.
At naido-double check nila ang paniniwalang WALANG DIYOS, kasi’y wala rin silang makitang physical evidence sa pagkakaroon ng KALULUWA o mismo sa “pagkakaroon nila ng sariling kaluluwa”.
Maaaring bigo sila sa pagtuklas ng ebidensiya sa DIYOS—kasi’y hindi nila alam kung saan ito matatagpuan.
Ang nakapagtataka, kung ang KALULUWA ay nasa BAWAT nilalang, bakit ang mga SCIENTIST ay hindi makatuklas ng physical evidence sa pagkakaroon ng KALULUWA—gayun dapat ay naroon ito sa kanilang PAGKATAO.

-----$$$--
SA ngayon, abalang-abala ang pinakahuhusay at pinakadalubhasang scientist sa pag-e-experiment sa Large Hadron Collider sa dambuhalang laboratoryo na sa kailaliman ng mga bulubundukin sa Europe.
Naghahanap sila ng physical evidence sa tinatawag na HIGGS BOSON o mas kilala bilang GOD’S PARTICLE.
 Binansagang itong GOD’S PARTICLE—sapagkat mauunawaan na nila kung bakit ang isang bagay o MATTER—ay nanatiling buo at patuloy na GUMAGALAW—tulad ng LIVING THINGS.
Pero, hindi sinasabi sa ulat na “HINAHANAP NILA ANG DIYOS”, kundi ginamit lang nila ang pangalan ng DIYOS—sa isang bagay na walang ebidensiya at hindi nila MAUNAWAAN NANG LUBOS.
Isang makabuluhang araw ng mga PATAY at Araw ng Kaluluwa sa inyong lahat—may KALULUWA man kayo o wala.
(BISTADO NI KA AMBO column, Bulgar Newspaper, Nov. 01, 2012 issue. UNEDITED. Cc: bistado.blogspot.com/ bistadokamao@yahoo.com/ bistadoniambo on twitter/ 09173525272).

GESTA: NEW FLASH ELORDE



BILIB na bilib si US boxing trainer kay Manny Pacquiao kasi’y nasa hustong kondisyon gayung naglalagare ito sa daigdig ng telebisyon at politika.
Pinakaaabangan kasi ng buong daigdig at maging ng 95 milyong Pinoy ang kanyang megafight laban kay Mexican legend Juan Manuel Marquez sa  ikaapat na pagkakataon.
Kasabay nito, marami ang nagtatanong sakaling talunin ni Pacquiao si Marquez at talunin din ang nag-aantay na si Floyd Mayweather, dapat na itong magretiro nang may MARANGYANG PAGWAWAKAS sa kanyang boxing career.
Ang tanong: Sino ang papalik sa pedestal na iiwanan ni Pacman?
Ang sagot ay malalaman natin sa naturan ding boxing card sa Disyembre 8 sa MGM Grand sa Las Vegas, Nevada.
Minarkahan kasi ni Bob Arum na CO-HEADLINER ng Pacquiao-Marquez ultimate bout—ang laban ng wala pang talong  Cebuano na si Mercito Gesta kontra kay International Boxing Federation (IBF) lightweight champion Miguel Vasquez ng Mexico.
Malinaw na ang bakbakan sa Immaculate Concepcion Day sa Disyembre 8---ay tatawaging Philippines vs Mexico  world war.
Matagal nang nage-ensayo ang dating kickboxing at muay  thai international champion na si Gesta kung saan tinalo niya ang lahat ng 26 isa  niyang katunggali at hindi rin siya kailanman naging amateur fighter bagkus diretso sa pagiging professional.
Hinasa siya ng kanya ama na si muay thai world championship veteran Anecito Gesta nang siya ay isa pang paslit sa sarili nilang martial arts gym sa Mandaue City, Cebu.
Sariwa pa si Vasquez sa isang split decision win sa tigasing din si Marvin Quintero kung saan umabot ang laban sa nakapapagod na 12 rounds bago kinausap siya ng Top Rank upang harapin si Gesta sa Disyembre 8.
Nag-ensayo ngayon si Gesta sa marangyang Big Bear Mountains resort sa California kung saan nagsasanay din si Miguel Cotto.
Sa maniwala kayo o sa hindi, makaka-SPAR ni Cotto mismo si Gesta sa naturang mountain resorts.
Itinuturing ng mag-amang Gesta na natupad sa Disyembre 8 ang isang dream fight dahil ito ang kauna-unahang kampeonato na kanilang sasabakan kung saan magbibigay-daan din para makamit ang isang PANGARAP NA MATAGAL NANG NAIS MATUPAD—maging world boxing champion.
May mga nagsasabi na hindi angkop na sabihin, si Gesta ang susunod sa yapak ni Pacquiao  dahil ang Kongresista ay unang nagkampeon sa mababang timbang na flyweight division taliwas sa Mandaue hero na isang lehitimong lightweight.
Ikinukumpara silang dalawa dahil pareho silang kaliwete, pero nalimutan nang lahat na isa ring KALIWETE ang maalamat na si Gabriel “Flash” Elorde na naghari sa LIGHTWEIGHT DIVISION sa loob ng pitong taong singkad.
Kung ikukumpara, mas dapat kilalanin si Gesta bilang kapalit ni Flash Elorde, hindi lang dahil sa pagiging kaliwete, pagiging lightweight fighter kundi dahil sa pagiging SCIENTIFIC BOXER—at isang tunay na DUGONG CEBUANO.
Sa inyo, Gesta at Pacquiao—mabuhay!!
Kayo ang buhay na bayani ng ating henerasyon!!
(EDITORIAL  NI KA AMBO column, Bulgar Newspaper, Nov. 01, 2012 issue. UNEDITED. Cc: bistado.blogspot.com/ bistadokamao@yahoo.com/ bistadoniambo on twitter/ 09173525272).

Friday, October 26, 2012

TUWID NG DAAN NG MGA MAYAYAMAN


WALANG puso ang administrasyong Aquino.
Kasi’y hindi ito natitinag sa planong isapribado ang mga  government hospitals.
Nagrereklamo hindi lang ang mga tao mula sa hanay ng mga nagdarahop kundi maging ang mga hospital personnel na madidispalinghado ang maayos na paghahanap buhay.
Sa panahon ng administrasyon ni dating Pangulong Marcos, takbuhan ng mga mahihirap ang mga government hospital na East Avenue Medical Center; Philippine Heart Center ; at  Philippine Orthopedic Center pero ngayon ay binabalak itong isapribado.
Hilong talilong ang mga hospital workers kabilang ang mga doktor, narses at ordinaryong kawani dahil sakaling ibenta  ito sa  pribadong sektor, walang duda na mawawalan sila ng matatag na mapagkakikitaan.
Ang kanilang termino o pagtatrabaho nang matagal sa naturang establisimyento ay mauwi sa abo at madidiskaril din ang kanilang hinaharap kung saan tuwirang apektado ang mga umaasa sa kanila na miyembro ng pamilya.
Ang mga pasyente namang mula sa hanay ng mahihirap ay hindi na magagawang mabiyayaan ng serbisyo sa mga naturang ospital dahil wala silang kakayahang magbayad nang malaki.
Lalabas ngayon na ang mga dating ospital na pag-aari ng gobyerno ay makokontrol na ng mga negosyante na ang tanging hangad ay magkamal ng salapi at hindi upang saklolohan ang mga may sakit.
Nagaganap ito kasabay din ng pagpapahintulot  ng administrasyong Aquino sa mga state universities and colleges na maningil din ng singil sa mga estudyante na dati-rating nabibiyayaan ng libreng pag-aaral.
Kung ang mga dating government hospital at government schools ay pinapayagan nang maningil, saan direksiyon patungo ang Tuwid na Daan?
Hindi ba’t ito ay daan pabor sa mga mayayaman imbes na pabor sa mga nangangailangan?
(EDITORIAL  ni Ka Ambo, Bulgar newspaper, Oct. 27, 2012 issue, UNEDITED. Cc. bistado.blogspot.com/ bistadokamao@yahoo.com/ bistadoniambo on twitter/ 09173525272)

ANTI-DYNASTY BILL: KAMANGMANGAN



MASELAN din ang isyu hinggil sa Anti-Dynasty bill.
Marami ang hindi nakakaunawa nito.
Kapag pinagtibay ang panukalang batas na ito, lalabas na HINAHATULAN agad natin ang “isang tao” batay sa “personalidad” ng ibang tao.
Kung gayon, hindi makatao ang “batas na ito”.
Wala tayong karapatan na “SAGKAAN” ang karapatan ng isang indibidwal batay sa “kanyang dugo o lahi”.
Hindi ito nalalayo sa “diskriminasyon”.
Ang isang PAMILYA—ay maikukumpara rin sa isang “lahi o nasyon”.
Ibig sabihin, para mo na ring sinabi na hindi puwedeng “mamuno” sa Pilipinas nang magkasunod na taon—ang isang BIKOLANO o isang Ilocano o isang Tagalog o isang Bisaya.
Hindi ba’t isang klase rin yan ng “racial discimination”?

----$$$-
BUKOD dito, hinahatulan agad natin na kapag “masama ang ama o anak, MASAMA ang lahat ng kanilang KAMAG-ANAK”.
Hindi tama ang ganitong klase ng pagtingin sa pagkatao ng isang inbidwal.
Ang panukalang pagsasabatas ng “anti-dynasty bill”---kahit pa itinatadhana ng Konstitusyon—ay isang KAMANGMANGAN.
Ang naturang probisyon sa Konstitusyon ay “bunga lamang ng pagkamuhi” ng mga may-akda nito sa isang PAMILYA na inaakala nilang magdidikta ng liderato sa ating bansa.
Kung ang isang desisyon—ay bunga ng GALIT, MUHI o INGGIT—isang paglabag ito sa “karapatan ng bawat nilalang” na maging patas sa pagtingin ng kapwa tao.

-----$$$---
ISANG negatibismo ito o PESIMISTIKONG pananaw.
Inaakala ng ilan na laging MASAMA ang bawat tao at ang grabe, hinahatulan din masama ang KAMAG-ANAK.
Sa tradisyon at kultura sa iba’t ibang sibilisasyon—ay HINDI IMORAL na maluklok sa puwesto ang magkakalahi.
Kung susuriin ang kasaysayan at maging ang kasaysayan sa Bibliya, MAS MORAL—na maging lider ng isang nasyon—ang  kadugo ng mga naunang lider.
Ibig sabihin, mas WALANG BATAYAN ang “anti-dynasty bill” kompara sa pagpapalit ng lider—batay sa DAYNASTIYA.

-----$$$---
SA bibliya at sa ibang kasaysayan, talagang INUUGAT kung sino ang kalahi ng mga NAUNANG LIDER upang siya ang SUPORTAHAN  ng nakararaming mamamayan.
Iyan din ay suportado ng SIYENSIYA.
Sa prinsipyo ng GENETICS, ang genes na nanalantay sa isang lahi ay maaaring sabihin—GENES ng mga DAKILANG LIDER.
Kung gayon, labag sa  tradisyon at labag sa SIYENSIYA ang “anti-Dynasty bill”.
Maunawaan sana ito ng ordinaryong mamamayan partikular ng mga MAMBABATAS.
(BISTADO ni Ka Ambo column, Bulgar newspaper, Oct. 27, 2012 issue, UNEDITED. Cc. bistado.blogspot.com/ bistadokamao@yahoo.com/ bistadoniambo on twitter/ 09173525272)

Thursday, October 25, 2012

CARDINAL TAGLE:1ST FILIPINO POPE


NAKAMAMANGHA ang natatanggap na biyaya ng Pilipinas sa larangan ng ispiritwalidad pero dinededma lang ng maraming Pinoy.
Matapos, ideklara ng  Vatican City bilang pinakabagong BANAL o SANTO ng Simbahang Katoliko si San Pedro Calungsod, iginawad naman ni Pope Benedict VI ang pagiging CARDINAL kay Manila Archbishop Luis Antonio Tagle.
Sa edad 56, si Tagle ay naging ikalawang pinakabatang Cardinal kung saan paboritong maging SANTO PAPA sa mga susunod na panahon.
Maging si Tagle ay nasorpresa nang ihayag ni Pope Benedict na siya ay hinihirang niyang Cardinal at personal niyang kinatawan sa Synod of Bishops kung saan nakatokahang mag-pormula ng napapanahong doktrina ng Simbahang Katoliko.
Ipinakita ni Tagle na hindi nagkamali ang Santo Papa sa pagpili sa kanya bilang bise presidente ng kumbensiyon ng mga bishop sa buong daigdig nang himukin niya ang mga dumalo dito sa iisang prinsipyo sa paglalaganap ng ebanghelyo.
Buong ningning niyang hinimok ang mga dumalo na yakapin ang prinsipyo ng PAGPAPAKUMBABA bilang pinakamatalas na armas sa pagpapalaganap ng mga salita ng Diyos.
Binigyan-diin ni Tagle na ang pagpapakumbaba at taimtim na pagdama ng pangangailangan ng mga deboto ang siyang pinakamabisang kasangkapan sa pagpapalaganap ng doktrina ni Hesukristo.
Hiniling niya sa lahat na aminin ang mga pagkukulang, humingi ng patawad sa mga pagkakasala at iwasan ang paghahambog at paging arogante ng mga desipulo ng  Simbahang Katoliko upang mabilis na maikalat ang ebanghelyong ipinangangaral mismo ni Hesus.
Dahil dito, marami ang nagsasapantaha, na sa malaon at madali, magiging paboritong aspirante si  Tagle sa puwesto iiwanan ni Pope Benedict VI sa mga susunod na panahon.
Sa iyo, Cardinal Tagle. Haleluyah, Kasihan ka nawa ng Panginoon!!!
(EDITORIAL  ni Ka Ambo, Bulgar newspaper, Oct. 26, 2012 issue. UNEDITED. CC: bistado.blogspot.com/ bistadokamao@yahoo.com/ bistadoniambo on twitter/ 09173525272)

GRABE BA ANG SAKIT NI PNOY?


KINUMPIRMA ng Malacanang na may sakit si PNoy.
Ano ang ibig sabihin nito?
Hindi na NAG-IISA si Ate Glo.
Pareho na silang MAYSAKIT ngayon.

----$$$--
IKINATWIRAN ng mga tagapagsalita ng Malacanang na “hindi seryoso” o hindi isang grabeng sakit ang nararanasan ni PNoy.
Hindi ba ninyo natatandaan, na GANYAN-NA-GANYAN din ang katwiran ng tagapagsalita rin ni dating Pangulong Gloria Macapagal Arroyo tuwing magkakasakit nang panahon hawak niya ang poder?
Talagang PAREHONG-PAREHO sila.

-----$$$--
MAY bumubulong sa likuran.
Hindi kaya naka-KARMA si PNoy dahil sa pang-iinsulto sa “maysakit” niyang karibal sa politika?
Mahirap sagutin yan.

----$$$--
MAS mainam ay seryosong suriin natin ang sitwasyon imbes na sagutin ang naturang maselang tanong.
Dapat nating maunawaan na ang mga “nararamdaman” HINDI GRABENG SAKIT—ay maaring ituring na SINTOMAS ng mas malalang sakit na hindi pa “natutuklasan”.
Kumbaga, yung itinatagong “sakit ni Ate Glo” noon—ay napatunayan nating SERYOSONG sakit ngayon.
Ibig sabihin, walang makapagsasabing “malusog si PNoy” hanggang hindi siya isinasailalim sa isang masinsinang EXECUTIVE CHECKUP.

-----$$$--
SA totoo lang, ganyan din ang sitwasyon dati ni dating Pangulong Marcos, hindi rin ibinubunyag ang “seryosong sakit” at ipinagkikibit-balikat ang mga SINTOMAS.
Nang lumaon,  nakumpirmang “grabe” ang sakit ni dating Pangulong Marcos.
Sina Marcos, CGMA at PNoy—ay iisa lang ang sitwasyon.
Kahit may grabeng sakit, hindi maaring IKUMPIRMA o ibunyag ang sitwasyon.
Bakit?
Iisa lang ang paliwanag: Isa itong NATIONAL SECURITY CONCERN na dapat nating maunawaan.

-----$$$---
MAY maselang tanong.
Sino ang mas malusog ang katawan habang nakaupo sa Malacanang kina Marcos, Arroyo at PNoy?
Si Marcos ay isang bodybuilder at  may athletic built, pero tinamaan pa ng LUPUS.
Si Ate Glo ay anak-mayaman at walang BISYO—pero nabali ang LEEG.
Pero si PNoy—ay chain smoker at binatang WALANG MAG-AALAGANG ASAWA at  MAGULANG.
Kayo na ang humatol kung sino ang MAS MALUSOG!!!

-----$$$--
ANO ba talaga ang kumpirmadong nararamdamang sakit ni PNoy batay na rin sa pag-amin ng kanyang mga ayudante?
Una, may BRACE ang kanyang braso.
Inaamin at kinumpirma yan ng Malacanang.
Ikinatwiran na ang PANANAKIT o PILAY sa braso ay simpleng SANHI sa sobrang dami ng mga PINIPIRMAHANG DOKUMENTO.
Sa dinami-rami ng naging PANGULO ng mga bansa sa buong daigdig—bakit si PNoy lang ang nag-LAGAY ng BRACE?

-----$$$---
IKALAWA, kinumpirma na SUMAKIT ang tiyan ni PNoy habang nasa Australia at New South Wales.
Sa sobrang sakit, hindi siya nakadalo sa MASELANG okasyon pero naunawaan siya ng mga DIGNITARIES.
Kung simpleng sakit ng tiyan ang kanyang naranasan---alam ng kahit sinong doktor na  ang simpleng gamot dito ay “OMEPRAZOLE”.
Pwede siyang uminom ng generic na PROTONIX, pero ang pinakamabisa ay 40 mg ng NEXIUM.
Kapag ininom niya yan, WALANG DUDA—tanggal ang pananakit ng sikmura.
Dapat ay nakadalo siya sa MAHALAGANG OKASYON sa isang “maselang diplomatic meeting”.

-----$$$---
BATAY sa mga eksperto at  kahit i-GOOGLE ninyo,  lumalabas ang sintomas ng mga sakit—sa iisang simpleng dahilan—MAHINA ANG IMMUNE SYSTEM.
Ibig sabihin, sa inisyal na diagnosis, walang duda na MAHINA ang immune system ni PNoy.
Kapag mahina ang immune system, sasamantalahin  ito ng mga VIRUS at BACTERIA.
Diyan lilitaw, hindi ang TUNAY na sakit na karaniwang nakatago, kundi ang mga SINTOMAS lamang na karaniwang DINEDEDMA lang.

----$$$--
BAKIT humihina ang immune system?
Isang mahalagang tanong ito na dapat maunawaan ng ordinaryong tao ang sagot.
UNA, mahina ang immune system dahil maaaring PUWERSADO ito dahil mismo sa grabeng sakit. Ibig sabihin, dinadaig o tinatalo siya ng mismong mababagsik na virus at bacteria.

----$$$---
IKALAWA, humihina ang immune system, dahil sa mga pagpupuyat, matinding pagod, malnutrisyon, kakapusang pag-inom ng malinis na tubig, at kawalan ng exercise.
Simple lang yan, pero maraming nagkakasakit dahil diyan.

----$$$---
IKATLO, dispalinghado ang immune system dahil na rin sa masasamang bisyo—tulad ng pagka-adik sa sigarilyo, sobrang pag-inom ng alak o paggamit ng iba’t ibang klase ng DROGA.
Napatunayang totoo yan, batas mismo sa press release ng mga nagsusulong ng SIN TAX bill.

-----$$$--
IKAAPAT,  isa sa matinding dahilan ng paghina ng immune system ay ang tension, stress o pressure—sa isip, emosyon at kaluluwa.
Napupuwersa ang isip kapag maraming nilulutas na problema o palaisipan o sitwasyon—partikular ang mga  ehekutibo o boss sa isang opisina, pero mas grabe kung ikaw ang PANGULO ng bansa.
Napupuwersa ang emosyon, dahil sa matagal nang naranasang TRAUMA na natatakot maulit muli; kawalan ng karelasyon o damdamin bilang isang NAGMAMAHAL o MINAMAHAL; sobrang pagkamuhi sa kapwa, matinding galit o balak na paghihiganti; at maaari ring pagdududa sa mga kasama o mismo sa “sariling personalidad” at paghihinagpis nang walang dahilan.
Napupuwersa ang kaluluwa o ispiritwalidad sa kababawan ng PANANAMPALATAYA mismo sa kinaaanibang sekta o relihiyon; kababawan sa pag-unawa kung ano ang kanyang relasyon sa kanyang Diyos at pagdududa mismo kung ano ang depinisyon ng Diyos; pero ang pinakamabigat—napupuwersa ang kaluluwa—dahil sa serye ng pagkakamali kung saan napahamak ang kapwa tao o isang KASALANANG MORTAL na hindi niya naikumpisal.

----$$$--
IKALIMA, mahina ang immune system dahil sa genetics o GENES.
Ibig sabihin, likas na mahina ang immune system dahil mahina rin ang immune system ng kanyang mga ninuno o ang tinatawag na HEREDITY.

----$$$--
TINALAKAY natin ito, hindi upang ilihis o bigyan ng ibang pakahulugan ang NARARAMDAMANG sakit ni PNoy, bagkus ay upang mabigyan natin ang ating MAMBABASA kung paano natin UUNAWAIN ang ating mga lider.
Sa masususing pagsusuri sa ating  binanggit sa itaas, mauunawaan din natin ang ating SARILI at ang ating kapwa KUNG BAKIT nagkakasakit.
Kung may iba kayong tanong tungkol sa sakit ni PNoy—kung ito ba ay sanhi lamang ng pagod o sintomas ng MAS GRABENG sakit, kayo na lang ang sumagot—batay sa pagtalakay natin sa itaas.
(BISTADO column ni Ka Ambo, Bulgar newspaper, Oct. 26, 2012 issue. UNEDITED. CC: bistado.blogspot.com/ bistadokamao@yahoo.com/ bistadoniambo on twitter/ 09173525272)

Saturday, October 06, 2012

ST. THERESE: HIMALA SA BULAKLAK


KAPIYESTAHAN ngayon ni St. Therese of the Child Jesus.
Siya ang patron ng mga paslit.
Isa siyang PASLIT na naging SANTA.
Siya ang pinakahuling nabuhay na Santa sa ating panahon.
Kilala si St. Therese sa pagsasaboy ng bulaklak bilang pagpapadama na narinig niya ang iyong DASAL.

----$$$--
MASUWERTENG  nakapanirahan ang inyong abang-lingkod sa dating housing site ng Philippine Air Force sa Brgy. Villamor Air Base, Pasay City dahil tagarito ang naging maybahay ko.
Ipinagdiriwang ngayon ang KAPISTAHAN ni St. Therese na ginaganap tuwing unang linggo ng Oktubre, nagkataon  naman na kaarawan aking misis kahapon, Oktubre 6 kung saan itinuturing kong PINAGTIYAP ng pagkakataon.
Isa rin ito sa itinuturing na milagro sa aking buhay.

-----$$$--
LINGID sa kaalaman ng marami, tuwing magagawi o mapupunta ako sa ibang lugar na malayo sa aming tahanan sa Balagtas, Bulacan—ang una kong regular na pinupuntahan ay ang Simbahang Katoliko.
Mahigit nang limang taong ginawa ang St. Therese Church sa Villamor, mas kilala ngayon bilang World Resort area o New Port City kung saan makikita ang pinakamagarbong CASINO sa buong Pilipinas,  ala-Las Vegas.
Dito lang din matatagpuan ang mahigit limang 5-Star hotel kabilang ang world famous na Marriot Hotel at gusa-gusaling world class condominiums.
Mula sa aming bahay sa “baryo ng Villamor” ay araw-araw kong nilalakad ang naturang lugar sa tapat ng NAIA Terminal 3.
Ngayong buwan ng Oktubre na buwan ng Banal na Rosaryo, higit na makabuluhan ang aktibidad sa naturang lugar dahil sumasabay ang kapiyestahan ni St. Therese of Lycea, France.
At sa personal kong buhay, kasabay din ang kaarawan ng aking maybahay!!

-----$$$--
ISANG  hindi nating malilimutang karanasan ay naganap, halos limang  na taon ang nakararaan.
Wala tayong matatag na hanapbuhay noon at bagong lipat ng tirahan kung saan dumaranas ng pinakamatinding pagsubok sa buhay.
Hindi ko alam noon kung kailan matatapos ang personal na problema na hindi ipinagtatapat sa  aking maybahay at lalo na sa  anak kong may tatlong-taong gulang lamang.
Kasalukuyang pang ginagawa noon ang malalaking gusali dito at maging ang kalye at ang simbahan ng St. Therese ay hindi pa nakokompleto.
Magpa-Pasko noon, tuwing umaga akong nagsisimba.
Tulad sa ordinaryong deboto, nag-aantay ako ng senyales kung naririnig ba o hindi ang aking dasal sa ITAAS.
Ang alam ko noon, kapag narinig at may senyas na matutupad ang iyong KAHILINGAN—batay sa kuwento, mag-PAPADALA SA IYO NG SARIWANG BULAKLAK si St. Therese--- makakatanggap ka o may magbibigay sa iyo ng white flower.
Malapit nang matapos noon ang taon, at bilang na ang araw sa Disyembre, pero wala akong natatanggap na PAHIWATIG mula kay St. Therese.
Huling pag-asa ko na lamang noon ay ang SIMBANG GABI.
Sinisikap kong gisingin ang misis ko at ang aking unico-hijo sa madaling araw upang makompleto  ang pinakabanal at pinakapopular na NOVENA sa Simbahang Katoliko.
Nakaka-anim na araw na kami ng Simbang Gabi, iisa lang noon ang aking hinihiling—bigyan ako ng senyas na MARERESOLBA at matutupad ang aking dasal—iyan ay makatanggap ako ng bulaklak.
Hindi ko alam noon kung paano ako makakatanggap ng aktuwal at sariwang bulaklak, pero bagaman may konting duda, ipinagpatuloy ko ang pagsisimba.
Huling misa na sa madaling araw noon ng MISA DE GALLO—hindi ko pinahalata sa misis ko ang aking lungkot, kasi’y wala akong natanggap na sariwang BULAKLAK.
Pero, sa bisperas ng PASKO kinagabihan, dumalo pa rin kami sa BANAL NA MISA sa Noche Buena bandang 11:30 ng gabi bilang pagsalubong sa kaarawan ng Dakilang Lumikha.
Iisa pa rin ang dasal ko, magparamdam si St. Therese ng kanyang SENYAS na naririnig niya ang aking dasal.
Ilang minuto bago matapos ang Banal na misa sa Kapaskuhan, dakong 12:18 ng madaling araw,  lumapit ang aking unico-hijo na si Rainier na noon ay 3-anyos lamang.
“Daddy, daddy, Merry X’Mas, eto ang gift ko sa iyo,” patakbo na lumapit sa akin ang aking anak sabay abot ng “punpon ng mumunting bulaklak na kulay busilak”.
“Sa iyo na lang po itong flower, para sa iyo yan, pinitas ko po sa tabing bakod ng simbahan”.
Naluha ako!!!
Naramdaman kong bigla--- na may katapusan ang aking problema.
Noon at hanggang ngayon, natitiyak kong  naghihimala si St. Therese!!!
Happy Fiesta po sa mga deboto!.
(BISTADO ni Ka Ambo column, Bulgar newspaper, Oct. 07, 2012 issue, UNEDITED. CC. bistado.blogspot.com/ bistadokamao@yahoo.com/ 09173525272/ bistadoniambo on twitter)

P101B NAKAW: TUWID NA DAAN NI "LORD"


NASORPRESA  mismo ang Malacanang sa ulat mismo ng Commisison on Audit (CoA) na aabot sa P101 bilyon ang nalustay sa mga kaduda-dudang transaksiyon sa taong 2011---sa panahon ng “Tuwid na Daan” ni PNoy.
Isang ebidensiya ito na  hindi nagmula sa mga kritiko ni PNoy bagkus ay nagmula sa isang constitutional body na natokahan ng Konstitusyon na magbantay sa  katiwalian.
Pero, imbes na iutos ng Malacanang ang malawakang imbestigasyon at atasan ang CoA na ilatag ang ebidensiya at kasuhan ang mga nasasangkot, nagdepensa lamang ang Palasyo.
Hindi naman masama na mabunyag na may katiwalian sa gobyerno—sapagkat lahat naman ng  pamahalaan sa buong daigdig ay talagang yan din ang problema.
Ang masama ay pagtakpan ito , itago at itatwa gayung isa itong realidad sa isang demokratikong gobyerno tulad sa Pilipinas.
Ang dapat ay tiyakin, tukuyin at aminin na may katiwalian—upang maresolba ito, mapigil, mabawasan at masolusyunan.
Kapag hindi tinatanggap ng Malacanang na may katiwalian, may kabulastugan at may pagnanakaw sa ilalim ng Tuwid na Daan—iyan ang NAPAKASAMA.
Kumpirmasyon ito ng pagiging IPOKRITO at panloloko sa taumbayan.
Taliwas din ito sa ipinangangalandakan na TRANSPARENCY at ACCOUNTABILITY na pinasikat ng yumaong si DILG Sec. Jesse Robredo.
Gusto bang palabasin ng Malacanang na “walang katiwalian” sa ilalim ng Administrasyong Aquino?
Isang kahangalan yan!
Ang katiwalain ay kakambal ng pagiging tao.
Kung ikaw ay namumuno sa kalipunan ng mga tao—asahan mo ang katiwalian. Hindi ito napipigil, pero dapat na iutos ang pagdidisiplina at pagpaparusa.
Pero, kung ikaw ay namumuno sa kalipunan ng mga ANGHEL—pwede mong sabihin na WALANG KATIWALIAN.
Kwidaw, dapat nating maunawan na si Lucifer a.k.a. Satanas , a,k.a. “Demonyo”—ay isa ring “anghel”.
Ibig sabihin, maging ang “anghel” ay nagkakasala rin.
Sino ngayon  si PNoy o ang Malacanang para magsabing: “Walang katiwalian” sa kanyang nasasakupan?
Siya ba o kayo ba ay Diyos?
Kayo ba si Lord?
Tiyak na pagtatawanan lang  tayo ng  mga gambling lord at mga drug lord!!
(EDITORIAL  ni Ka Ambo column, Bulgar newspaper, Oct. 07, 2012 issue, UNEDITED. CC. bistado.blogspot.com/ bistadokamao@yahoo.com/ 09173525272/ bistadoniambo on twitter)

Thursday, October 04, 2012

MARTIAL LAW (1972-1981): MAY MALAYANG PAMAMAHAYAG

NAKATATAWA talaga ang Pinoy.
Sa katindihan ng batikos sa Pamilya Marcos, sinasabi nila na MASAMA ang pagkandidato ng magkakamag-anak, pero ngayon—yung mga bumabatikos, nagsipagsumite na rin ng kandidatura ang magkakamag-anak.
Iyan ang sinasabi natin na ang Pamilya Marcos ay biktima ng PROPAGANDA ng kanilang mga kritiko.
Unti-unti nang lumilitaw na hindi TOTOO      ang mga negatibong paglalarawan sa Batas Militar.
Ang sinasabi nilang MALI noon, ay napapatunayang TAMA ngayon!

-----$$$-
WALANG iniwan ito sa  “alam ng mga kabataan sa ngayon” na naimpluwensiyahan  ng PROPAGANDA ng mga anti-Marcos ay BAWAL daw ang pago-organize ng mga protesta, rally at demonstrasyon sa panahon ng Martial Law.
Hindi po totoo yan.
Ang inyong abang-lingkod ay nag-aaral ng Bachelor of Science in Mechanical Engineering sa Feati University sa pagitan ng 1975 hanggang 1979.
Alam ba ninyong ARAW-ARAW ang demonstrasyon noong sa Feati Campus?
Ang mga taga-MLQU ay dumadayo pa sa tabi ng gate ng Feati para magsanib ng puwersa.
Ang 4-storey building ng FEATI ay dati-rating walang “steel matting” ang mga bintana .
Sa panahon iyong, sa katindihan ng demonstrasyon sa loob ng campus—ay binabalibag ng mga nagpoprotestang estudyante ang mga silya o upuan na yari sa kahoy paibaba sa quadrangle kung saan nagtatalumpati gamit ang megaphone ang mga militanteng aktibista.
Noong 1975-1976 ay first year pa lang ako at pang-MORNING session ang kinuha kong mga subjects.
Karaniwang hindi naaapektuhan ng magulong “rally” ang morning session kaya’t nakararaos kami nang walang “cancellation of classes” sa katindihan ng protesta.
Nagsisimulang mag-ipon-ipon ang mga nagpoprotesta makapananghalian o dakong 12:30pm,. Unti-unting maiipon ang mga estudyante hanggang sa rumurok o tumodo ang dami ng nag-uusyoso dakong 4:00 at 5:00pm na aabot na hanggang gabi.
Karaniwang kanselado ang mga klase sa bandang hapon—at siyempre, madadamay na rin ang EVENING SESSION.
Noong taong 1978- 1979—ay nagpasya akong mag-SELF SUPPORTING nang makapasok akong TEAM leader ng Tax Mapping Team sa Provincial Assessors Office sa Malolos, Bulacan kaya’t pang-EVENING session ang pinili ko.
Matapos ang 5:00pm na trabaho ko sa Kapitolyo ng Malolos ay bibiyahe ako sakay ng Philippine Rabbit Bus hanggang Recto Avenue upang mag-aral dakong 6:30 to  7:00pm sa Feati.
Sa panahong iyon, ginagawa pa lamang ang LRT station at pagdating ko sa Feati ay inaabutan ko ang nagkalat na upuan at mga TSISMIS ng kaguluhan sa campus.
Ito ay isang aktuwal na PATOTOO (na maaari ninyong itanong sa mga magulang ninyo) na isang KASINUNGALINGAN na BAWAL ang PROTESTA, RALLY at  demonstrasyon sa panahon ng Martial Law—1972 hanggang 1981.
Sa totoo lang, sa kasaysayan ng Pilipinas—ang pinakamaraming bilang ng DEMONSTRASYON, piket o rally ng mga estudyante at OBRERO o “labor protest”—ay naganap sa mga panahong iyan.
Hinahamon ko ang mga kritiko ng Martial Law na patunayang MALI—ang datos na ito.
Buhay pa sa kasalukuyan ang mga SAKSI sa mga binabanggit nating ito.
Sige, magsalita kayo.
Sa panahon ng Batas Militar (1972-1981), mayroon tolerance sa PAMAMAHAYAG ng mga estudyante at mga OBRERO.
Hindi totoo ang PANINIRA—na bawal ang mag-organize o mag-PROTESTA ang mga estudyante at manggagawa sa panahon ng Batas Militar.
Isang malaking kasinungalingan iyan.
(BISTADO ni Ka Ambo column, Bulgar Newspaper, Oct. 05, 2012 issue. UNEDITED. CC. bistado.blogspot.com/ bistadokamao@yahoo.com/ 09173525272/ bistadoniambo on twitter.)

MARTIAL LAW (1972-1981: MAY MALAYANG PAMAMAHAYAG



NAKATATAWA talaga ang Pinoy.
Sa katindihan ng batikos sa Pamilya Marcos, sinasabi nila na MASAMA ang pagkandidato ng magkakamag-anak, pero ngayon—yung mga bumabatikos, nagsipagsumite na rin ng kandidatura ang magkakamag-anak.
Iyan ang sinasabi natin na ang Pamilya Marcos ay biktima ng PROPAGANDA ng kanilang mga kritiko.
Unti-unti nang lumilitaw na hindi TOTOO      ang mga negatibong paglalarawan sa Batas Militar.
Ang sinasabi nilang MALI noon, ay napapatunayang TAMA ngayon!

-----$$$-
WALANG iniwan ito sa  “alam ng mga kabataan sa ngayon” na naimpluwensiyahan  ng PROPAGANDA ng mga anti-Marcos ay BAWAL daw ang pago-organize ng mga protesta, rally at demonstrasyon sa panahon ng Martial Law.
Hindi po totoo yan.
Ang inyong abang-lingkod ay nag-aaral ng Bachelor of Science in Mechanical Engineering sa Feati University sa pagitan ng 1975 hanggang 1979.
Alam ba ninyong ARAW-ARAW ang demonstrasyon noong sa Feati Campus?
Ang mga taga-MLQU ay dumadayo pa sa tabi ng gate ng Feati para magsanib ng puwersa.
Ang 4-storey building ng FEATI ay dati-rating walang “steel matting” ang mga bintana .
Sa panahon iyong, sa katindihan ng demonstrasyon sa loob ng campus—ay binabalibag ng mga nagpoprotestang estudyante ang mga silya o upuan na yari sa kahoy paibaba sa quadrangle kung saan nagtatalumpati gamit ang megaphone ang mga militanteng aktibista.
Noong 1975-1976 ay first year pa lang ako at pang-MORNING session ang kinuha kong mga subjects.
Karaniwang hindi naaapektuhan ng magulong “rally” ang morning session kaya’t nakararaos kami nang walang “cancellation of classes” sa katindihan ng protesta.
Nagsisimulang mag-ipon-ipon ang mga nagpoprotesta makapananghalian o dakong 12:30pm,. Unti-unting maiipon ang mga estudyante hanggang sa rumurok o tumodo ang dami ng nag-uusyoso dakong 4:00 at 5:00pm na aabot na hanggang gabi.
Karaniwang kanselado ang mga klase sa bandang hapon—at siyempre, madadamay na rin ang EVENING SESSION.
Noong taong 1978- 1979—ay nagpasya akong mag-SELF SUPPORTING nang makapasok akong TEAM leader ng Tax Mapping Team sa Provincial Assessors Office sa Malolos, Bulacan kaya’t pang-EVENING session ang pinili ko.
Matapos ang 5:00pm na trabaho ko sa Kapitolyo ng Malolos ay bibiyahe ako sakay ng Philippine Rabbit Bus hanggang Recto Avenue upang mag-aral dakong 6:30 to  7:00pm sa Feati.
Sa panahong iyon, ginagawa pa lamang ang LRT station at pagdating ko sa Feati ay inaabutan ko ang nagkalat na upuan at mga TSISMIS ng kaguluhan sa campus.
Ito ay isang aktuwal na PATOTOO (na maaari ninyong itanong sa mga magulang ninyo) na isang KASINUNGALINGAN na BAWAL ang PROTESTA, RALLY at  demonstrasyon sa panahon ng Martial Law—1972 hanggang 1981.
Sa totoo lang, sa kasaysayan ng Pilipinas—ang pinakamaraming bilang ng DEMONSTRASYON, piket o rally ng mga estudyante at OBRERO o “labor protest”—ay naganap sa mga panahong iyan.
Hinahamon ko ang mga kritiko ng Martial Law na patunayang MALI—ang datos na ito.
Buhay pa sa kasalukuyan ang mga SAKSI sa mga binabanggit nating ito.
Sige, magsalita kayo.
Sa panahon ng Batas Militar (1972-1981), mayroon tolerance sa PAMAMAHAYAG ng mga estudyante at mga OBRERO.
Hindi totoo ang PANINIRA—na bawal ang mag-organize o mag-PROTESTA ang mga estudyante at manggagawa sa panahon ng Batas Militar.
Isang malaking kasinungalingan iyan.
(BISTADO ni Ka Ambo column, Bulgar Newspaper, Oct. 05, 2012 issue. UNEDITED. CC. bistado.blogspot.com/ bistadokamao@yahoo.com/ 09173525272/ bistadoniambo on twitter.)

PAANO MANALO SA ELEKSIYON (kahit walang datung)?


TULIRO na ang mga kandidato.
Pinaaga ang pagsusumite ng certificate of candidacy.
Ibig sabihin, opisyal nang kandidato ang mga nag-file ng COC.
Sa ayaw o sa gusto ng Comelec, magsisimula ang kampanya sa iba’t ibang posisyon sa gobyerno.
Mapipigil ba ng Comelec na magpasyal ang mga kandidato sa mga kamag-anak, kaibigan at mga kababayan?
Mapipigil ba ng Comelec ang libreng tsibog, painum o blowout upang makumbinse ang botante?
Mapipigil ba ng Comelec na magpaimprenta ng propaganda materials upang matandaan ang pangalan ng kandidato?
Mapipigil pa ng Comelec na gamitin ng kandidato ang diyaryo, radyo, telebisyon at internet?
Walang duda, aktuwal na magsisimula ang kampanyahan.
Masuwerte ang mga kandidatong may sobra-sobrang “dirty money”—hindi sila manghihinayang na ubusin ito sapagkat ninakaw at hindi nila ito pinaghirapan.
Ang kaawa-awa ngayon ay ang mga tunay na kandidato na ang gagamiting panggastos ay mula sa kanilang inipon o pinagpaguran sa nagdaang panahon.
Ang mabigat ay makatapat ng isang kandidato na may “clean money” ang isang karibal na may “dirty fund”.
Mauubos ang pinagpaguran ng pobreng “matinong kandidato” at pagtatawanan lang siya ng “hoodlum na kandidato” na hindi nauubusan ng salapi.
Ang tanong: May garantiya ba sa eleksiyon na laging panalo kung sino ang may PINAKAMARAMING SALAPI?
Ang sagot ay isang MALAKING HINDI.
Alam naman natin na NATALO ang No.1 millionaire sa Kongreso ng Pilipinas sa nagdaang 2010 presidential  election.
Ebidensiya ito na hindi lahat ng MARAMING PERA ay laging nananalo sa eleksiyon.
Sa mga lalawigan, natatalo rin ang MAYAYAMAN, yun nga lang, makaraang ang halalan, marami ang isina-SALVAGE at sinisisi ang mga biktima na NAGTRAYDORa dahil hindi tumalab ang kanilang salapi.
Ito ang tandaang ninyo: MAHALAGA ANG SALAPI, pero hindi ang SALAPI ang PINAKAMAHALAGA sa eleksiyon.
Ang pinakamahalaga pa rin ay TAKTIKA, estratehiya, diskarte at matalinong pagdedesisyon.
Kapag ang maraming salapi ay napasakamay ng BOPOL na kandidato, matatalo lang yan sapagkat hindi sila marunong GUMAMIT ng epektibong taktika.
Kahit kakaunti ang campaign fund ng isang kandidato, maari pa rin siyang magwagi pero kailangan niya ang MASINOP na taktika, matalinong desisyon at madidiskarteng tauhan.
Pinakamahalagang taktika ay ito: Kailangang “makikilala mo o makabisado” ang diskarte ng kalaban.
Kumbaga sa “Art of War” ni Sun Tzu, kapag “KILALA MO ANG KALABAN, KALAHATI  ng giyera ay NAIPANALO mo na”.
Ibig sabihin, masusing monitoring o paga-analisa ng taktika ng kalaban ang dapat matutuhan ng mga kandidato nang sa gayon—ay MASOLUSYUNAN o masagot agad ang atake ng katunggali.
Ito ang dahilan kung bakit nagtatanim ng “SPY” ang mga kandidato at namboboso ang mga mahuhusay na kandidato laban sa kanilang katunggali.
Dyan nasabit si dating US president Richard Nixon nang i-wiretapped nila ang WATERGATE—kung saan ay nagwagi siya sa election, pero nag-resign matapos masalang din sa isang “impeachment”.
Ang election ay isang napakagandang SINING, pero kapag napikon ang mga MAYAYAMANG kandidato---tanging solusyon nila ay ima-MASAKER ang mga sagwil sa kanilang ambisyon, tulad sa nasaksihan natin sa nagdaang MAGUINDANAO MASSACRE 2010.
(EDITORIAL  ni Ka Ambo column, Bulgar Newspaper, Oct. 05, 2012 issue. UNEDITED. CC. bistado.blogspot.com/ bistadokamao@yahoo.com/ 09173525272/ bistadoniambo on twitter.)

Paano manalo sa eleksiyon?


TULIRO na ang mga kandidato.
Pinaaga ang pagsusumite ng certificate of candidacy.
Ibig sabihin, opisyal nang kandidato ang mga nag-file ng COC.
Sa ayaw o sa gusto ng Comelec, magsisimula ang kampanya sa iba’t ibang posisyon sa gobyerno.
Mapipigil ba ng Comelec na magpasyal ang mga kandidato sa mga kamag-anak, kaibigan at mga kababayan?
Mapipigil ba ng Comelec ang libreng tsibog, painum o blowout upang makumbinse ang botante?
Mapipigil ba ng Comelec na magpaimprenta ng propaganda materials upang matandaan ang pangalan ng kandidato?
Mapipigil pa ng Comelec na gamitin ng kandidato ang diyaryo, radyo, telebisyon at internet?
Walang duda, aktuwal na magsisimula ang kampanyahan.
Masuwerte ang mga kandidatong may sobra-sobrang “dirty money”—hindi sila manghihinayang na ubusin ito sapagkat ninakaw at hindi nila ito pinaghirapan.
Ang kaawa-awa ngayon ay ang mga tunay na kandidato na ang gagamiting panggastos ay mula sa kanilang inipon o pinagpaguran sa nagdaang panahon.
Ang mabigat ay makatapat ng isang kandidato na may “clean money” ang isang karibal na may “dirty fund”.
Mauubos ang pinagpaguran ng pobreng “matinong kandidato” at pagtatawanan lang siya ng “hoodlum na kandidato” na hindi nauubusan ng salapi.
Ang tanong: May garantiya ba sa eleksiyon na laging panalo kung sino ang may PINAKAMARAMING SALAPI?
Ang sagot ay isang MALAKING HINDI.
Alam naman natin na NATALO ang No.1 millionaire sa Kongreso ng Pilipinas sa nagdaang 2010 presidential  election.
Ebidensiya ito na hindi lahat ng MARAMING PERA ay laging nananalo sa eleksiyon.
Sa mga lalawigan, natatalo rin ang MAYAYAMAN, yun nga lang, makaraang ang halalan, marami ang isina-SALVAGE at sinisisi ang mga biktima na NAGTRAYDORa dahil hindi tumalab ang kanilang salapi.
Ito ang tandaang ninyo: MAHALAGA ANG SALAPI, pero hindi ang SALAPI ang PINAKAMAHALAGA sa eleksiyon.
Ang pinakamahalaga pa rin ay TAKTIKA, estratehiya, diskarte at matalinong pagdedesisyon.
Kapag ang maraming salapi ay napasakamay ng BOPOL na kandidato, matatalo lang yan sapagkat hindi sila marunong GUMAMIT ng epektibong taktika.
Kahit kakaunti ang campaign fund ng isang kandidato, maari pa rin siyang magwagi pero kailangan niya ang MASINOP na taktika, matalinong desisyon at madidiskarteng tauhan.
Pinakamahalagang taktika ay ito: Kailangang “makikilala mo o makabisado” ang diskarte ng kalaban.
Kumbaga sa “Art of War” ni Sun Tzu, kapag “KILALA MO ANG KALABAN, KALAHATI  ng giyera ay NAIPANALO mo na”.
Ibig sabihin, masusing monitoring o paga-analisa ng taktika ng kalaban ang dapat matutuhan ng mga kandidato nang sa gayon—ay MASOLUSYUNAN o masagot agad ang atake ng katunggali.
Ito ang dahilan kung bakit nagtatanim ng “SPY” ang mga kandidato at namboboso ang mga mahuhusay na kandidato laban sa kanilang katunggali.
Dyan nasabit si dating US president Richard Nixon nang i-wiretapped nila ang WATERGATE—kung saan ay nagwagi siya sa election, pero nag-resign matapos masalang din sa isang “impeachment”.
Ang election ay isang napakagandang SINING, pero kapag napikon ang mga MAYAYAMANG kandidato---tanging solusyon nila ay ima-MASAKER ang mga sagwil sa kanilang ambisyon, tulad sa nasaksihan natin sa nagdaang MAGUINDANAO MASSACRE 2010.
(EDITORIAL  ni Ka Ambo column, Bulgar Newspaper, Oct. 05, 2012 issue. UNEDITED. CC. bistado.blogspot.com/ bistadokamao@yahoo.com/ 09173525272/ bistadoniambo on twitter.)

Wednesday, October 03, 2012

RA 10175:PAHAMAK SA NETIZENS


TULAD sa kalakaran sa facebook, pinaglalaruan ngayon ng mga Pinoy netizens ang Cybercrime Prevention Act na nagsimulang umiral kahapon.
Binababoy ngayon mismo ang naturang batas, yinuyurakan, iniinsulto at pinagtatawanan bilang isang basurang batas na isinusupalpal sa mga mamamayan ng modernong  henerasyon.
May nagmumura, may nagpo-post ng hubo’t hubad, at may naghahamon na idemanda sila ng libelo ng mga awtor ng naturang batas.
Malinaw na hindi epektibo ang naturang batas sapagkat pinagtatawanan lamang ito at dinededma lamang ng mga tunay na nakakaunawa ng batas –partikular sa batas sa libelo.
Anumang krimen ay dapat unang sinusuri kung ano ang intensiyon, motibo o malisya ng suspek o akusado.
Kapag walang maipapakitang ebidensiya na may motibo, may malisya o may masamang intensiyon ang isang suspek o inaakusahan, awtomatikong walang krimen na naganap.
Yan ang batayan sa pagsasampa ng kaso—may internet man o wala.
Ang problema sa Pilipinas, ang lahat ng mamamayan ay may karapatang magsampa ng kaso—may merito man o wala.
Ibig sabihin, walang batas na sasagka sa karapatan ng indibidwal na magsampa ng kaso o simpleng reklamo sa piskalya—kahit WALANG SAPAT NA EBIDENSIYA.
Iyan ang dahilan kung bakit NANGANGANIB ang mga netizens na idemanda o ireklamo sila kahit walang sapat na ebidensiya—gamit lamang ang simpleng “post” sa internet.
Sa bandang huli, ay tiyak namang maabsuelto o madi-dismiss ang kaso o reklamo sa piskalya , pero nai-HARASS na ang netizen, naperhuwisyo na ang internet users—at ang NAMERHUWISYO o ang nang-HARASSED ay hindi hinahatulan ng danyos-perhuwisyo.
Sa ibang bansa, tulad sa Britain, kapag ang indibidwal ay nagreklamo nang walang merito at na-dismiss ang kasong kanyang naisampa, PAPASANIN niya ang LAHAT ng gastos sa korte at gastos ng abogado ng kanyang idinemanda.
Sa Pilipinas ay walang ganyang KALAKARAN—kaya’t delikado ang bagong R.A. 10175—aabusuhin ito at gagamiting pang-HARASS o panggipit o pananakot sa mga NETIZENS.
Ganyan lang kasimple ang problema.
Maunawaan sana ito ng lahat.
EDITORIAL  ni Ka Ambo column, Bulgar Newspaper, Oct. 04, 2012 issue,UNEDITED. CC. bistado.blogspot.com/ bistadokamao@yahoo.com/ bistadoniambo on twitter/ 09173525272.)

HELP! INSTINCT NI PNOY NAWAWALA


NAPIKON na ang Malacanang sa mga nagbabansag na nasa ilalim ngayon ang Pilipinas ng Cyber Martial Law.
Iniutos ngayon ni PNoy sa DOJ na rebyuhin ang mga probisyon sa naturang batas.
Malaki po ang TAMA ninyo dyan.

-----$$$--
ISA tayo sa naaawa sa katayuan ni PNoy.
Ang kanya kasing desisyon ay mailalarawan bilang “sala-sa-init, sala-sa-lamig”.
Ibig sabihin, lagi siyang “tumitimbang” o nag-a-akrobat sa pagdedesisyon.
Marami kasi ang naniniwala na “hindi” si PNoy ang “nagdedesisyon” sa ilang mga batas o direktiba na kanyang NILALAGDAAN.
At isa dito ay ang kontrobersiyal na Cybercrime Prevention Act o RA 10175.
Naiipit ngayon si PNoy at hindi niya malaman kung sino ang sisihin sa kanyang mga taga-SULSOL.

-----$$$---
HALATADONG madaling maimpluwensiyahan si PNoy.
Imbes na siya ang mag-DIKTA o mang-IMPLUWENSIYA—siya ang nadidiktahan at naiimpluwensiyahan.
Iyan ang dahilan kung bakit, nagkakaaberya ang kanyang mga “desisyon”.

---$$$--
ISANG  itinuturong malakas na power block na umiimpluwensiya kay PNoy ay ang mismong LIBERAL PARTY.
Matagal na nating iniuulit-ulit dito na hindi ang Liberal Party lamang ang nag-luklok kay PNoy, pero nakapagtatakang nagpapaimpluwensiya siya dito.
Dapat na maunawaan ni PNoy na naka-SAMA lamang niya ang LP nang gumewang-gewang ang “resulta” ng presidential survey noong 2010 kung saan nangulelat noon si dating Senador Mar Roxas laban sa iba pang aspirante na sina  Vice President Noli de Castro, Sen. Manny Villar at dating Presidente Joseph Estrada.
Nang yumaong bigla  si Tita Cory, biglang HUMUGOS ang botante kay PNoy at lalong natabunan ang popularidad ni Roxas.
No choice ito kundi ang ilipat ang BANDERA kay PNoy.
Inilipat ni Roxas  ang TIMON—hindi dahil kursunada nila si PNoy kundi dahil “NO-CHOICE” ang Liberal Party kundi SUNDIN ang HUGOS ng ordinaryong tao na nagtutulak sa kandidatura ng anak ni Tita Cory at Sen. Ninoy.
Ibinoto ng taumbayan si PNoy hindi dahil sa LP, bagkus ay sinuportahan siya dahil naniniwala silang may SARILI siyang desisyon at may INDEPENDENT MIND.

-----$$$---
NANATILING popular si PNoy, batay sa pinakahuling survey , hindi dahil sa Liberal Party, bagkus ay dahil sa naniniwala silang may KAKAYAHANG siyang magdesisyon at hindi nagpapaimpluwensiya sa kanginuman.
Ang PERSONAL na desisyon ni PNoy ang nagugustuhan ng tao—at hindi kailanman ang desisyon ng kanyang partido.
Ngayon lumabas ang senatorial ticket ng ruling party, kitang-kita dito na HINDI ito desisyon ni PNoy bagkus ay naimpluwensiyahan siya ng mga SULSOL.
Yung mga taong binabatikos nila mismo ay kasama nila ngayon sa TIKET.
Ibig sabihin, hindi ito nakakabuti sa personalidad ni PNoy.
Hangga’t maaari ay dapat na SUNDIN lamang ni PNoy ang kanyang INSTINCT .
Kung ano sa paniniwala niya ang makakabuti sa gobyerno at sa bansa—ay dapat niyang ipatupad nang hindi naiimpluwensihan ng mga may VESTED INTEREST.
Sa totoo lang, kung ipapamalas o ipaparamdam lang ni PNoy sa taumbayan na siya ay may KAKAYAHANG MAGDESISYON nang nag-iisa o may SARILING DISPOSISYON—lalo siyang mapapamahal sa taumbayan.
Marami pang mahahalagang desisyon na nag-aantay kay PNoy.
Isa sa pinakaaabangan ngayon ay kung sino ang kanyang ipapalit sa magreretirong si PNP Chief Nicanor Bartolome.
Sa pagpili ng bagong PNP chief, dapat ay gamitin ni PNoy  ang SARILI niyang DISPOSISYON.
Mahalaga ang puwesto sa PNP, hindi dapat pumayag si PNoy na maimpluwensiyahan siya ng kanyang partido—dahil maaaring mapahamak siya o mapahamak ang buong bansa.
(BISTADO ni Ka Ambo column, Bulgar Newspaper, Oct. 04, 2012 issue,UNEDITED. CC. bistado.blogspot.com/ bistadokamao@yahoo.com/ bistadoniambo on twitter/ 09173525272.)
----30---

R.A. 10175: BINABOY-BABOY, PERO SIMPLE LANG


NAPIKON na ang Malacanang sa mga nagbabansag na nasa ilalim ngayon ang Pilipinas ng Cyber Martial Law.
Iniutos ngayon ni PNoy sa DOJ na rebyuhin ang mga probisyon sa naturang batas.
Malaki po ang TAMA ninyo dyan.

-----$$$--
ISA tayo sa naaawa sa katayuan ni PNoy.
Ang kanya kasing desisyon ay mailalarawan bilang “sala-sa-init, sala-sa-lamig”.
Ibig sabihin, lagi siyang “tumitimbang” o nag-a-akrobat sa pagdedesisyon.
Marami kasi ang naniniwala na “hindi” si PNoy ang “nagdedesisyon” sa ilang mga batas o direktiba na kanyang NILALAGDAAN.
At isa dito ay ang kontrobersiyal na Cybercrime Prevention Act o RA 10175.
Naiipit ngayon si PNoy at hindi niya malaman kung sino ang sisihin sa kanyang mga taga-SULSOL.

-----$$$---
HALATADONG madaling maimpluwensiyahan si PNoy.
Imbes na siya ang mag-DIKTA o mang-IMPLUWENSIYA—siya ang nadidiktahan at naiimpluwensiyahan.
Iyan ang dahilan kung bakit, nagkakaaberya ang kanyang mga “desisyon”.

---$$$--
ISANG  itinuturong malakas na power block na umiimpluwensiya kay PNoy ay ang mismong LIBERAL PARTY.
Matagal na nating iniuulit-ulit dito na hindi ang Liberal Party lamang ang nag-luklok kay PNoy, pero nakapagtatakang nagpapaimpluwensiya siya dito.
Dapat na maunawaan ni PNoy na naka-SAMA lamang niya ang LP nang gumewang-gewang ang “resulta” ng presidential survey noong 2010 kung saan nangulelat noon si dating Senador Mar Roxas laban sa iba pang aspirante na sina  Vice President Noli de Castro, Sen. Manny Villar at dating Presidente Joseph Estrada.
Nang yumaong bigla  si Tita Cory, biglang HUMUGOS ang botante kay PNoy at lalong natabunan ang popularidad ni Roxas.
No choice ito kundi ang ilipat ang BANDERA kay PNoy.
Inilipat ni Roxas  ang TIMON—hindi dahil kursunada nila si PNoy kundi dahil “NO-CHOICE” ang Liberal Party kundi SUNDIN ang HUGOS ng ordinaryong tao na nagtutulak sa kandidatura ng anak ni Tita Cory at Sen. Ninoy.
Ibinoto ng taumbayan si PNoy hindi dahil sa LP, bagkus ay sinuportahan siya dahil naniniwala silang may SARILI siyang desisyon at may INDEPENDENT MIND.

-----$$$---
NANATILING popular si PNoy, batay sa pinakahuling survey , hindi dahil sa Liberal Party, bagkus ay dahil sa naniniwala silang may KAKAYAHANG siyang magdesisyon at hindi nagpapaimpluwensiya sa kanginuman.
Ang PERSONAL na desisyon ni PNoy ang nagugustuhan ng tao—at hindi kailanman ang desisyon ng kanyang partido.
Ngayon lumabas ang senatorial ticket ng ruling party, kitang-kita dito na HINDI ito desisyon ni PNoy bagkus ay naimpluwensiyahan siya ng mga SULSOL.
Yung mga taong binabatikos nila mismo ay kasama nila ngayon sa TIKET.
Ibig sabihin, hindi ito nakakabuti sa personalidad ni PNoy.
Hangga’t maaari ay dapat na SUNDIN lamang ni PNoy ang kanyang INSTINCT .
Kung ano sa paniniwala niya ang makakabuti sa gobyerno at sa bansa—ay dapat niyang ipatupad nang hindi naiimpluwensihan ng mga may VESTED INTEREST.
Sa totoo lang, kung ipapamalas o ipaparamdam lang ni PNoy sa taumbayan na siya ay may KAKAYAHANG MAGDESISYON nang nag-iisa o may SARILING DISPOSISYON—lalo siyang mapapamahal sa taumbayan.
Marami pang mahahalagang desisyon na nag-aantay kay PNoy.
Isa sa pinakaaabangan ngayon ay kung sino ang kanyang ipapalit sa magreretirong si PNP Chief Nicanor Bartolome.
Sa pagpili ng bagong PNP chief, dapat ay gamitin ni PNoy  ang SARILI niyang DISPOSISYON.
Mahalaga ang puwesto sa PNP, hindi dapat pumayag si PNoy na maimpluwensiyahan siya ng kanyang partido—dahil maaaring mapahamak siya o mapahamak ang buong bansa.
(BISTADO ni Ka Ambo column, Bulgar Newspaper, Oct. 04, 2012 issue,UNEDITED. CC. bistado.blogspot.com/ bistadokamao@yahoo.com/ bistadoniambo on twitter/ 09173525272.)
----30---



Editorial


Head:

TULAD sa kalakaran sa facebook, pinaglalaruan ngayon ng mga Pinoy netizens ang Cybercrime Prevention Act na nagsimulang umiral kahapon.
Binababoy ngayon mismo ang naturang batas, yinuyurakan, iniinsulto at pinagtatawanan bilang isang basurang batas na isinusupalpal sa mga mamamayan ng modernong  henerasyon.
May nagmumura, may nagpo-post ng hubo’t hubad, at may naghahamon na idemanda sila ng libelo ng mga awtor ng naturang batas.
Malinaw na hindi epektibo ang naturang batas sapagkat pinagtatawanan lamang ito at dinededma lamang ng mga tunay na nakakaunawa ng batas –partikular sa batas sa libelo.
Anumang krimen ay dapat unang sinusuri kung ano ang intensiyon, motibo o malisya ng suspek o akusado.
Kapag walang maipapakitang ebidensiya na may motibo, may malisya o may masamang intensiyon ang isang suspek o inaakusahan, awtomatikong walang krimen na naganap.
Yan ang batayan sa pagsasampa ng kaso—may internet man o wala.
Ang problema sa Pilipinas, ang lahat ng mamamayan ay may karapatang magsampa ng kaso—may merito man o wala.
Ibig sabihin, walang batas na sasagka sa karapatan ng indibidwal na magsampa ng kaso o simpleng reklamo sa piskalya—kahit WALANG SAPAT NA EBIDENSIYA.
Iyan ang dahilan kung bakit NANGANGANIB ang mga netizens na idemanda o ireklamo sila kahit walang sapat na ebidensiya—gamit lamang ang simpleng “post” sa internet.
Sa bandang huli, ay tiyak namang maabsuelto o madi-dismiss ang kaso o reklamo sa piskalya , pero nai-HARASS na ang netizen, naperhuwisyo na ang internet users—at ang NAMERHUWISYO o ang nang-HARASSED ay hindi hinahatulan ng danyos-perhuwisyo.
Sa ibang bansa, tulad sa Britain, kapag ang indibidwal ay nagreklamo nang walang merito at na-dismiss ang kasong kanyang naisampa, PAPASANIN niya ang LAHAT ng gastos sa korte at gastos ng abogado ng kanyang idinemanda.
Sa Pilipinas ay walang ganyang KALAKARAN—kaya’t delikado ang bagong R.A. 10175—aabusuhin ito at gagamiting pang-HARASS o panggipit o pananakot sa mga NETIZENS.
Ganyan lang kasimple ang problema.
Maunawaan sana ito ng lahat.
EDITORIAL  ni Ka Ambo column, Bulgar Newspaper, Oct. 04, 2012 issue,UNEDITED. CC. bistado.blogspot.com/ bistadokamao@yahoo.com/ bistadoniambo on twitter/ 09173525272.)

----30---

R.A. 10175:SIMPLENG PROBLEMA LANG


TULAD sa kalakaran sa facebook, pinaglalaruan ngayon ng mga Pinoy netizens ang Cybercrime Prevention Act na nagsimulang umiral kahapon.
Binababoy ngayon mismo ang naturang batas, yinuyurakan, iniinsulto at pinagtatawanan bilang isang basurang batas na isinusupalpal sa mga mamamayan ng modernong  henerasyon.
May nagmumura, may nagpo-post ng hubo’t hubad, at may naghahamon na idemanda sila ng libelo ng mga awtor ng naturang batas.
Malinaw na hindi epektibo ang naturang batas sapagkat pinagtatawanan lamang ito at dinededma lamang ng mga tunay na nakakaunawa ng batas –partikular sa batas sa libelo.
Anumang krimen ay dapat unang sinusuri kung ano ang intensiyon, motibo o malisya ng suspek o akusado.
Kapag walang maipapakitang ebidensiya na may motibo, may malisya o may masamang intensiyon ang isang suspek o inaakusahan, awtomatikong walang krimen na naganap.
Yan ang batayan sa pagsasampa ng kaso—may internet man o wala.
Ang problema sa Pilipinas, ang lahat ng mamamayan ay may karapatang magsampa ng kaso—may merito man o wala.
Ibig sabihin, walang batas na sasagka sa karapatan ng indibidwal na magsampa ng kaso o simpleng reklamo sa piskalya—kahit WALANG SAPAT NA EBIDENSIYA.
Iyan ang dahilan kung bakit NANGANGANIB ang mga netizens na idemanda o ireklamo sila kahit walang sapat na ebidensiya—gamit lamang ang simpleng “post” sa internet.
Sa bandang huli, ay tiyak namang maabsuelto o madi-dismiss ang kaso o reklamo sa piskalya , pero nai-HARASS na ang netizen, naperhuwisyo na ang intenet users—at ang NAMEHUWISYO o ang nang-HARASSED ay hindi hinahatulan ng danyos-perhuwisyo.
Sa ibang bansa, tulad sa Britain, kapag ang indibidwal ay nagreklamo nang walang merito at na-dismiss ang kasong kanyang naisampa, PAPASANIN niya ang LAHAT ng gastos sa korte at gastos ng abogado ng kanyang idinemanda.
Sa Pilipinas ay walang ganyang KALAKARAN—kaya’t delikado ang bagong R.A. 10175—aabusuhin ito at gagamiting pang-HARASS o panggipit o pananakot sa mga NETIZENS.
Ganyan lang kasimple ang problema.
Maunawaan sana ito ng lahat.
EDITORIAL  ni Ka Ambo column, Bulgar Newspaper, Oct. 04, 2012 issue,UNEDITED. CC. bistado.blogspot.com/ bistadokamao@yahoo.com/ bistadoniambo on twitter/ 09173525272.)

Tuesday, October 02, 2012

PACQUIAOS SA POLITIKA:QUALIFIED?


LINSIYAK, kumandidato na rin ang misis ni Manny Pacquiao na si Jinkee.
Maging ang utol ni Pacman na si Roel Pacquiao ay kandidato rin bilang kongresista.
Si Mrs. Pacquiao ay lalaban bilang bise gobernador.
May karapatan namang sumabak sa politika kahit sino.
Karapatan yan ng mag-bayaw.
Pero, hindi rin natin maiiaalis na may magtawa, mapangiti o mang-insulto.
Bakit mo naman pipintasan ang mag-bayaw kung nais kumandidato.
Wala namang maipagmamalaki ang mga politiko.
Kasi’y sila naman ay garapalang MAGNANAKAW ng pondo ng bayan gamit ang pork barrel at nakopong “protection money” at kinita sa ghost projects o overpricing.
Ang gagamiting salapi ng magbayaw ay mula sa dugo at pawis ng pambansang kamao.
Pero ang pondo na gagamitin ng ilang incumbent ay nakaw na pondo mula sa gobyerno.
Marami dito ay mula sa protection money sa illegal gambling, human trafficking, illegal drugs, smuggling, illegal logging, illegal mining at iba pang kailegalan sa paligid.
Lehitimo ang campaign fund ng Pamilya Pacquoao kompara sa pondo na gagamitin ng sangrekwang politiko na nang-iinsulto sa kanilang  kuwalipikasyon.
Sino ba ang mas qualified?
Ang kandidato pinagpawisan ang campaign fund o ang kandidato  gagamit ng “DIRTY MONEY”?
(EDITORIAL  ni Ka Ambo, Bulgar newspaper, Oct. 03, 2012 issue, UNEDITED. Cc: bistado.blogspot.com/ danilo_ambrocio@yahoo.com/ 09173525272/ bistadoniambo on twitter)