Thursday, December 29, 2005

new year (31dec05)

bistado--31dec05
head:
DALAWANG sundalo at tatlong parak ang nagbarilan sa Surigao.
Napagkamalan nilang REBELDE ang kanilang mga SARILI dahil may kanya-kanyang BARIL.
----$$--
DAGSA ang mga tao sa mga TERMINAL.
Ingat po tayo sa mga TERORISTA.
At mga MANDURUKOT.
----$$--
PINALAWIG ng Sandiganbayan ang ORAS na pananatili ni Pareng Erap katabi ang MAYSAKIT na nanay.
Pero, hindi siya pinayagang makauwi sa SARILING BAHAY, ilang metro lang ang layo sa bahay ng kanyang ina.
Kaylupit ng HUSTISYA.
----$$--
NAKAPAGBIGAY daw ng 2 milyong trabaho ang gobyerno.
Huhh, dahil sa IMPORTED goods, nakalikha sila ng 2 MILYONG TRABAHO sa mga magsasaka sa ibang bansa.
----$$--
INI-REORGANIZE na ni Chief Justice Artemio Panganiban ang mga mahistrado sa Korte Suprema.
Baka PANUNUMPAIN naman si Vice Prez Kabayan.
Kahit hindi nagre-RESIGN si Ate Glo.
----$$$---
ISA pang LIDER ng Bayan Muna Movement ang tinepok sa Cebu.
Isang sekretong CIVIL WAR ang nagaganap.
-----$$--
May New Year's wish ka na ba?
He, he, he, eh matupad naman kaya?
------$$$--
HULAAN natin ngayon kung ano ang mga NEW YEAR'S WISH ng mga kilalang tao.
Ate Glo: Mapagtibay ang Konstitusyon na siya ay magiging PERPETUAL PRESIDENT.
------$$$--
NOLI de Castro: Maging PANGULO siya ng Republika.
Kahit ano pa ang MANGYARI kay GMA.
-----$$--
ERAP Estrada: Makalaya!
At makabalik sa Malacanang bilang hepe ng PSG.
-----$$$--
SUSAN Roces: Mabuhay si Da King.
At makagawa silang dalawa ng bagong PELIKULA.
-----$$$---
EX-CHIEF Justice Hilario Davide.
Panumpain siya bilang Pangulo ng Republika kahit labag sa Konstitusyon.
------$$--
IMELDA Marcos: Makagawa uli ng Pelikula.
At maidispley ang mga bago niyang SAPATOS.
-----$$$--
FVR: Bumata siya tulad ng isang sanggol.
Para makatalon lagi tuwing Bagong Taon.
-----$$$--
SPEAKER JDV: Maging kauna-unahang Prime Minister.
Sa Republika ng Pangasinan.
----30---
EDITORIAL
HEAD:
SASALUBUNGIN na mamayang gabi ang taong 2006!
Ayon sa mga numerologist, kokontrolin ito ng mahiwagang No.8.
Otso ang iiral sa susunod na 12 buwan.
Paborito ito ng mga Chinese kasi'y inilalarawan ito na pinilipit na "zero"--na wala ring simula at walang katapusan.
Sa agham, direksiyon ito ng atom kung saan umiinog-inog ng walang patid.
Extreme naman ang tawag dito ng mga mananaliksik sa numerolohiya.
Ibig sabihin, kung paniniwalaan ang mga numerologist, matitindi ang mararanasan ng mga tao--maaaring SOBRANG-SOBRANG HIRAP o SOBRA-SOBRANG SAYA!
Maaaring parehong maganap ito--mauuna ang trahedya bago ang tagumpay o kaya’y magpipiyesta muna bago magluksa!
Sa Pilipinas, serye ng mga dagok sa buhay ang nararanasan ng mga Pinoy sa mga nagdaang panahon, kaya’t maaaring naghihintay ay sunod-sunod namang pag-angat ng buhay.
Walang makapagsasabi kung ano ang magaganap sa taong 2006.
Itim ang katapat ng numero otso.
Pero ang lahat ng bagay sa mundo ay nagmula sa kadiliman bago nalikha ang liwanag!
Kung makakasiwang ang liwanag ng pag-asa sa taong 2006--ay siya nating ipagdasal.
Manigong Bagong Taon po sa ating lahat!
----30-----

Tuesday, December 06, 2005

phonepal ni Garci

Bistado (07Dis05)


BINUHAY ang kaso ni Nida Blanca.
Mabuhay naman kaya si Marsha?

---$$$---
IBINUNYAG ni ex-Comelec Commissioner Virgilio Garcillano na may WALONG KONGRESISTA at anim na senatorial candidates ang naka-PHONEPAL niya.
Hindi niya nilinaw kung ilan ditto ang nag-send ng SEXY JOKES.

---$$$---
TUMANGGAP ng BOMB THREAT ang US Embassy sa Maynila.
Na namannnn?

---$$$---
ITINALAGA bilang bagong Philippine Navy Chief si Vice Admiral Mateo Mayuga.
Hindi sana ito BAWIIN ni Ate Glo.

---$$$---
PINAPLANO na ang EAST ASIA economic union.
Huhhh, suntok sa buwan yan!

---$$$---
MAGSISILBING host ang Thailand sa susunod na 24th Southeast Asian Games.
Tingnan natin kung hindi sila MANDARAYA rin.

---$$$---
MATAPOS ang pagkakampeon sa SEAGames, ipopokus naman ngayon ng mga Pinoy ang atensiyon sa rematch nina Manny Pacquiao at Erik Morales sa Enero 21.
Sino naman kaya sa kanila ang MANDARAYA o MADADAYA?

---$$$---
MAGSISILBING kauna-unahang Pinoy at Asyano bilang KURA-PAROKO sa Roma ang tubong Bikol na si Fr. Jesus Marquiña Maraño matapos siyang italaga ni Pope Benedict VI.
Huwag sana siyang PATUKSO sa kanyang mga SEXY-TARY.

---$$$---
ILANG araw na lamang at Pasko na.
Pero amoy-tuyo pa ang simoy ng hangin.

---$$$---
NATAHIMIK si Susan Roces at Tita Cory.
Baka tumakbo ang FINANCIERS.

---$$$---
HINDI tumalab ang FERTILIZERS SCAM.
Sinapawan agad ito ng PAGLUTANG ni Garci ehh.
--- 30---

blanca case

EDITORIAL (07Dis05)


BINUHAY ang kaso ng pagpatay sa actress na si Nida Blanca.
Tuwirang idinadawit naman ngayon ang nawawalang si Mike Martinez, Elena dela Paz at si dating Gen. Galileo Kintanar.
Gayunman, walang malilinaw na ebidensiya maliban sa testimonya o personal na pahayag ng mga bagong testigo.
Gaano ba katibay ang “testimonya” bilang ebidensiya? Hindi ba’y madali lamang itong bawiin o i-recant matapos ang ilang araw tulad ng ginawa ni Philip Medel? Pero kahit pa binawi ni Medel ang kanyang “drama”, umiikot ang kaso sa mga naturang suspek kaya’t isasailalim muli ito sa preliminary investigation sa kabila ng pagtutol mismo ng abogado ng pamilya ng nasirang aktres.
Hanggang sa ngayon ay hindi pa natatagpuan si Martinez kaya’t hinihinalang sangkot sa kaso ang militar lalo pa’t dating hepe ng Intelligence Service ng AFP si Kintanar.
Sakaling makaagaw ng atensiyon ng publiko ang panibagong pagsisiyasat sa Nida Blanca case, papatok naman ito bilang bagong telenovela sa buhay ng mga Pinoy.
Yun nga lang, hindi na ito nakakatawa kundi NAKAKABUWISET na.
----30---

Saturday, December 03, 2005

US, DOLYAR (04dis05)

Bistado—04dis05

Head: Kano

DEDBOL ang 10 us Marines sa Iraq at 11 pa ang sugatan.
Behh, buti nga.

----$$--
NAGDUDUDA ang Arab nations sa MOTIBO ng US sa pagkubkob sa Baghdad.
He, he, he, NABISTO sila na nais nilang KONTROLIN ang OIL SUPPLY.

----$$--
NAHULOG sa sarili niyang KABAYO ang equestrian na si Mikee Cojuangco- Jaworski.
Hindi po DUDUT ang pangalan ng KABAYO.

-----$$---
UMIINIT ang MEDIA WAR ng Thailand at host-Philippines kaugnay ng LUTUAN SA RESULTA ng mga laro sa 23rd SEAGames.
Iyan mo ang tinatawag na LUTONG-MAYNILA.

----$$---
MABABAW na pundasyon daw ang DOLLAR REMITTANCES ng OFWs sa katatagan ng EKONOMIYA.
Eh alin ang mas matibay?
Ang dolyar ng SMUGGLERS, GAMBLING LORDS at ILLEGAL DRUGS TRAFFICKERS?

-----$$--
HINATULAN ng Court Martial ng dalawang taong HARD LABOR si Maj. Gen. Carlos Garcia dahil sa pagkakaroon ng US GREENCARD at maling Statements of Assets and Liabilities.
Maaari pang PWEDENG MAHATULAN.

----$$--
BABAWIIN na ni DENR Sec. Mike Defensor ang permiso na ibinigay sa LOGGING FIRM ni Sen. Juan Ponce Enrile na papanot sa kabundukan ng SAMAR.
Kunwari.

----$$$--
PINABABANTAYAN ng NTC ang “Chatrooms” sa Cable Television.
Baka daw ditto magsimula ang CYBER REVOLUTION.

----$$--
INAASAHANG tataas na naman ang PRESYO NG LANGIS dahil sa nalalapit na WINTER SEASON sa America.
Nanangkupooooo!

----$$$---
GINAWARAN ng gold medal ang isang Pinoy inventor na nakatuklas ng PANTAPAL na herbal sa SKIN CANCER.
Isang malaking TAGUMPAY ito ni MANG KEPWENG.

-----30—

editorial

head: Dolyares

MINAMALIIT ng World Bank ang $12 bilyong remittances ng Overseas Filipino Workers (OFWs) sa pagsasabing hindi ito matatag na pundasyon sa isang maunlad na ekonomiya.
Isang malaking panloloko ito ng World Bank dahil magmula ng ikadena ng WB at International Monetary Fund (IMF) ang Pilipinas sa kanilang mga regulasyon hindi ito nakaahon sa pagkakalubog sa utang.
Kapag pinaniwalaan natin ang WB-IMF patuloy tayong didiktahan ng mga hinayupak na international financing institusyon na tuwirang nanggugulo sa estabilidad n gating bansa.
Nasorpresa kasi ang WB-IMF dahil sa kabila ng kaguluhang political na itinanim ng mga US spies sa loob ng burukrasya, paglobo ng oil price sanhi ng pananakop ng US sa Iraq; at baliktaktakan sa 2004 election; at banta ng bird flu ay nananatiling UMIISKOR ang PISO KONTRA DOLYAR.
Iisa ang alam nilang dahilan kung bakit hindi nila makontrol ngayon ang Pilipinas—BILYONG DOLYAR mula saw along milyong OFWs.
Sa ngayon, higit na malaki ang dollar remittances ng OFWs kaysa sa electronic product exports kaya’t maituturing na No.1 ang EXPORT COMMODITY ang OFWs.
Bagaman, nakalulungkot na mistulang paninda sa palengke ang OFWs pero wala tayong magagawa kasi’y ito ang HINIHINGI ng modernong henerasyon kaysa naman paalipin tayo sa dikta ng WB-IMF na espiya ng Amerika.
Bumabaha na ngayon ang dolyar kasi’y nagbabalik-bayan ang mga OFWs at nagpapadala na rin sila ng X’MAS money sa loob ng bansa.
Iyan ang hindi mapaniwalaan ng mga dayuhan!
----30---

Friday, December 02, 2005

atras sa Iraq, buwis (03dis05)

Bistado—03dis05

HEAD:

AATRAS na ang mga sundalo ng Bulgaria at Ukraine mula sa Iraq.
Nakahalata na sila sa PANG-UUTO ng mga KANO.

---$$---
PUMAYAG na si DENR Sec.Mike Defensor na ipatupad ang total LOG BAN sa isla ng SAMAR.
Huhhh, papayag ba siyang MATUNAW ang DAMBUHALANG PADULAS?

-----$$---
TAKAM-NA-TAKAM ang World Bank – International Monetary Fund (WB-IMF) sa bilyon-bilyong dollar remittances ng mga OFWs.
Dugo ang PINOY ang kanilang SINUSUPSOP.
Pweeeee!

----$$$--
BINARIL at napatay ang isang radio commentator at newspaper columnist na si George Benaojan, 27 ng Cebu City.
Huhhh, talagang nililipol ang ating mga KABARO.

----$$--
INIREREKLAMO ang isang alyas RICO na nagbigay ng pahintulot sa isang VENDOR na gamitin ang BANGKETA NA DINARAANAN ng mga LUMPO sa Hidalgo St. cor. P. Gomez St. sa Quiapo, Maynila.
Nakapagtatakang kinukunsinte ito ni Adil Khan na hepe ng Manila Hawkers na nasa ilalim ni Manila Mayor Lito Atienza.
Magkano kaya, Meyor?
Aba aksiyunan ninyo yan?

-----$$--
DAPAT din kumilos ditto ang mga opisyales ng Department of Social Welfare and Development (DSWD) upang ipa-REVOKE ang permiso na ibinigay ng Manila Hawkers para pagtindahan ng VENDORS NG PRUTAS ang “DAAN PARA SA WHEEL CHAIR”.
Meyor Lito, pakiimbestigahan mo nga kung sino ang mga NAGKAKUWARTA sa ganyang PAGLABAG SA BATAS?
May proteksiyon sa batas ang mga LUMPO, pero sa Maynila—BINABALEWALA ito.
Bwusettttt.

-----$$--
NAKAUMANG na ang tag-araw, pwede na uling linisin ang mga KANAL at ESTERO.
Kung kalian kasi nasa kasagsagan ang tag-ulan saka naglilinis ng BASURA ang mga kolokoy.

-----$$--
GUGUWARDIYAHAN daw ng isang special force ng PNP si ex-Comelec Commissioner Virgilio Garcillano.
He, he, he, na-LIBRE pa ang BODYGUARDS ng Kumag.

---30---

EDITORIAL

HEAD:

ISANG paniwalaan-dili ngayon ang nagaganap sa Bureau of Internal Revenue (BIR) mula nang magbibitiw si Commissioner Guillermo Parayno at pumalit si Jose Mario Buñag.
Isipin mong nagtala ng surplus na P3 bilyong koleksiyon at napaliit sa P8 bilyon ang mahigit P11 bilyong inaaasahang deficit sa taong ito.
Nakasalalay sa kamay ni Buñag ang ikapagtatagumpay na implementasyon ng Expanded Value Added Tax (EVAT) pero bago man ito maipatupad nalampasan na ang target koleksiyon noong Agosto.
Sa ngayon ay lumakas na ang PISO kung saan napaabot na lamang ito sa mahigit P53 kada dolyar higit sa P54 hanggang P55 sa kainitan ng kaguluhang political matapos ang 2004 election.
Nakasalalay ang 80 porsiyento ng tax collection sa BIR at 20 porsiyento sa Bureau of Customs at iba pang tax collecting agencies kaya’t ang magandang performance ngayon ng rentas internas ang mismong nagpapalakas ng pag-asa na maabot ang target na kabuuang P547 bilyong buwis sa taong ito..
Sakaling lumakas ang piso, malaki ang ibaba ng presyo ng inaangkat na produktong petrolyo na ginagamit naman sa pagseserbisyo ng kuryente kaya’t walang duda na bababa na rin ang singil ng Meralco at electric cooperatives.
Siyempre, makakasunod sa pagbaba ang presyo ng mga bilihin at iba pang serbisyo.
Ipagdasal nating magpatuloy ang mabuting koleksiyon ng buwis at doblehin din natin ang panalangin na huwag sanang NAKAWIN ng mga BUWAYA sa pamahalaan ang kuwartang ibinubuwis ng taumbayan.
Kahit paano, nakasisiwang at nakasisilip tayo ng pag-asa sa hinaharap.
Isang magandang regalo ito sa sambayanang Pinoy ngayong Kapaskuhan.
---30---